1 Samwele 2:5 - Livulu lya Shukulu Kalunga

⁵ “Vanu vaje valile mwamuvwa, ololo vanajeneka vyakulya, oloni vaje vakele na njala kuvesi lalo na njala. Mumba nakiti vana vatanu na vavali, oloni uje wakitile vavangi nasala mavoko-voko.

1 Samwele 2:5 Iomraidhean Croise

Myaso 113:9

Shukulu Kalunga avezikisa mumba mu njuvo yendi, amuvwaelelesa akumwana vana. Shangazaleni Shukulu Kalunga!

Myaso 34:10

Vana va vindumba vajeneka vyakulya, co vaziva njala, oloni vaje valemesa Shukulu Kalunga kuvakajeneka cuma cacivwa nacimo cai.

Isaya 33:9

Lifuti lyasala ngoco mupulungwa. Shwata ya Lembanone yajujwama, na Cana ca Shalone ca vwilo cinalifu ngwe mambo, shwata ya Mbashane na Munkinda wa Kalemele maputa alinakutotomoka ku miti.

Isaya 54:1

Yelusalema, unafu ngwe munakazi wa vana, oloni ololo wasa kwimba nakutambeka nakujolela. Ololo ukakala na vana vavangi kutuvakana munakazi uje nashomboka simbu yakama.

Njelemiya 15:9

Cisemi wa munakazi akalezumuka, ceke ca mutanya cinapu lisusulungu, akumona vana vendi vatanu na vavali vanatsi. Njikatsiya munu woshe uje akasalao, Yange Kalunga, njinendekamo.”

Luka 1:53

Nakutisa vaje vali na njala na vyuma vyavivwa, co vaka-kufuka navasheke mavoko-voko.

Luka 16:25

Oloni Avilahama wamukumbulwile ngwendi, ‘Anuka, munange, a simbu yakuyoya kwove vakwanene vyuma vyoshe vyavivwa, oloni Lazalu watambwile vyuma vyoshe vyavivi. Ngecivene, ololo alinakujolela kuno, oloni yove uli mu tuyando twakama manene.

Ngalatiya 4:27

Omwo visoneka vyendeka ngwavyo, “Vwaelela, yove munakazi wakujeneka vana! Tambeka nakujolela, yove kuwazivile mushongo wakukita mwana! Omwo uje munakazi ivasezele akakala na vana vavangi kutuvakana munakazi uje nashomboka simbu yakama.”

Lute 4:15

Vanyokomweno ava vakuzema manene, vanatuvakana vana va vanalume vatanu na vavali. Co ololo nakwana mutekulu wa munalume uje akasangula lizina lyove nakukwana kuvwaelela mu vukulukazi vwove.”

1 Samwele 1:20

Ngecivene, Hana wakele na kafumba, co wakitile mwana wa munalume. Wamulukile lizina lyendi Samwele, co walinungulwile ngwendi, “Njamulombele kuli Shukulu Kalunga.”

1 Samwele 1:6

Muka-lifuwa lyendi Penina, washendumwine Hana manene, omwo Shukulu Kalunga washokele shivu yendi.