1 Samwele 2:35 - Livulu lya Shukulu Kalunga

³⁵ Njikaangula muka-kukombelela wa kulongwa ku mesho ange, ikeye akalinga vyuma vyoshe vinjishaka ngeci avilinge. Co njikamwana vatekulwila vaje vakapanga simbu yoshe ku mesho a uje mwene injinalyangwila.

1 Samwele 2:35 Iomraidhean Croise

2 Samwele 7:11

Anga vakovelelele mu lifuti lino, vanakala nakuvalwisa kuli vaka-muuka. Oloni eci kucikasholoka lalo. Njikukulaesa njikakunyunga mwamuvwa ku vitozi vove nakukwana vatekulwila.

2 Samwele 7:27

Shukulu Kalunga Muka-nzili yoshe, Njambi ya Isalele! Njinasimpi akulombela lilombelo eli kuli yove, omwo unasholola vyoshe evi kuli yange ngamba yove, co wanjilekele ngeci ukapwisa vatekulwila vange vimyene.

1 Vimyene 1:45

Zandoke, na Natane vamuvwavesele mazi kupwa mwene kuje ku lisima lya kavwelu-vwelu ku Ngihone. Asinoni vakovelele mu nganda, co vatambekele nakujolela, co vanu oni valinakuliwuya. Owo ukewo muyoyo mwazivi.

1 Vimyene 1:8

Oloni Zandoke muka-kukombelela, na Mbenaya muna Yehoyanda, na Natane muka-kwimanena, na Shimei, na Lei, na vaka-kunyunga vakama va Ndaviti kuvalizivasanene kukwasa Andoniya.

1 Vimyene 11:38

Nga unjononoka mwamuvwa, nakuyoya mu mashiko ange, nakunyunga vije njikushika, ngwe mwalingile ngamba yange Ndaviti, co simbu yoshe njikakala amo nove, co njikakupwisa mwene wa mu Isalele, co mwa vushunga vatekulwila vove vakashwana munima yove, ngwe muje munjinalingi kuli Ndaviti.

1 Vimyene 2:35

Co mwene wengisile Mbenaya kupwa muka-kushika nzita mu mwela wa Yowave, co wengisile lalo Zandoke kupwa muka-kukombelela mu mwela wa Aviyatale.

1 Mizimbu 29:22

Ngecivene, a litangwa lije vavwaelelele manene omo valile nakunwa ku mesho a Shukulu Kalunga. Vendekele lalo simbu yamucivali ngeci Solomoni ikeye mwene. Mu lizina lya Shukulu Kalunga vamuvwavesele mazi, kupwa muka-kuvashwana, na Zandoke muka-kukombelela.

Myaso 18:50

Njambi akana kuhyana kwakama kuli mwene yendi, asholola cizemo cendi cije kucesi kutenguluka kuli uje wendi yanaangula, kuli Ndaviti na vatekulwila vendi ku myaka yoshe.

Myaso 2:2

Vimyene va ano asi vanaangunuka, vaka-kushwana vanalikungulwila amo, nakutumba matumbe amavi akulwisa Shukulu Kalunga, na wakuvwavesa wendi, co vendeka ngwavo,

Kutuuka 1:21

Co capwile ngeci omwo vifungwizi vakomokele Njambi, co Njambi wavezikisile vinaanga.

Ezekiyele 34:23

Asinoni njikavana kanyungi umolika, ikeye ngamba yange Ndaviti, ikeye akavanyunga, co akapwa kanyungi kavo.

Kulava 25:13

Ikeye na vatekulwila vendi vakapwa vaka-kukombelela simbu yoshe, omwo ikeye katavele ngeci valemese vinjambi veka kuvanga yange lika, co mu ngila eyi naambesa vuvi vwa vanu va Isalele.’ ”

VaHevelu 2:17

Ngecivene, camupandele mu vyoshe alipwise mumolika na vakwavo, ngeci apwe Muka-kukombelela Wakama wa kulongwa na kutetela mu vipangi vyendi ku mesho a Njambi, ngecivene, vuvi vwa vanu vakavusambese.

1 Samwele 10:10

Omo Saulu na ngamba yendi vetele ku Ngimbeya, waliwanene na mbunga ya vaka-kwimanena. Co vwasi-vwasi Munzinzime wa Njambi wezile na nzili ali ikeye, co nendi wambulwile vuka-kwimanena akati kavo.

1 Samwele 10:9

Omo Saulu watengulukile ngeci aseze Samwele, Njambi waanene Saulu viyongola vyaviha. Co vyuma vyoshe vije vyamulekele Samwele vyalingiwile a litangwa lije vene.

1 Samwele 12:3

Yange uno. Nga kuli cuma cimo njamiviisilile, citumbuleni ololo ku mesho a Shukulu Kalunga na ku mesho a mwene ou yanaangula. Kwali munu umo injanyekele ngombe yendi wa lwavo nambe cimulu? Indi kwali munu umo injakwisile nambe injayandesele? Indi kwali munu umo injatavele kutambula vimbongo vya lizika-kanwa? Nga njalingileo cuma cimo, co njiilwise vije njatambwile.”

1 Samwele 16:13

Co Samwele wambatele lilulu lya mazi a olive, wavwavesele Ndaviti ku mesho a vandolome vendi. Co aje vene Munzinzime wa Shukulu Kalunga wezile na nzili ali Ndaviti, wakele amo nendi kutunda ku litangwa lije. Asinoni Samwele welukile ku Lama.

1 Samwele 2:36

Mutekulwila wove woshe uje akayoya akaye kuli muka-kukombelela akamulombe vimbongo na vyakulya, co akalombe kukwasa vaka-kukombelela, ngeci akale na vyakulya vimo.”

1 Samwele 25:28

Shukulu, njisambeseni, mwane, ku vuvi vwoshe vunjinalingi. Shukulu Kalunga akakupwisa mwene, na vatekulwila vove, omwo ulinakulwa vinzita vyendi, vuvi navumo vwai vukalingiwa kuli yove a simbu yakuyoya kwove.

1 Samwele 3:1

A matangwa aje, omo mwanike Samwele wakele nakupangela Shukulu Kalunga mwisi ya Eli, majwi kuli Shukulu Kalunga apwile lika amandondo, co vimona vyakutunda kuli ikeye kuvyatumine.

1 Samwele 7:9

Samwele watsiile muna manga wamukombelelele woshe wamutunu kupwa n̄ombelo ya kwenyeka kuli Shukulu Kalunga. Asinoni Samwele walombelele kuli Shukulu Kalunga ngeci akwase Isalele, co Shukulu Kalunga wakumbulwile malombelo endi.

1 Samwele 8:3

Oloni kuvendele mu vingila vya ishavo, vakele nakuvwaelela lika na vimbongo, ngecivene, vakele nakutambula vimbongo vya lizika-kanwa, kuvakele nakusompa vin̄anda mu vushunga.

1 Samwele 9:12

Co vakevo vavakumbulwile ngwavo, “Kwali. Kengeni, uje ali mulutwe. Nga muzambula, mumuwana. Naija mu nganda, omwo lelo vanu valinakukombelela n̄ombelo a mutula wa a lilundu.

1 Samwele 9:13

Omo muketamo, co mukamuwana, omwo kanda acilamate ku lilundu nakukalya, vanu lalo kuvasa kulya, na vaje vavanalanya kuvasa kulya kuvanga naija, omwo ikeye napande kuvezikisa n̄ombelo. Ololo lamateni vwasi-vwasi muliwane nendi.”