1 Samwele 23:9 - Livulu lya Shukulu Kalunga

⁹ Omo Ndaviti wazivile ngeci Saulu ali na vutumbe vwakumulwisa, wendekele kuli Aviyatale muka-kukombelela ngwendi, “Nena kangamuna kuno.”

1 Samwele 23:9 Iomraidhean Croise

1 Vimyene 2:26

Asinoni Mwene Solomoni wendekele kuli Aviyatale muka-kukombelela ngwendi, “Ya ku lifuti lyove ku Anatote. Unapandele kutsa, oloni kunjikutsii ololo embwe, omwo yove wambatele Cikasa ca Cikumiiyo ca Shukulu Kalunga amo na tate Ndaviti, co wayandele amo nendi mu vukalu vwendi vwoshe.”

Njelemiya 33:3

Njihule, co njikakukumbulula, nakukuleka vyuma vyakama vyakukomokesa.

Hoziya 3:4

Mu cifwa cimolika vanu va Isalele vakakala simbu yakama kwakujeneka vimyene nambe vantwama, kwakujeneka kukombelela nambe kukala na vimanda vya mamanya vyakujela, kwakujeneka tumponya nambe vifwa vyakupangesa mukutaa.

Kulava 27:21

Ikeye akemana ku mesho a Elyazale muka-kukombelela, co Elyazale akalilongesa kuwana cizango cange akupangesa Ulime na Tumime, co mu ngila eyi akatwamenena Yoshwa na mbunga yoshe ya vanu va Isalele mu vipangi vyavo vyoshe.”

Vilinga vya Miluwa 14:6

Omo miluwa vanangukile eci, co vatewelele ku Lisitala na ku Ndembe vinganda vya mu Likaoniya na ku mitambela yakwatako.

Vilinga vya Miluwa 9:24

oloni vamulekele vya vutumbe vwavo. Mutanya na vutsiki vakele nakunyunga ku vikolo vya ku nganda ngeci vamutsiye.

1 Samwele 10:22

co vehwile kuli Shukulu Kalunga ngwavo, “Kuma kukwesi weka ndi?” Co Shukulu Kalunga wavakumbulwile ngwendi, “Kwali kuje navanda mu vivala.”

1 Samwele 14:18

Co Saulu wendekele kuli Ahiya muka-kukombelela ngwendi, “Nena Cikasa ca Cikumiiyo kuno.” (A litangwa lije Ahiya wambatele Cikasa ca Cikumiiyo kulutwe lwa vanu va Isalele.)

1 Samwele 22:20

Oloni Aviyatale muna Ahimeleki, watewele, waile nakulipandakana na Ndaviti.

1 Samwele 23:10

Co Ndaviti wendekele ngwendi, “Yove Shukulu Kalunga, Njambi ya Isalele, njazivi ngeci Saulu ali na vutumbe vwakwija ku Keila nakuyinyongesa omwo yange, ngamba yove.

1 Samwele 23:6

Omo Aviyatale muna Ahimeleki watewelele kuli Ndaviti ku Keila, wambatele kangamuna.

1 Samwele 23:8

Ngecivene, Saulu wasanene mashwalale vendi va nzita vaye nakulwisa Keila ngeci vakazengeleke Ndaviti na vanu vendi.

1 Samwele 30:7

Ndaviti wendekele kuli Aviyatale muka-kukombelela muna Ahimeleki ngwendi, “Njinenele kangamuna.” Co Aviyatale wamuneneleleko.