1 Samwele 2:18 - Livulu lya Shukulu Kalunga

¹⁸ Mu simbu ije vene Samwele wakele nakupangela Shukulu Kalunga, co wazalele kangamuna ka linyu kakujela.

1 Samwele 2:18 Iomraidhean Croise

2 Samwele 6:14

Ndaviti wazalele nanga ya linyu mu mbunda yendi, co wakinine na nzili yendi yoshe nakusingimika Shukulu Kalunga.

1 Mizimbu 15:27

Ndaviti wazalele cikoveyo cacilaja ca linyu lyalivwa, co vaka-kwimba, na ntwama yavo Kenaniya, na vaLevi vaje vambatele Cikasa ca Cikumiiyo navo lalo vazalele vikoveyo vyavilaja vya linyu. Co Ndaviti lalo wazalele kangamuna ka linyu.

Kutuuka 28:4

Co valeke vatonge kananga ka a nulo, na kangamuna na cikoveyo cacilaja, na sanya yakushoveya, na kalupusa, na mwiva. Co vatongele ndolome yove Alone na vana vendi vuzalo vwakujela vwa vuka-kukombelela, ngeci vanjipangele vipangi vya vuka-kukombelela.

VaLevi 8:7

Co wazikile Alone sanya na cikoveyo cacilaja, co wamuzitikile mwiva wa kandombe mu mbunda yendi. Wamuzikile lalo kangamuna, wakakutile na mwiva wako wauvwa wakwosha mu mbunda yendi.

1 Samwele 14:3

(Ahiya muka-kukombelela wazalele kangamuna, Ahiya wapwile muna ndolome ya Ikambonde, Ahitumbe, wapwile muna Finehase mutekulu wa Eli, muka-kukombelela wa Shukulu Kalunga mu Shilo.) Vanu kuvazivukile ngeci Yonatana nai ku cilombo ca vaFilisitiya.

1 Samwele 2:11

Asinoni Elekana welukile kwimbo lyendi ku Lama, oloni mwanike Samwele wasalele ku Shilo nakupangela Shukulu Kalunga, wakele ku mavoko a Eli muka-kukombelela.

1 Samwele 2:28

Co ku miyati yoshe ya Isalele njaangwileko naanga yendi kupwa vaka-kukombelela vange, kupanga ku mutula nakwenyeka insense, nakuzala kangamuna ku mesho ange. Co njavanene moko yakunyunga mutambela wa vin̄ombelo vya kwenyeka a mutula.

1 Samwele 22:18

Ngecivene, Saulu wendekele kuli Ndoenge ngwendi, “Vatsiye!” Co Ndoenge wavatsiile voshe. A litangwa lije, watsiile makumi atanu na atatu na vanu vatanu vaka-kukombelela, vaje vapandelemo mukuzala tungamuna twa linyu.

1 Samwele 3:1

A matangwa aje, omo mwanike Samwele wakele nakupangela Shukulu Kalunga mwisi ya Eli, majwi kuli Shukulu Kalunga apwile lika amandondo, co vimona vyakutunda kuli ikeye kuvyatumine.