1 Samwele 19:5 - Livulu lya Shukulu Kalunga

⁵ Ikeye wecelele mwonyo wendi omo watsiile Ngolyata, co Shukulu Kalunga wahyanesele manene vaIsalele. Omo wamwene vyuma evi, co wavwaelelele. Omwo vikajo ushaka kulinga mwamuvi kuli munu wakujeneka mulonga akutsiya Ndaviti omwo kesi na mulonga?”

1 Samwele 19:5 Iomraidhean Croise

2 Samwele 23:10

oloni ikeye wasalele, co walwile na vaFilisitiya noo livoko lyendi lyakele na cingole, co kasele kupangesa mukwale wendi. Co a litangwa lije Shukulu Kalunga wahyanene nzita yakama. Omo nzita yahwile, co vaIsalele velukile kuje kwakele Elyazale, co wambatele vintelo vya vaje vatsile.

1 Mizimbu 11:14

ngecivene, ikeye na vanu vendi vemanene mukati ka lihya, valwile na vaFilisitiya. Co Shukulu Kalunga wamuhyanesele na nzili ya kama.

1 Mizimbu 11:18

Co vaje mashwalale va lutsimo vatatu valicikininine kwita mukati ka cilombo ca vaFilisitiya, kuya nakutekula mema mu lisima, co vawanenele kuli Ndaviti. Oloni kaanwile, waetilile kuwapwisa ngwe n̄ombelo kuli Shukulu Kalunga,

Myaso 109:5

Vakevo vanjiilwisila vuvi ku vuvwa vuje njikalingi, nakunjiilwisila cizindo a cizemo cange kuli vakevo.

Myaso 119:109

Nameme mwonyo wange uli mu vushonde simbu yoshe, oloni kunjevalele mashiko ove.

Myaso 25:3

Mwa vushunga naumo wai akulaela kuli yove akaziva shwamwa, shwamwa ikola vaka-vungungu omwo kashwilo kai.

Myaso 69:4

Vaje vaka-kunjizinda kujeneka mulonga vanatumu manene kutuvakana vin̄ambu vya ku mutwe wange. Vitozi vange vendeka makuli ali yange, vali na nzili, co vashaka kunjitsiya. Valinakunjisindiya kwilwisa vyuma vije kunjevile.

Myaso 94:21

vaje vatumba matumbe akulwisa vaka-vushunga, nakuhisa munu wakujeneka mulonga ngeci atse.

Kutuuka 14:13

Mosesa wavakumbulwile ngwendi, “Kesi muzive lyova! Simpeni lika, mukamona evi vyakalinga Shukulu Kalunga mukumyamena ku litangwa lya lelo, ava vaka-Ingito kumukasa kuvamona lalo.

Njelemiya 26:15

Oloni zivukeni ngweni nga munjitsiya, co yeni, na nganda ino, mukakala na mulonga wakutsiya munu wakujeneka mulonga, omwo Shukulu Kalunga ikeye wanjitumine ngeci njiminangule.”

Mateo 27:24

Omo Pilato wamwene ngeci nomu mwalinga vene mwai, oloni lwozi lunasa kushangumuka, wambatele mema, wajwelele ku mavoko endi ku mesho a mbunga, co wendekele ngwendi, “Yange kunjesi na mulonga a kutsa kwa munu ou! Ou mulonga weni vavenya.”

Mateo 27:4

Wendekele ngwendi, “Njinalingi vuvi akwenda vungungu munu wakujeneka mulonga.” Vamukumbulwile ngwavo, “Ovyo vikajo kuli yetu? Owo mulonga wove!”

Yowano 15:25

Oloni evi vyapandele kulingiwa ngeci vije vivasonekele mu Lishiko vipwe vyavushunga ngwavo, ‘Vanjizindile ngoco, nakashwilo kai.’

Vilinga vya Miluwa 20:24

Oloni njinayongola ngwange mwonyo wange kuwesi na seo kuli yange, njishaka lika kumanesa vipangi vyange nakumanesa vipangi vije vyanjanene Mwene Yesu ngeci njivilinge, vikevyo kwambulula Vin̄anda Vyavivwa vya kutetela kwa Njambi.

Filipu 2:30

omwo waanene mwonyo wendi, co washakele kutsa omwo a vipangi vya Kilistu, ngeci anjikwase kuli vije yeni kumwasele kunjana.

VaHevelu 2:3

Ngecivene, vatijo tukaputumuka ku vyuma evi nga kutwakele vimbunge vyetu ku kwovoka kwakama kwa ngacije? Akulivanga Mwene ikeye wambulwile kwovoka oku, co vaje vazivileko vasholwele kuli yetu ngeci vukaleo ovu vunapu vwa vushunga.

Maako 12:3

Omo njamwene ngeci yeni kumwanjamenene, njakundikile mwonyo wange, njajombokele nginga nakulwa navo, co Shukulu Kalunga wavakundikile ku mavoko ange. Ngecivene, omwo vikajo munaija nakunjilwisa ololo?”

Maako 9:17

Anukeni ngeci tate walwile omwo yeni. Ikeye wecelele mwonyo wendi mukumyamena kuli vaMindyani.

1 Samwele 11:13

Oloni Saulu wendekele ngwendi, “Naumo wai ivakatsiya ku litangwa lya lelo, omwo litangwa lya lelo Shukulu Kalunga namena Isalele.”

1 Samwele 14:45

Oloni vanu vendekele kuli Saulu ngwavo, “Kuma Yonatana, ou nahyanesa manene Isalele, vamutsiye ndi? Embwe! Tulisinga ali Shukulu Kalunga wakuyoya ngwetu, kakasa kuzimbalesa nameme cin̄ambu ca ku mutwe wendi. Eci canalingi ku litangwa lya lelo cinapu kukwasa kwa Njambi.” Ngecivene, vanu vaamenene Yonatana kukumutsiya.

1 Samwele 19:6

Saulu watolililile vyendekele Yonatana, co walisingile mu lizina lya Shukulu Kalunga ngwendi Ndaviti kakamutsii.

1 Samwele 20:32

Yonatana wakumbulwile ishe ngwendi, “Vikajo vyanalingi vyatsila?”

1 Samwele 22:14

Ahimeleki wamukumbulwile ngwendi, “Ndaviti napu ntwama wa kulongwa manene kuli vantwama vove voshe! Ikeye ishomweno, muka-kupangesa vaka-kukunyunga, co ikeye wakala na kasingimiko kakama manene kuli munu na munu wa mu mbanja yove ya vumwene.

1 Samwele 28:21

Co uje munakazi waile kuli Saulu, wamwene ngeci Saulu wakele na lyova lyakama manene, co wendekele kuli ikeye ngwendi, “Shukulu, yange njinononokele majwi ove, kunjashotele mbunge mwonyo wange akulinga vije wanjilombele.