1 Samwele 21:11 - Livulu lya Shukulu Kalunga

¹¹ Co vamyata va mwene vendekele kuli Akishe ngwavo, “Ou kuma kesi Ndaviti, mwene wa lifuti? Ou ikeye munalume uje vembile vanakazi mukulisamba kwavo ngwavo, ‘Saulu natsii 1,000, oloni Ndaviti ikeye natsii 10,000.’ ”

1 Samwele 21:11 Iomraidhean Croise

Myaso 34:1

Simbu yoshe njikakandelela Shukulu Kalunga, kunjikalikela kumushangazala.

1 Samwele 16:1

Shukulu Kalunga wendekele kuli Samwele ngwendi, “Visimbu vingai ukalinyenga ali Saulu? Yange njinamuvyana kupwa mwene wa mu Isalele. Oloni ambata mazi a olive uye ku Mbetelehema, ku munalume umo lizina lyendi Njesi, omwo njinalyangwila umo akati ka vana vendi kupwa mwene.”

1 Samwele 19:18

Ndaviti wavombolokele, waile kuli Samwele ku Lama, co wakamulekele vyoshe vije vyalingile Saulu kuli ikeye. Asinoni Ndaviti na Samwele vaile ku Nayote vakakele kuje.

1 Samwele 27:1

Co Ndaviti walyendekesele mu mbunge yendi ngwendi, “Litangwa limo Saulu akanjitsiya. Cuma njinapande kulinga eci, mwamuvwa njitewele ku lifuti lya vaFilisitiya. Co Saulu akajuka kunjishakezeka mu Isalele, co njikakala mwamuvwa.”

1 Samwele 27:2

Ngecivene, Ndaviti na vanu vendi vakupwa 600 aje vene vaile kuli Akishe muna Maoke, mwene wa ku Ngate.

1 Samwele 29:5

Ou ikeye Ndaviti uje vembile vanakazi omo valisambele ngwavo, ‘Saulu natsii 1,000, oloni Ndaviti ikeye natsii 10,000.’ ”