1 Samwele 23:23 - Livulu lya Shukulu Kalunga

²³ Mukawane mwamuvwa ku mwela kuje kwakavanda, co mwa vushunga vene ilwiseni vukaleo vwavuvwa kuli yange. Asinoni njakuye amo neni, co nga ikeye acili mu lifuti lije, co njikamushakezeka, nameme akati ka vaYunda 1,000.”

1 Samwele 23:23 Iomraidhean Croise

1 Vimyene 18:10

Njilisinga mu lizina lya Shukulu Kalunga, Njambi yove wakuyoya ngwange mwene nalanya cilanyo caali yove mu lifuti lyoshe lya mu kaye. Oshe aje muka-kushwana wa lifuti lika nambe lika alinga vukaleo ngeci kuwesimo mu lifuti lyendi, co Ahave ehula uje muka-kushwana alisinge ngeci kuvasa kukuwana.

2 Vimyene 6:13

Co mwene washikile ngwendi, “Museteleni oku kwoshe ali ngeci njimukwate.” Omo vamulekele ngwavo Elisha ali ku Ndotane,

Myaso 10:8

Alishweka mu membo, mukuvandamena kutsiya vanu vakujeneka mulonga. Alalela vushonge uje nazeye,

Visimo 1:16

Simbu yoshe vanu ava vakalingi cuma cacivi. Vakevo vakalyanganya ngeci vatsiye.

Mika 5:2

Shukulu Kalunga alinakwendeka ngwendi, “Yove Mbetelehema Efaleta yove wapwa uwamundondo akati ka vinganda vya mu Yunda, oloni kuli yove kukatunda muka-kushwana Isalele, uje naanga yendi yakeleko tunde ku san̄ulu.”

Kulava 10:36

Co oshe aje acemanene Cikasa, co Mosesa wendekele ngwendi, “Iluka, yove Shukulu Kalunga ku vinaanga 1,000 vya Isalele”

Mako 14:1

Kwasalele matangwa avali ngeci kukale Ciwano ca Pasovala na Ciwano ca Makende Akujeneka Musima. Co vakulunu va vaka-kukombelela na valongisi va majwi a Lishiko vakele nakusetela ngila yakukwata Yesu mu vushweke, co vamutsiye,

1 Samwele 23:22

Yeni mukawane mwamuvwa ngila, mukatondesese mwamuvwa, co mukazivuka naa akala, nou namumono iya, omwo njinazivi ngwavo ikeye nanyanyama manene.

1 Samwele 23:24

Ngecivene, vasezele Saulu velukile ku Zife. Ndaviti na vanu vendi vakele mu mambo ya Mayone, mu cana cangoco ku mutambela wa mu mbwela ya mambo ya Yundeya.

1 Samwele 24:11

Tate, kenga nanga ya ku mukundwilo wa cikoveyo cove eyi injinakwata! Njapandele kukutsiya, oloni njavatula lika nanga ya ku mukundwilo wa cikoveyo cove. Co eci cilinakukumwesa ngeci yange kunjesi na vutumbe vwakuyongola kukulwisa nambe kukuvulumuna. Yove ulinakunjiyomba ngeci unjitsiye, yange kunjalingile cuma cimo cacivi kuli yove.