1 Samwele 2:13 - Livulu lya Shukulu Kalunga

¹³ nambe ku mashiko aje anakundama ku vyuma vivashaka vaka-kukombelela kuli vanu. Oloni omo munu aija nakukombelela n̄ombelo yendi, co ngamba ya muka-kukombelela aija na cimbonde ca mishomo itatu cakutivisa situ. Simbu vacili nakuteleka situ,

1 Samwele 2:13 Iomraidhean Croise

Ezekiyele 46:20

co wendekele ngwendi, “Ou ukewo mwela uje vaka-kukombelela vakatelekela situ ya vin̄ombelo vya a vuvi na milambu yakuliilwisila, nakwoca milambu ya vunga vwa tiliku, ngeci kesi vakatuule anja ya cipango ca mbanja cuma cimo cakujela, kutewa cikavulumuna vanu.”

1 Samwele 2:14

co akovelesa cimbonde mu ndeo ije valinakuteleka, vyoshe vije citiva cije cimbonde ca mishomo, co vinapu vya muka-kukombelela. VaIsalele voshe vaje vezile ku Shilo mukukombelela vin̄ombelo, mukemwo muvakele nakuvalinga mu cifwa eci vene.

1 Samwele 2:22

Eli wakuluvalele manene. Wakele nakuziva vyoshe vije vakele nakulinga vana vendi kuli vaIsalele voshe, co lalo vakele nakulala na vanakazi vaje vakele nakupanga ku cikolo ca Mbalaka Mwakuliwanena.

1 Samwele 2:29

Ngecivene, omwo vikajo muli na cipululu a vyakukombelela na vin̄ombelo vinjishaka kuli vanu vange? Omwo vikajo Eli, ulinakusingimika vana vove kutuvakana yange akuvecelela valinunise vakevo na matambelo oshe amavwa a vin̄ombelo vivakanjikombelela vanu vange?