1 Samwele 20:8 - Livulu lya Shukulu Kalunga

⁸ Ngecivene, njizivileko ngozi, omwo yange nove tunalikumiiya cikumiiyo cakujela. Oloni nga yange njinaviisa, co njitsiye vene yove! Omwo vikajo unjitwala kuli isho nakunjitsiya?”

1 Samwele 20:8 Iomraidhean Croise

Kushangumuka 24:49

Cooni, nga munakundu muzimbu wa shukulu yange, mwane njilekeni. Nga sheni, co lalo endekeni, ngeci njiyongole munjilinga.”

Kushangumuka 47:29

Omo simbu ya kutsa kwendi yashwenyele muyehi, Yakomba wasanene munendi Yosefa wendekele kuli ikeye ngwendi, “Aka livoko lyove mukati ka mao ange nakulisinga ngeci kuukanjitsindi muno mu Ingito.

2 Samwele 14:32

Avisalome wamukumbulwile ngwendi, “Yove wavyanene kwija omo njakusanene. Njashakele ngeci njikutume kuli mwene ukamwihule ngwove, ‘Omwo vikajo njatundilile ku Ngeshule nakwija kuno? Kuma capwile cacivwa kuli yange nga njatumbamene kuje vene.’ ” Co Avisalome wendekele ngwendi, “Ngecivene, njishaka unjitave ngeci njikalimone na mwene, co nga yange njili na mulonga, mwamuvwa anjitsiye.”

1 Mizimbu 12:17

Co Ndaviti waile kuli vakevo wendekele navo ngwendi, “Nga munaija kupwa vasamba mukunjikwasa, co njamitambula mwamuvwa, lipandakaneni netu! Oloni nga munaija nakunjenda vungungu kuli vitozi vange ni, nameme yange kunjamivulumwine, Njambi ya vakukulwila vetu akacizivuka, co akamihisa.”

Myaso 116:11

Nameme omo njakele na lyova, njendekele ngwange, “Naumo wai njasa kukulaela.”

Visimo 3:3

Kesi wivale cizemo na kulongwa. Vikutiiye mu mukoshi wove, visoneke mu mbunge yove.

Vilinga vya Miluwa 25:11

Nga njinapokola lishiko nakulinga cuma cimo cije njinapande kutsila, kunjilombo ngwange munjovole ku kutsa embwe. Oloni nga kumwesi vushunga mu vyuma evi vashaka kunjiwanena mulonga, naumo wai asa kunjana ku mavoko avo. Njitwala n̄anda yange kuli Nguvulu.”

Yoshwa 2:14

Co vaje vanalume vendekele kuli ikeye ngwavo, “Tutse tunyangwe nga kutulingi ngwe mutunendeka. Nga kuulekako munu umo evi vitulinga, co tukukulaesa ngwetu omo Shukulu Kalunga akatwana lifuti eli, co tukakulinga mwamuvwa.”

Yoshwa 22:22

“Muka-nzili yoshe wapwa Njambi! Ikeye wapwa Shukulu Kalunga! Muka-nzili umolika ikeye Njambi! Ikeye Shukulu Kalunga! Ikeye nazivuka omwo vikajo tunalingi eci, co netu lalo tushaka yeni muzivuke eci! Nga yetu tunatengulukila Shukulu Kalunga nakujeneka kumwononoka, co kesi mututave tuyoye lelo embwe!

Lute 1:8

Naumi wendekele kuli vainamweno ngwendi, “Ilukeni ku membo eni mukakale na vanyokweni. Shukulu Kalunga alinge neni mwamuvwa, ngwe muje mumwalingile kuli yange na kuli vaje vanatsi.

1 Samwele 18:1

Omo Ndaviti wamanesele kwendeka na Saulu, co Yonatana wazemene manene Ndaviti ngwe mwalizema ikeye vavenya.

1 Samwele 18:3

Co Yonatana walikumiiye cikumiiyo na Ndaviti omwo wamuzemene manene ngwe mwalizema ikeye vavenya.

1 Samwele 20:16

co cikulaeso cetu kuli umo na mukwavo kesi cikapokoke. Nga cikapokoka, co Shukulu Kalunga akakuhisa.”

1 Samwele 20:9

Yonatana wamukumbulwile ngwendi, “Kesi weseke nambe kamandondo kuyongola ngacije! Nga njazivukile ngeci tate ashaka kukutsiya, nga kunjakulekele ndi?”

1 Samwele 23:18

Co muvuvali vwavo valikumiiye cikumiiyo cakujela ku mesho a Shukulu Kalunga. Co Ndaviti welukile ku Holeshe, Yonatana welukile kwimbo.