1 Samwele 22:3 - Livulu lya Shukulu Kalunga

³ Kutunda aje, Ndaviti waile ku Mizipa ku Mowavi, co wendekele kuli mwene wa ku Mowavi ngwendi, “Shukulu, tava tate na vanana vaije nakutumbama amo nove noo njikawana vije Njambi akanjilingila.”

1 Samwele 22:3 Iomraidhean Croise

Kushangumuka 47:11

Asinoni Yosefa watumbamene na ishe na vandolome vendi mu Ingito, co wavanene mutambela wauvwa mu lifuti kuyehi na nganda ya Lamesese, ngwe muje mwashikile mwene.

2 Samwele 8:2

Wafungulwile lalo vaMowavi. Washikile vinzinda valale asi mu mikana itatu, co vaje vakele mu mukana wamucivali wavatsiile. Co vaje akele mu mukana wamucitatu, kavatsiile. Ngecivene, vaMowavi vapwile vindungo va Ndaviti, vafwetele lisimu kuli ikeye.

Kutuuka 20:12

“Singimikeni vaishweni na vanyokweni, ngeci mukayoye simbu yakama mu lifuti lije linjikamyana yange Kalunga Njambi yeni.

1 Timateo 5:4

Oloni nga fwile ali na vana nambe vatekulu, vanapande akulivanga vanapande kulilongesa kupanga vipangi vyakukulalela kwavo ku naanga yavo, co mu ngila eyi vakevo lalo vanapande kukwasa visemi vavo na vakukulwila vavo, omwo omu mukemwo mukavwaelelesa Njambi.

Maako 11:29

Asinoni Munzinzime wa Shukulu Kalunga wezile ali Njefeta. Co Njefeta waile ku Ngilyande na Manase, welukile lalo ku Mizipa mu Ngilyande, co waile ku Amoni.

Lute 4:10

Amo na Lute kaMowavi, fwile ya Mahelone, njimwambata oni apwe munakazi wange. Eci cikapwa kunyunga vufuko vwa naanga ya mutsi mu mavoko a vavushoko vwendi, co na naanga yendi anga vakakala akati ka vavushoko vwendi na mu nganda yendi. Co ku litangwa lya lelo yeni voshe munapu vakaleo.”

Lute 4:17

Vanakazi vaje muvalyatelele valukile mwana lizina lya Ovende. Co valekele vanu voshe ngwavo, “Kuli Naumi kunasemuka mwana wa munalume.” Ovende ikeye ishe ya Njesi, uje wakitile Ndaviti.

1 Samwele 14:47

Omwo Saulu napu laja mwene mu Isalele, walwisile vitozi vendi voshe mu mitambela yoshe, vanu va ku Mowavi, na vanu va ku Amoni, na vanu va ku Endome, na vimyene va ku Zomba, na vaFilisitiya. Kwoshe kuje kwalwililile, wahyanene.

1 Samwele 22:2

Vanu vaje vavakele nakuyandesa, nambe vaje vakele na makongo, nambe vaje vakele nakulinyenga, vaile kuli ikeye, voshe amolika vapwile 400, ikeye wapwile ntwama yavo.

1 Samwele 22:4

Ngecivene, Ndaviti wasezele visemi vendi kuli mwene wa ku Mowavi, co vakevo vakele kuje simbu yoshe ije yakele Ndaviti mu linzenzengoma lya mu limanya.

1 Samwele 3:18

Ngecivene, Samwele wamulekele vyuma vyoshe, kamushwekeleleko cuma cimo cai. Eli wendekele ngwendi, “Ikeye napu Shukulu Kalunga, akalinga vyoshe vyashaka kulinga.”