1 Samwele 20:13 - Livulu lya Shukulu Kalunga

¹³ Nga ikeye nayongola kukuvulumuna, Shukulu Kalunga anjitsiye nga kunjikuleka nakukwamena ngeci utewe. Shukulu Kalunga akale amo nove ngwe mwakele amo na tate!

1 Samwele 20:13 Iomraidhean Croise

2 Samwele 19:13

Ndaviti wavalekele lalo vendekele kuli Amasa ngwavo, “Yove unapu kavushoko kange. Kutunda ku ololo njikakupwisa mukulunu wa mashwalale kwinga mu mwela wa Yowave. Nga kunjilisingimo, co Njambi anjihise njitse!”

2 Samwele 3:35

Litangwa lije lyoshe vanu vesekele kusindiya Ndaviti ngeci alyeko cuma cimo, oloni walisingile ngwendi, “Njambi anjitsiye nga njilya cuma cimo omo litangwa kanda litoke!”

2 Samwele 7:15

Oloni kunjikatundisa livoko lyange kuli ikeye ngwe munjalingile kuli Saulu, uje injatundisile ngeci yove upwe mwene.

1 Vimyene 1:37

Ngwe omo Shukulu Kalunga nakala amo nove shukulu, mukemwo akale amo na Solomoni nakwamesa vumwene vwendi kutuvakana vumwene vwove.”

1 Vimyene 19:2

Co Njezevele watumine lijwi kuli Elinja ngwendi, “Mwa vushunga vinjambi vanjitsiye nga imene a simbu ino vene kunjalingile cuma cimo kuli yove cije walingile kuli vaka-kwimanena.”

1 Vimyene 20:10

Vaje miluwa vaile, co velukile lalo na muzimbu wakutunda kuli Mbenehandande ngwendi, “Njikanena vanu vakupwamo ngeci vakanyongese nganda eyi nakwambata vije vivanaviisa mu mavoko avo. Nga kunjikalingimo, co vinjambi vange vanjitsiye!”

1 Mizimbu 22:11

Ndaviti wendekele ngwendi, “Munange, ololo, Shukulu Kalunga Njambi yove akale amo nove, anyunge cikulaeso cendi cakukulingisa kuya kulutwe akumutungila Njuvo.

1 Mizimbu 22:16

na ngolinde, na siliva, na vunengu, na vikuvo. Ololo shangumuka oni vipangi, Shukulu Kalunga akale amo nove.”

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Filipu 4:9

Lingeni vipangi vije mwalilongesele nakuvitambula kuli yange, ku majwi ange na ku vilinga vyange. Co Njambi uje muka-kutwana kwoloka akakala amo neni.

Yoshwa 1:5

Naumo wai akakufungulula matangwa oshe akuyoya kwove. Simbu yoshe njikakala amo nove ngwe munjakele na Mosesa, kunjikakuseze ngoco, nambe kukukengesa nima embwe.

Lute 1:17

Kwoshe kuje kuukatsila, nange kunjikatsila, kuje vene kukekwo kuvakanjitsinda. Shukulu Kalunga anjisinge nga njitava cuma cimo cakunjangununa kuli yove, kuvanga kutsa!”

1 Samwele 10:7

Omo evi vikalingiwa, co yove linga vyoshe vije vyakutwamenena Njambi.

1 Samwele 14:47

Omwo Saulu napu laja mwene mu Isalele, walwisile vitozi vendi voshe mu mitambela yoshe, vanu va ku Mowavi, na vanu va ku Amoni, na vanu va ku Endome, na vimyene va ku Zomba, na vaFilisitiya. Kwoshe kuje kwalwililile, wahyanene.

1 Samwele 17:37

Shukulu Kalunga wanjamenene ku vindumba na ku vaingwe, ikeye akanjamena lalo kuli uje kaFilisitiya.” Saulu wamukumbulwile ngwendi, “Mukemwo, ya, Shukulu Kalunga akale amo nove.”

1 Samwele 18:12

Saulu wakele na lyova ali Ndaviti, omwo Shukulu Kalunga wakele amo na Ndaviti, oloni ikeye Saulu Shukulu Kalunga wamujenjukile.

1 Samwele 19:3

Njikemana kuyehi na tate mu lihya muje muukavanda, njikamuleka vyove. Co nga kuli cuma cimo, co njikakuleka.”

1 Samwele 20:12

Yonatana wendekele kuli Ndaviti ngwendi, “Shukulu Kalunga, Njambi ya Isalele, apwe mukaleo wetu! A simbu ino vene imene, nambe indele, njikamwihula tate. Nga viyongola vyendi ali yove vinapu vyavivwa, co njikakuleka.

1 Samwele 20:14

Co nga njiciyoya, mukwetu, nyunga cikumiiyo cove cakujela, co njikulaele, oloni nga njitsa,

1 Samwele 25:22

Njambi anjihise nga kunjitsii vitozi vange omo kanda kucikye!”

1 Samwele 3:17

Co Eli wamwihwile ngwendi, “Vikajo vyanakuleke Shukulu Kalunga? Kesi unjishwekele cuma cimo, Njambi akakuhisa nga unjishwekela vyoshe vije vyanakuleke.”