1 Samwele 2:6 - Livulu lya Shukulu Kalunga

⁶ “Shukulu Kalunga atsiya, co ayoyesa, ikeye atwala vanu ku vukalo vwa vatsi, co avelwisa lalo.

1 Samwele 2:6 Iomraidhean Croise

1 Vimyene 17:22

Shukulu Kalunga wakumbulwile lilombelo lya Elinja, mwanike washangumukile kuhwima lalo, co wendukile.

2 Vimyene 5:7

Omo mwene wa mu Isalele walavele uje mukanda, co watavwile vuzalo vwendi mukuviilila, walikomokelele, co wendekele ngwendi, “Omwo vikajo mwene wa Silya nayongola ngwendi yange njasa kukangwisa ou munalume? Kuma ikeye nayongola ngwendi yange nji Njambi, uje ali na nzili yakutsiya nambe yakuyoyesa ndi? Eci casholoka mwa vushunga vene ngeci ashaka lika kulinga vimata nange!”

Yombi 5:18

Omo Njambi akutwa mbandu, co azengao, nambe akupupa na mavoko endi, anga vene mavoko endi akukangwisa.

Myaso 116:3

Vutsi vwanjizengelekele ngwe mikole, na mishongo ya vukalo vwa vatsi yanjiwanene, co njakele mu tuyando na vusiwa.

Myaso 30:4

Yeni vanu vendi vakujela, imbeni nakushangazala Shukulu Kalunga! Anukeni vije vyanalingi uje Wakujela, co kandeleleni.

Myaso 68:20

Njambi yetu wapwa Njambi muka-kutwamena, ikeye wapwa Njambi, Shukulu Kalunga uje muka-kutupatula ku kutsa.

Myaso 71:20

Yove unanjimwesa tuyando twakama twakukaluwa, oloni ukanjiyoyesa lalo, ukanjitundisa lalo mu mbumbo.

Muka-kwambulula 3:3

kuli simbu yakutsiya, na simbu yakwindula, kuli simbu yakusiwula, na simbu yakutunga.

Isaya 26:19

Vanu vetu vaje vanatsi vakayoya lalo! Mivila yavo ikasangukila lalo ku mwonyo. Voshe vaje vali mu vimbumbo, vakenduka nakwimba nakujolela. Ngwe lime litonolwela asi, ngecivene, Shukulu Kalunga akasangula lalo vanu vaje vatsile laja.

Ezekiyele 37:12

Ngecivene, ambulula vuka-kwimanena kuli vanu vange va Isalele valeke ngwove yange Kalunga wa Akamwa ya Vyoshe, njikashokolola vimbumbo vyavo. Njikavatundisamo, nakuvelwisa mu lifuti lya Isalele.

Ezekiyele 37:3

Asinoni Shukulu Kalunga wanjihwile ngwendi, “Muna munu, vitsiya evi vyasa kuyoya lalo ndi?” Co njakumbulwile ngwange, “Yove Shukulu Kalunga wa Akamwa ya Vyoshe, yove lika uzivuka evi!”

Mateo 12:40

Omwo ngwe Yona wakele matangwa atatu mutanya na vutsiki mwimo lya liisi lyakama, ngecivene, na Muna Munu lalo akakala matangwa atatu mutanya na vutsiki mwisi ya livu.

Yowano 11:25

Yesu wendekele kuli ikeye ngwendi, “Yange cisangukilo na mwonyo. Woshe akulaela kuli yange nambe natsi, oloni akayoya,

Kwituluka mu Mashiko 32:39

“ ‘Yange, yange lika, njapwa Njambi, kukwesi njambi weka lalo wa vushunga wai. Njikatsii, co njana mwonyo, njikavetwesa, co njikangwisa, naumo wai asa kupopolola vije vinjinalingi.

Kujombolola 1:18

Yange muka-kuyoya! Njatsile, oloni kenga, njilinakuyoya ku myaka yoshe. Njili na moko yakutuvakana kutsa na vukalo vwa vatsi.

1 Samwele 20:3

Oloni Ndaviti wakumbulwile ngwendi, “Isho nazivuka mwamuvwa ngeci yove wanjizema manene, evi nayongola kasa kukulekavyo ngeci uvizivuke, omwo vikuzivisa ku mbunge longoto. Njilinakulisinga kuli yove a lizina lya Shukulu Kalunga wakuyoya ngwange yange kunjesi kulyala na kutsa!”