1 Samwele 24:10 - Livulu lya Shukulu Kalunga

¹⁰ Kenga, litangwa lya lelo mesho ove analimwena ngeci, muje mu linzenzengoma Shukulu Kalunga nakukundikile mu mavoko ange. Co vanu vange vamo vanjilekele ngeci njikutsiye, oloni yange njakuzivilile mema ku mbunge. Co njinendekele ngwange, ‘Kunjapandele kuvulumuna uje yanavwavesa Shukulu Kalunga.’

1 Samwele 24:10 Iomraidhean Croise

Myaso 105:15

Wendekele kuli vakevo ngwendi, “Kesi muvulumune vangamba vange vakwangula, co kesi muvulumune vaka-kwimanena vange!”

Myaso 125:3

Vaka-vuvi kuvakashwana lifuti lya vaka-vushunga, nga vakalingamo, co vaka-vushunga vakalinga vuvi.

Myaso 7:3

Yove Shukulu Kalunga Njambi yange, nga njinaviisila musamba wange, nga njinende vungungu musamba,

Myaso 7:4

nambe kuzivila citozi cange mema ku mbunge, nga njinalingi vyuma evi,

Kutuuka 21:13

Oloni nga namutsii cintulu, ikeye kayongwele kutsiya munu, co ikeye atewele ku mutambela uje njikamwangwilawo, co kuje akakala mwamuvwa.

Ezekiyele 22:9

Vanu veni vamo valinakuvangela vakwavo vya makuli ngeci vavatsiye. Vamo valinakulya vin̄ombelo vyakukombelela ku tumponya. Vamo valinakukutisa mashungu avo.

VaLevi 19:16

Kesi mukashandole n̄anda ya makuli ali munu woshe-iwoshe. Co nga munu vanamusompela kutsa, endeka mwamuvwa, amo vukaleo vwove vwasa kumukwasa ikeye. Yange Kalunga.

1 Samwele 24:4

Co vanu va Ndaviti vendekele kuli ikeye ngwavo, “Kenga, eli likelyo litangwa lyatumbwile Shukulu Kalunga ngwendi, ‘Njikaka citozi cove mu mavoko ove, ukasa kulinga nendi mwoshe muushakela.’ ” Co Ndaviti wakalavele waile wakavatwile nanga ku mukundwilo wa cikoveyo ca Saulu kwakujeneka Saulu kuzivuka.

1 Samwele 24:9

co wendekele ngwendi, “Omwo vika ulinakutolilila ku majwi a vanu valinakwendeka ngwavo, ‘Ndaviti alinakushaka kukuvulumuna?’