1 Samwele 2:25 - Livulu lya Shukulu Kalunga

²⁵ Nga munu avulumwina mukwavo, Njambi amwamena, oloni nga munu avulumwina Shukulu Kalunga, iyajo amwamena?” Oloni kuvatolililile ku majwi a ishavo, omwo Shukulu Kalunga te nayongola laja kuvatsiya.

1 Samwele 2:25 Iomraidhean Croise

Kushangumuka 38:10

Ngecivene, vyuma evi vyalingile Onane vyapwile vyavivi ku mesho a Shukulu Kalunga, co Shukulu Kalunga wamutsiile lalo.

Kushangumuka 38:7

Oloni vilinga vya Ele vyapwile vyavivi ku mesho a Shukulu Kalunga, ngeci Shukulu Kalunga wamutsiile.

1 Vimyene 8:31

“Nga munu avulumuna mukwavo, co vamunene ku mutula wove mu Njuvo ino vene mukulisinga ngeci ikeye kesi na mulonga,

1 Vimyene 8:32

Shukulu Kalunga, tolilila omo mwilu ngeci usompe vangamba vove. Hisa uje ali na mulonga ngwe mucinamupande, co ecela uje kesi na mulonga ngwe lalo mucinamupande.

2 Mizimbu 10:15

Eci capwile cizango ca Shukulu Kalunga Njambi ngeci ashulise vije wendekele kuli Yelovowame muna Nembate muli Ahiya muka-kwimanena wa ku Shilo. Eci cikeco calingisile mwene ngeci kesi atolilile kuli vanu.

2 Mizimbu 25:16

Amaziya wamukumbulwile ngwendi, “Simbu ika twakwangwile kupwa muka-kunangula mwene? Oloka kuluu, ngeci kesi vakutsiye!” Co uje muka-kwimanena walikelele, oloni wendekele ngwendi, “Ololo njazivuka ngeci Njambi nayongola kukunyongesa omwo unalingi vyoshe evi, co unombwanesa kunangula kwange.”

Yombi 9:33

Oloni kukwesi lyaako mukati ketu ngeci atusompe muvuvali vwetu nange na Njambi.

Myaso 51:16

Yove kuwashakele vin̄ombelo, nga njikakukombelelavyo, yove kuwesi kuvwaelela na vin̄ombelo vya kwenyeka.

Myaso 51:4

Njinavulumuna kuli yove, kuli yove lika njinavulumuna, co njinalingi vyavivi ku mesho ove. Ngeci yove ushungamese omo unjisompa nakwendeka ngeci njili na mulonga.

Visimo 13:1

Mwana wa mana atolilila omo ishe amunangula, oloni mwana wa likamba kesi kutolilila ku vije vamunangula.

Visimo 15:10

Nga ulinga vya kupenga-penga, co vakakuhisa manene, nga kuutava kukunangula, co ukatsa.

Visimo 29:1

Nga ukaluwisa mbunge yove visimbu vyoshe omo vakunangula, co litangwa limo vakakunyongesa kuukendukamo lalo.

Muka-kwambulula 3:3

kuli simbu yakutsiya, na simbu yakwindula, kuli simbu yakusiwula, na simbu yakutunga.

Kulava 15:30

“Oloni munu woshe uje alinga vuvi na kapopolwezi, nambe kaIsalele, nambe muka-kwija, ali na mulonga wa kushaula Shukulu Kalunga, co vakamutsiye,

Kwituluka mu Mashiko 1:17

Akusompa kweni, kesi mukakale na kahangu oloni munapande kusompa munu na munu mu cifwa cimolika, apwe iya nambe iya. Co kesi mukakale na lyova ali munu umo embwe, omwo kusompa kwakundama kuli Njambi. Nga mulonga umo unapu waukalu, co uneneni kuli yange, ngeci njikausompe.

Kwituluka mu Mashiko 2:30

“Oloni Mwene Sihone wa ku Heshevone katutavesele kwita mu lifuti lyendi embwe, omwo Shukulu Kalunga Njambi yeni wakaluwisile mbunge yendi, ngeci amukundike mu mavoko eni ngwe mucinapu lelo.

1 Timateo 2:5

Omwo kwali Njambi umolika, co kwali uje alinakunena Njambi na vanu amolika, munu ikeye Kilistu Yesu,

VaHevelu 10:26

Omwo nga tulinga vuvi na cizango omo tunazivuka laja vushunga, co kukwesi lalo n̄ombelo yeka yakutundisa vivi.

VaHevelu 10:27

Oloni kunasala lika kuvandamena na lyova Kusompa kuje kuli nakwija, co na litende lya tuhya lije likanyongesa vaje vashaula Njambi!

VaHevelu 7:25

Co asa kwamena vaje vaija kuli ikeye, omwo ayoya ku myaka yoshe mukuvaakwila.

Yoshwa 11:20

omwo Shukulu Kalunga wakaluwisile vimbunge vyavo vyakulwisa vaIsalele, ngeci vavanyongese nakuvahisa na cihiso cakama nakujeneka kuvazivilako mema ku mbunge, ngwe muje mwashikile Shukulu Kalunga kuli Mosesa.

1 Samwele 3:14

Ngecivene, njinalisingi ngeci ku naanga ya Eli kukwesi kukombelela nambe n̄ombelo ikasa kutundisa vuvi vwangacije.”