1 Samwele 2:30 - Livulu lya Shukulu Kalunga

³⁰ Yange Kalunga Njambi ya Isalele, njakulaesele laja naanga yove na cikota cove ngeci vakanjipangela kupwa vaka-kukombelela. Oloni ololo njendeka ngwange kunjishaka lalo ngacije embwe! Oloni njikasingimika vaje vanjisingimika, co vaje vanjiyengula nange njikavashaula.

1 Samwele 2:30 Iomraidhean Croise

1 Vimyene 11:11

Ngecivene, Shukulu Kalunga wendekele kuli Solomoni ngwendi, “Omwo unapokola cikumiiyo cange nove, co unalimbulula mashiko ange, njalisingi ngeci njikatundisa vumwene kuli yove, co njikavwana kuli vamyata vove.

1 Vimyene 2:27

Ngeci Solomoni watundisile Aviyatale mu vipangi vya vuka-kukombelela kuli Shukulu Kalunga, ngwe muje mwendekele Shukulu Kalunga ku Shilo ali Eli muka-kukombelela na vatekulwila vendi cipwe ca vushunga.

1 Mizimbu 17:18

Vikajo lalo njasa kwendeka kuli yove! Yove unjizivuka, co yove lalo wanjisingimika, yange ngamba yove.

2 Mizimbu 15:2

co waile nakuliwana na Mwene Asa. Co watambekele ngwendi, “Njitolilile, yove Mwene Asa, neni vanu voshe va Yunda na Mbenjemani njitolilileni! Shukulu Kalunga ali amo neni, omo yeni muli amo nendi, nga mumushakezeka, mukamuwana, oloni nga mutunda kuli ikeye, co akamiseza.

2 Mizimbu 26:18

Vamuvindikile, co vamulekele ngwavo, “Ove Uziya! Yove kuwesi na moko yakwenyekela insense Shukulu Kalunga. Kuvanga vaka-kukombelela lika vaje vakutunda kuli Alone vaje vavajelesa laja vakevo vanapande kulinga evi. Tunda mu mwela ou wakujela. Unavulumuna kuli Shukulu Kalunga Njambi, co kuukawana lalo vivezikiso vyendi.”

Myaso 18:20

Shukulu Kalunga anjana cikandelela omwo nji muka-kulinga mwamuvwa, ikeye anjivezikisa omwo kunjesi na mulonga.

Myaso 18:26

Yove wapwa wakujela kuli vaje vakujela, oloni ukamwesa vukalu kuli vaka-vuvi.

Myaso 50:23

Munu woshe akombelela n̄ombelo ya cikandelela anjisingimika. Co uje ashungamesa ngila yendi, njikamumwesa kwamena kwange.”

Myaso 73:20

Vanafu ngwe njozi omo munu enduka mu tulo, mukemwo mucinapu kuli yove, Shukulu Kalunga omo winduka, co ukavayengula.

Myaso 91:14

Njambi nendeka ngwendi, “Njikamena vaje voshe vanjizema, nakunyunga vaje vanjizivuka ngeci yange nji Kalunga.

Myaso 91:15

Omo vatambeka kuli yange, co njivakumbulula omo vali mu tuyando, co njikakala amo navo. Njikavamena nakuvasingimika.

Kutuuka 28:43

Alone na vana vendi vanapande kuzala otu tuputula simbu yoshe omo vakovela mu Mbalaka Mwakuliwanena, nambe omo vashwenya kuyehi na mutula mu vipangi vyakukombelela mu Mwela Wakujela, ngeci kesi vakale mushelengwa, kutewa vatsa. Awa akewo mashiko a myaka yoshe kuli Alone na vatekulwila vendi.

Kutuuka 29:9

co vazitike miva mu vimbunda vyavo nakuvazika tukofwi ku mitwe yavo. Omu mukemwo muukakundika Alone na vana vendi. Co vakevo na vatekulwila vavo vakanjipangela kupwa vaka-kukombelela ku myaka yoshe.

Visimo 12:8

Munu muka-mana vakamushangazala, oloni cilema vakamukenga na shwamwa.

Visimo 4:8

Zema mana, akakupwisa uwakama. Avumbatele, co akakusingimika.

Visimo 8:17

Njizema vaje vanjizema, voshe vaje vanjishakezeka vasa kunjiwana.

Isaya 29:13

Shukulu Kalunga nendeka ngwendi, “Vanu ava vaija kuyehi nange vanjilemesa lika na tunwa twavo, oloni vimbunge vyavo vili kulyala nange. Kulemesa kwavo kunapu kwa mashiko a vunu.

Njelemiya 29:32

Njikanyanyamesa Shemaya kaNehelame, na vatekulwila vendi. Co kakakala na vatekulwila akati keni, nambe kumona vyuma vyavivwa vije vinjikalingila vanu vange, omwo wavalekele ngeci vanjitengulukile nakunjilwisa. Yange Kalunga, njinendekamo.”

Njelemiya 49:15

Shukulu Kalunga akanyongesa nzili yeni, co naumo wai akamisingimika.

Ezekiyele 34:10

Yange Kalunga wa Akamwa ya Vyoshe, njendeka ngwange yange njinapu nji citozi ceni. Njikamitambula vimanga vange, kumukapu lalo tunyungi twavo, kunjikatava ngeci mulilise yeni vavenya lika embwe. Njikaamena vimanga vange nakuvatundisa kuli yeni, co kunjikatava lalo ngeci mukavalye embwe.’ ”

Ndanyele 4:34

“Munima ya myaka itanu na ivali, yange Nevukaneza, njakengele kwilu, co mana ange elukile lalo kuli yange vavenya. Njashangazalele Njambi wa Akamwa ya Akamwa, njashangazalele nakusingimika uje wakala ku myaka yoshe. “Ikeye akashwana ku myaka yoshe, vumwene vwendi vukakala simbu yoshe.

Malakiya 1:6

Shukulu Kalunga Muka-nzili yoshe alinakwendeka kuli vaka-kukombelela ngwendi, “Mwana asingimika ishe, na ngamba asingimika shukwa-ina. Nga yange njapwa nji ishweni, omwo vikajo kumunjisingimikila? Nga njapwa nji shukwa-nyokweni, omwo vikajo kumunjisingimikila? Yeni mulinakunjiyeluwisa, co munjihula ngweni, ‘Tunakuyeluwisa vatijo?’

Malakiya 2:3

Njikahisa vatekulwila veni nakukwita a vihanga vyeni vufwati vwa vimuna vaje mukakombelela ku viwano vyeni, co mukanyonga navwo.

Kulava 11:20

oloni mukailya ngonde yoshe yamutunu, noo mukayenukwa. Eci cikalingiwa omwo yeni munavyana Shukulu Kalunga ou ali akati keni, co munalinyenyetelele kuli ikeye ngweni omwo vikajo twatundilile mu Ingito!’ ”

Kulava 35:34

Kesi mukajwalese mu lifuti muje mumuli nakukala, omwo yange njapwa Kalunga, co njilinakukala akati ka vanu va Isalele.”

Yowano 12:26

Woshe uje ashaka kunjipangela napande kunjikava, co kuje kunjikakala, kukekwo lalo kwakala ngamba yange. Co Tate akasingimika woshe uje anjipangela.

Yowano 5:23

ngeci voshe vasingimike Mwana ngwe muvakasingimika Ishe. Uje kasingimika Mwana kasingimika Ishe uje wamutumine.

Yowano 5:44

Mwashaka ngeci vamishangazale, oloni kumushaka Njambi ngeci amishangazale, cooni mwasa kunjikulaela vatijo?

Yowano 8:49

Yesu wakumbulwile ngwendi, “Muli yange kumwesi munzinzime wakujwala embwe, yange njilinakusingimika Tate, oloni yeni mulinakunjishaula.

1 Kolinte 4:5

Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.

1 Petulu 1:7

Vutumbe vwa vyeseko evi vunapu kumwesa vukaleo ngeci kukulaela kweni kunapu kwa vushunga. Nambe ngolinde yasa kunyonga, vakayeseka na tuhya, kukulaela kweni lalo kuje kuli na seo yakama manene kutuvakana ngolinde, vanapande kuceseka ngeci kukakateye. Asinoni mukatambula cishangala na vumpau na kasingimiko a Litangwa lije omo Yesu Kilistu akasholoka.

Maako 9:10

Asinoni miti yendekele ku muti wa mukuyu ngwayo, ‘Ija upwe mwene yetu.’