1 Samwele 20:16 - Livulu lya Shukulu Kalunga

¹⁶ co cikulaeso cetu kuli umo na mukwavo kesi cikapokoke. Nga cikapokoka, co Shukulu Kalunga akakuhisa.”

1 Samwele 20:16 Iomraidhean Croise

Kushangumuka 15:18

A litangwa lije vene, Shukulu Kalunga walikumiiye cikumiiyo na Avilama ngwendi, “Njikulaesa kwana lifuti eli lyoshe ku vatekulwila vove, kutunda ku nginga ya Ingito nakweta ku Ndonga ya Yufuleti,

2 Samwele 21:8

Nameme ngoco, Ndaviti wambateleo Alemoni na Mefimboshete vana vavali va vanalume vaje Lizepa muna Aiya wakitilile kuli Saulu, co lalo wambatele vana va vanalume vatanu vatekulu va Saulu va munendi wa munakazi Melambe, yakitilile kuli Andelyele muna Mbazilai, wa ku Mehola.

Njelemiya 40:9

Ngendaliya wavalekele ngwendi, “Kesi muzive lyova akuliita kuli vaMbambilone. Tungeni mu lifuti lino, co pangeleni mwene wa Mbambilone, vyoshe vikakala mwamuvwa.

Kwituluka mu Mashiko 23:21

“Omo mukalisinga cisingo kuli Shukulu Kalunga Njambi yeni, kesi mukeshwale kulinga vije mwakulaesele, omwo Shukulu Kalunga Njambi yeni ashaka yeni mushulise cisingo ceni. Kujeneka kushulisa cisingo kunapu vuvi.

Yoshwa 22:23

Nga kutwononokele Shukulu Kalunga nakulitungila mutula wetu mukukombelelao vin̄ombelo vya kwenyeka nambe vin̄ombelo vya vimbuto, nambe vin̄ombelo vya kulitombola, co eceleni vavenya Shukulu Kalunga atuhise.

1 Samwele 18:3

Co Yonatana walikumiiye cikumiiyo na Ndaviti omwo wamuzemene manene ngwe mwalizema ikeye vavenya.

1 Samwele 20:42

Asinoni Yonatana wendekele kuli Ndaviti ngwendi, “Njambi akale amo nove. Mwa vushunga Shukulu Kalunga akale amo netu, vatekulwila vove na vatekulwila vange, vakanyunge nakukolesa cikumiiyo cakujela eci tunalikumiiya.” Asinoni Ndaviti waile, co Yonatana welukile ku nganda.

1 Samwele 22:8

Kuma mukemwo mulinakunjilwisa? Naumo wai wa akati keni nanjileke ngeci munange nalikwata vusamba na Ndaviti. Naumo wai wa akati keni alinakunjizivilako mema ku mbunge, nambe anjilekeko vya Ndaviti, umo wa akati ka vanu vange, a simbu ino alinakushakezeka ngila yakunjitsiilamo, ikeye nashongangeya na munange!”

1 Samwele 23:18

Co muvuvali vwavo valikumiiye cikumiiyo cakujela ku mesho a Shukulu Kalunga. Co Ndaviti welukile ku Holeshe, Yonatana welukile kwimbo.

1 Samwele 25:22

Njambi anjihise nga kunjitsii vitozi vange omo kanda kucikye!”

1 Samwele 25:26

Shukulu Kalunga ikeye nakuvindika kulinga shambandinga nakutsiya vitozi vove. Co ololo njilisinga kuli yove a lizina lya Shukulu Kalunga, wakuyoya ngwange vitozi vove, na voshe vaje vashaka kukuvulumuna, vakavahisa ngwe NaVaLe

1 Samwele 31:2

Oloni vaFilisitiya vakwatele nakutsiya vana va Saulu vatatu, Yonatana, na Avinandave, na Malekishwa.