1 Samwele 19:17 - Livulu lya Shukulu Kalunga

¹⁷ Co Saulu wehwile Mikale ngwendi, “Omwo vikajo unanjikwisila ngeci, watava citozi cange avomboloke?” Co Mikale wamukumbulwile ngwendi, “Ikeye nendekele kuli yange ngwendi njikutsiya nga kuunjikwasa ngeci njivomboloke.”

1 Samwele 19:17 Iomraidhean Croise

2 Samwele 17:20

Vamyata va Avisalome vezile ku njuvo nakwihula uje munakazi ngwavo, “Ahimaza na Yonatana vali kuli?” Co wavakumbulwile ngwendi, “Vanajavuka laja ndonga.” Co vaje vanu vavashakezekele oloni kuvavawanene, ngeci velukile ku Yelusalema.

2 Samwele 2:22

Co lalo Avinele wendekele kuli Ashahele ngwendi, “Likele kunjisheka! Omwo vikajo ushaka ngeci njikutsiye? Vatijo njikalikenga na ndolome yove Yowave nga utsa?”

1 Vimyene 21:20

Omo Ahave wamwene Elinja, wendekele ngwendi, “Wanjiwana oni citozi cange?” Elinja wakumbulwile ngwendi, “Eyo, njakuwana. Yove wakakateya kulinga vije vya vunyengwe ku mesho a Shukulu Kalunga.

Mateo 2:16

Omo Helonde wamwene ngeci vaka-mana vaje vatundile mu ngangela vanamukwisa, waluvalele manene. Watumine mashwalale vendi ngeci vatsiye vanike voshe va vanalume vaje vakele mu Mbetelehema na mu membo akwatako, washikile ngeci vatsiye vanike vaje vakele na myaka ivali na vaje vavandondo, ngwe muje mwakon̄ele vaka-mana a simbu ije omo ngongonosi yasholokele.

Ngalatiya 4:16

Kuma yange ololo njinemuka citozi ceni akumileka vushunga ndi?

1 Samwele 19:14

Omo vanu va Saulu vezilile Ndaviti, Mikale wavalekele ngwendi, “Ndaviti alinakuvinja.”

1 Samwele 19:16

Co vakovelele mukati, vawanene kamponya a vulili, na musato wa maka a vimembe ku mutwe wako.

1 Samwele 22:17

Co wendekele kuli vaje vaka-kunyunga vemanene kuyehi nendi ngwendi, “Tsiyeni vaka-kukombelela va Shukulu Kalunga! Vakevo na Ndaviti valinakunjilwisa, co kuvanjilekele ngeci natewa, nameme voshe vazivukile.” Oloni vaka-kunyunga vavyanene kujundula livoko nakutsiya vaka-kukombelela va Shukulu Kalunga.

1 Samwele 28:12

Omo munakazi wamwene Samwele, co watambekele na lijwi lyakama, wendekele kuli Saulu ngwendi, “Omwo vikajo unanjikwisila? Kuma yove Mwene Saulu!”