1 Samwele 2:22 - Livulu lya Shukulu Kalunga

²² Eli wakuluvalele manene. Wakele nakuziva vyoshe vije vakele nakulinga vana vendi kuli vaIsalele voshe, co lalo vakele nakulala na vanakazi vaje vakele nakupanga ku cikolo ca Mbalaka Mwakuliwanena.

1 Samwele 2:22 Iomraidhean Croise

Kushangumuka 35:22

Omo Yakomba wakele mu lifuti lije, Luvena walalele na Mbileha, lishano limo lya ishe lya mbanja. Omo Yakomba wacizivile, co waluvalele manene. Yakomba wakele na vana likumi na vavali va vanalume.

Kushangumuka 37:2

Co ou ukewo muzimbu wa naanga ya Yakomba. Yosefa wapwile mukwenje wa myaka likumi na itanu na ivali. Wakele nakunyunga vimanga na vimembe amo na vandolome vendi, vana va Mbileha na Zilipa mashano va ishe va mbanja. Yosefa wakele nakuleka ishe a vilinga vyavivi vya vandolome vendi vije vakele nakulinga.

Kutuuka 38:8

Wafulile mbashiya ya vunengu na lisanda lyayo lya vunengu, lyapwile lya tulikengelo twa vanakazi vakele nakupanga ku cikolo ca Mbalaka Mwakuliwanena.

Ezekiyele 22:26

Vaka-kukombelela valinakupokola mashiko ange, kujeneka kusingimika vije vyakujela. Kuvasa kwangununa vije vyakujela na vije vyakujeneka kujela. Kuvasa kutepesa akati ka vije vyakujela na vije vyakujeneka kujela, co lalo kuvesi kusingimika Litangwa Lyakuhwima, mukemwo vanu va Isalele kuvesi kunjisingimika.

1 Samwele 2:23

Ngecivene, Eli wendekele kuli vakevo ngwendi, “Omwo vikajo mulinakulinga vyuma evi? Vanu vavangi valinakunjileka a vuvi vweni vumulinakulinga.

1 Samwele 3:13

Njinamuleke ngeci njikanyanyamesa naanga yendi myaka yoshe, a vuvi vuje vwazivukile, omwo vana vendi vakele nakunjishaula, oloni ikeye kavavindikile.

1 Samwele 8:1

Omo Samwele nakuluvala, waangwile vana vendi kupwa maako mu Isalele.