1 Samwele 21:7 - Livulu lya Shukulu Kalunga

⁷ (Mukulunu wa tunyungi twa Saulu lizina lyendi Ndoenge, kaEndome, wakele kuje a litangwa lije, omwo washakele kushulisa vya vuNjambi vwendi.)

1 Samwele 21:7 Iomraidhean Croise

Kushangumuka 26:20

oloni tunyungi va ku Ngelale valizungile na tunyungi va Isake, vendekele ngwavo, “Mema awa apwa etu.” Ngecivene, Isake walukile lisima lije ngwendi “Kulizunga.”

1 Mizimbu 27:29

Shiletai wa ku Shalone ikeye wakele nakukenga a vingombe vakele mu cana ca Shalone. Shafate muna Andelai ikeye wakele nakukenga a vingombe vakele mu vyana.

1 Mizimbu 27:31

Njazize kaHangeli ikeye wakele nakukenga a vimanga, na vimembe.

2 Mizimbu 26:10

Watungile lalo vimpaka vya tuposhi mushandangala yangoco, wacokwele masima amangi, omwo wakele na matanga amangi a vimuna mu lifuti lya ku vushelumukilo vwa malundu mu kangombe ka yambi na mu vyana. Omwo wazemene kulima, co watakamesele vanu ngeci valime mahya a mikolovozi ya vushuka vwa vinyu mu lifuti lya malundu nakulima livu lya vwilo.

Ezekiyele 33:31

Ngecivene, vanu vange valikungulula nakuziva vije wendeka, oloni kuvashaka kulinga vije viwuvaleka ngeci vavilinge. Vapwisa majwi ove ngwe myaso ya cizemo, oloni vatwalao kulinga vingila vyavo vya cipululu.

VaLevi 22:10

“Munu wa ku naanga ya vuka-kukombelela ikeye akalya ku vin̄ombelo vyakujela. Kukwesi weka lalo akavilya, nambe mungenzi uje alinakukala kuli muka-kukombelela, nambe uje wakukumuna.

VaLevi 22:13

Oloni nga muna muka-kukombelela wa munakazi napu fwile, nambe uje ivanakondola, ikeye kesi na vana, oloni neluka nakukala ku njuvo ya ishe ngwe mwakeleko laja a vwanike vwendi, nasa kulya ku vyakulya vije vyatambula ishe akupwa muka-kukombelela. Kuvanga lika munu wa ku naanga ya muka-kukombelela ikeye asa kuvilya.

VaLevi 24:5

“Ukambata vunga vwakuseneta makilo likumi na avali, co ukoca mikasha ya makende likumi na ivali.

VaLevi 24:8

A Litangwa Lyakuhwima lyoshe, Alone akaake makende ku mesho a Shukulu Kalunga. Akacilingile vanu va Isalele kupwa cikumiiyo ca ku myaka yoshe.

Amose 8:5

Co mulinakwendeka ngweni, “Matangwa akujela ahwe vwasi ngeci tulandese vimbuto vyetu. Litangwa Lyakuhwima lihwa simbu ikajo ngeci tulandese lalo vimbuto? Asinoni tukawezelele ku vindando vyetu, nakupangesa viseteko vya makuli, nakupangesa vipeseleso vyakunyanyamena vaka-kwija mukulanda kuli yetu.

Mateo 15:8

‘Njambi ngwendi, vanu ava valinakunjisingimika lika na majwi avo, oloni vimbunge vyavo vili kulyala nange.

1 Samwele 11:5

Saulu aceta vene ngacije kutunda ku mahya na vingombe vendi vakulimisa, co wehwile ngwendi, “Vika vyaviyako? Omwo vika vanu voshe valinakulila?” Co vamulekele vije vambulwile miluwa vaje vatundile ku Njembeshe.

1 Samwele 14:47

Omwo Saulu napu laja mwene mu Isalele, walwisile vitozi vendi voshe mu mitambela yoshe, vanu va ku Mowavi, na vanu va ku Amoni, na vanu va ku Endome, na vimyene va ku Zomba, na vaFilisitiya. Kwoshe kuje kwalwililile, wahyanene.

1 Samwele 21:8

Ndaviti wendekele kuli Ahimeleki ngwendi, “Uli na likunga nambe mukwale unjaneko? Omwo lishiko lya mwene lyanjikatwile vwasi, co kunjalivwaeselele kwambata mukwale nambe citwa cange cimo.”

1 Samwele 22:10

Ahimeleki wehwile Shukulu Kalunga vije vyanapande kulinga Ndaviti, asinoni Ahimeleki waanene Ndaviti vyakulya, na mukwale wa Ngolyata kaFilisitiya.”

1 Samwele 22:22

Ndaviti wendekele kuli ikeye ngwendi, “Omo njamwene Ndoenge kuje a litangwa lije, njazivukile ngeci mwa vushunga akaleka Saulu. Ngecivene, njili na mulonga omwo kutsa oku kwoshe kwa vavushoko vwove.

1 Samwele 22:9

Ndoenge wemanene kuje amo na vamyata va Saulu, wendekele ngwendi, “Njamwene Ndaviti omo waile kuli Ahimeleki muna Ahitumbe mu Nombe.