1 Samwele 24:12 - Livulu lya Shukulu Kalunga

¹² Ngeci Shukulu Kalunga asompe akati ketu tuvavali iya umo naviisa! Ngecivene, ikeye akunyanyamese a vilinga vyove vyakunjilwisa, omwo yange kunjikakuvulumuna embwe.

1 Samwele 24:12 Iomraidhean Croise

Kushangumuka 16:5

Co Salai wendekele kuli Avilama ngwendi, “Ou unapu mulonga wove ngeci Hangale alinakunjishaula. Yange vene njamwanene kuli yove, co kutunda aje alimwene ngeci ali na kafumba, ikeye alinakunjishaula. Shukulu Kalunga atusompe kuwana iya umo nalingi mwamuvwa, nove nange!”

Kushangumuka 31:53

Njambi ya Avilahama na Njambi ya Nahole, ikeye Njambi akasompa akati ketu.” Co Yakomba walisingile mukunyunga cikumiiyo mu lizina lya Njambi uje yalemesele ishe Isake.

2 Samwele 22:48

Ikeye anjihyanesa ku vitozi vange, nanjifungulwila miyati yoshe,

1 Mizimbu 12:18

Co Munzinzime wa Njambi wezile ali Amasai, muka-kushika vaje “Makumi Atatu.” Co watambekele ngwendi, “Ndaviti muna Njesi, yetu tunapu tu vanu vove! Tunemana amo nove! Kwoloka, kukale amo nove! Kwoloka kukale kuli vaka-kukukwasa, omo Njambi akakukwasa.” Co Ndaviti wavatambwile, nakuvapwisa vakulunu va nzita yendi.

Yombi 5:8

“Nga yange njinapwile ngwe yove, nga njinashakezeka Njambi nakumuleka mulonga wange.

Myaso 35:1

Shukulu Kalunga, yeluwisa vaje vanjiyeluwisa, co lwa na vaje vanjilwisa!

Myaso 43:1

Njisompele yove Njambi, nakunjakwila mulonga wange ku muyati wa kukomoka Njambi, njamene ku vaka-makuli na vaka-vuvi!

Myaso 94:1

Shukulu Kalunga yove wapwa u Njambi muka-kuhisa vaka-vuvi, sholola vukalu vwove!

Loma 12:19

Vasamba vange, kesi mulinge shambandinga, oloni eceleni vukalu vwa Njambi vucilinge. Omwo visoneka vyendeka ngwavyo, “Yange njilinga shambandinga, njikavelwisila fweto yavo, mwanendeka Shukulu Kalunga.”

1 Petulu 2:23

Omo vamushawile, kelwisile lalo vituka, omo wayandele, ikeye kalishungwiiye, oloni waakele cinyangavili cendi muli Njambi, lyaako wa vushunga.

Kujombolola 6:10

Co vatambekele na lijwi lyakama ngwavo, “Shukulu Kalunga Muka-nzili yoshe, wakujela na vushunga! Simbu mukajo ukakala ngeci ukasompe vanu va asi nakuvanyanyamesa omwo vatutsiile?”

Maako 11:27

Embwe, yange nacimo cacivi cinjinalingi kuli yove cai. Yove ulinakulinga mwamuvi akulwa nzita nange. Shukulu Kalunga apwe lyaako. Ikeye ayongole ku litangwa lya lelo akati ka vaIsalele na vaAmoni.”

1 Samwele 20:1

Ndaviti watewele kutunda ku Nayote mu Lama, waile kuli Yonatana. Ndaviti wamwihwile ngwendi, “Vikajo njalingi? Mulonga ukajo unjinalingi? Vuvi vuka vunjinalingi kuli isho vwashaka kunjitsiila?”

1 Samwele 24:15

Ngecivene, Shukulu Kalunga atusompe, awane akati ketu iya umo naviisa. Shukulu Kalunga akenge a n̄anda eyi, nakunjamena, nakunjovola kuli yove.”

1 Samwele 26:23

Shukulu Kalunga akana cikandelela kuli vaka-kulongwa na vaka-vushunga. Ku litangwa lya lelo, ikeye nakwakele mu mavoko ange, oloni kunjavulumwine uje Shukulu Kalunga yanapwisa mwene.