1 Samwele 2:16 - Livulu lya Shukulu Kalunga

¹⁶ Nga uje munu amukumbulula ngwendi, “Ecela tai tucenyeke mazi, asinoni wambata viwushaka.” Co uje ngamba ya muka-kukombelela amukumbulula ngwendi, “Embwe! Njaneyo vene ololo! Nga kuushaka, co njilinonelayo mu nzili yange!”

1 Samwele 2:16 Iomraidhean Croise

Nehemiya 5:15

Co nguvulu woshe uje wakeleko simbu kanda yange njikaleko, walemuwisile vanu vitele vyakufweta vimbongo makumi awana vya mavundungulu a siliva a litangwa na litangwa vya vyakulya na vya vinyu. Nameme vangamba vavo vakele nakuyandesa vanu. Oloni yange njalingile mweka, omwo njasingimikile Njambi.

VaLevi 3:16

Muka-kukombelela akenyekele vyoshe vije a mutula kupwa mulambu wa vyakulya wa kwenyeka. Vweko vwa mulambu wa vyakulya vukavwaelelesa Shukulu Kalunga. Co mazi oshe anapu a Shukulu Kalunga.

Mika 3:5

Vanu vange vanavakwisa kuli vaka-kwimanena vaje vakulaesa kwoloka kuli vaje vavafweta, oloni vambulula muzimbu wa nzita yakujujwisa kuli vaje vajeneka kuvafweta. Shukulu Kalunga alinakwendeka kuli ava vaka-kwimanena ngwendi,

Maako 18:25

Co vanalume va ku Ndani vamulekele ngwavo, “Yove kuwapandele kwendeka cuma cimo, kuvanga amo ushaka kuluvalesa ava vanalume ngeci vakulwise. Co nove na naanga yove yoshe mutse.”

1 Samwele 2:15

Nameme omo kanda vatundise mazi nakuwenyeka, co uje ngamba ya muka-kukombelela aija nakwendeka kuli uje alinakukombelela ngwendi, “Njaneko situ imo akoce muka-kukombelela, ikeye kashaka kulya situ yakuteleka, ashaka lika yaivishu.”

1 Samwele 2:17

Ovu vuvi vwa vana va Eli vwapwile vwakama manene ku mesho a Shukulu Kalunga, omwo vakele nakushaula manene vin̄ombelo vakele nakukombelela kuli Shukulu Kalunga.