1 Samwele 18:5 - Livulu lya Shukulu Kalunga

⁵ Co Ndaviti wakele nakuya kwoshe kuje kwakele nakumutuma Saulu, co Saulu wamupwisile mwata wa mbunga ya mashwalale vendi. Cifwa eci cavwaelelesele vanu voshe va Saulu, na vamyata vendi.

1 Samwele 18:5 Iomraidhean Croise

Kushangumuka 39:23

Muka-kunyunga kamenga kakengele ku cuma nacimo cai, cije cakele ku mavoko a Yosefa, omwo Shukulu Kalunga wakele amo nendi, co mu vyuma vyoshe vije vyalingile Yosefa, Shukulu Kalunga wavivezikisile.

2 Samwele 5:10

Co Ndaviti wakele na lutsimo simbu yoshe, omwo Shukulu Kalunga Njambi Muka-nzili yoshe wakele amo nendi.

2 Samwele 5:2

A simbu ya kunima, nameme omo Saulu wapwile mwene yetu, yove watwamenenene vanu va Isalele mu nzita, co Shukulu Kalunga wakukulaesele ngeci ukatwamenena vanu vendi nakupwa mwene yavo.”

2 Mizimbu 17:3

Shukulu Kalunga wavezikisile Njosefati omwo wakavangeyeye cimweso cakulivanga ca ishe, co kalemesele Mbale embwe.

Myaso 1:3

Munu wa cifwa eci napu ngwe muti wakukuna ku vana va vindonga vya mema, muti uje wima vushuka vwawo a simbu yawo, na maputa awo lalo kuwesi kujujwama. Munu wa cifwa eci avezika mu vyoshe vyakalingi.

Myaso 101:2

Njikayoya kuyoya kwakuvwa. Simbu ikajo ukaija kuli yange? Njikayoya mu njuvo yange na mbunge yakujela.

Mateo 10:16

“Kengeni, njilinakumituma ngwe vimanga akati ka tungunga. Ngecivene, nyanyameni ngwe manyoka, co likongomekeni ngwe mayembe.

Vilinga vya Miluwa 7:10

nakumunyunga mwamuvwa mu tuyando twendi twoshe. Omo Yosefa washolokele ku mesho a mwene wa Ingito, Njambi wamwanene cifwa cakuvwaelelesa na mana, co mwene wa Ingito wapwisile Yosefa nguvulu wakushwana lifuti lyendi lyoshe amo na lipela lyendi.

Efeso 5:17

Ngecivene, kesi mupwe vilema, oloni lingeni vije vyashaka Mwene ngeci muvilinge.

Kolose 4:5

Pweni vakunyanyama mu ngila ije mulinakulinga kuli vaje kanda vakulaele, kupangesa simbu yoshe ije mulinavyo.

Maako 1:19

Shukulu Kalunga wakele amo na vanu va muyati wa Yunda, co vafungulwile lifuti lya malundu, oloni kuvashekelemo vanu vaje vakele mu vyana, omwo vakele na matemba a vikuvo.

1 Samwele 13:2

Saulu waangwile vanalume 3,000 mu Isalele. Vanalume 2,000 vakele amo na Saulu ku Mikemashe mu lifuti lya malundu a ku Mbetele, co watumine vanalume 1,000 vaile na munendi Yonatana ku Ngimbeya, mu lifuti lya muyati wa Mbenjemani. Co vaje vasaleleo Saulu wavatumine munu na munu kuya ku mbalaka yendi.

1 Samwele 14:52

Mukuyoya kwendi kwoshe, Saulu wakele nakulwisa vaFilisitiya na nzili manene. Ngecivene, oshe aje awanene munalume wa nzili nambe wakusimpa, co Saulu wamukovelesele mu mbunga ya mashwalale.

1 Samwele 18:16

Oloni munu woshe wa mu Isalele na mu Yunda, wazemene manene Ndaviti omwo wapwile ntwama wakuhyana.

1 Samwele 18:30

Co mbunga ya mashwalale va vaFilisitiya vakele nakwija nakulwa, oloni mu nzita yoshe Ndaviti wakele nakuhyana kutuvakana vamyata va Saulu, co a cuma cangacije, Ndaviti watsimanene manene.

1 Samwele 18:4

Washulwile cikoveyo cendi cije cazalele, wacanene kuli Ndaviti, amo na vitwa vyendi, na mukwale wendi, na vuta vwa lusipa, na mwiva.

1 Samwele 18:6

Omo Ndaviti welukile kutunda kuje kwakatsiile Ngolyata, omo mashwalale lalo velukile kwimbo, vanakazi va mu vinganda vyoshe vya vaIsalele vezile nakushesha Mwene Saulu. Vembile myaso yakuvwaelela, nakukina, nakwimba tumbulumbumba, na visanzi.

1 Samwele 3:19

Omo Samwele wakolele, co Shukulu Kalunga wakele amo nendi nakulingisa vyoshe vije vyendekele Samwele ngeci vipwe vya vushunga.