1 Samwele 18:12 - Livulu lya Shukulu Kalunga

¹² Saulu wakele na lyova ali Ndaviti, omwo Shukulu Kalunga wakele amo na Ndaviti, oloni ikeye Saulu Shukulu Kalunga wamujenjukile.

1 Samwele 18:12 Iomraidhean Croise

2 Samwele 5:10

Co Ndaviti wakele na lutsimo simbu yoshe, omwo Shukulu Kalunga Njambi Muka-nzili yoshe wakele amo nendi.

2 Mizimbu 17:3

Shukulu Kalunga wavezikisile Njosefati omwo wakavangeyeye cimweso cakulivanga ca ishe, co kalemesele Mbale embwe.

Myaso 51:11

Kesi unjitundise ku mesho ove, co lalo kesi unjitundise munzinzime wove wakujela.

Myaso 53:5

Oloni vakaziva lyova lyakama, lyova lije kulyakeleko lalo, omwo Njambi akashandola vitsiya vya vitozi va vanu vendi. Mukavazivisa shwamwa omwo Njambi navavyana.

Hoziya 9:12

Oloni nameme valela vana, anga njikavatambulavo naumo wai njikasezao wakuyoya. Omo njikajenjuka vanu ava, co vyuma vyavikalu vikalingiwa kuli vakevo.”

Mateo 25:41

“Asinoni akendeka lalo kuli vaje vali ku livoko lyendi lyacimwoshwe ngwendi, ‘Tundeni kuli yange, yeni vaka-cisingo! Yeni mu tuhya tuje tuvavwaeselele Satana na tungelo twendi!

Mako 6:20

Omwo Helonde wakele na lyova ali Yowano omwo ikeye wazivukile ngeci Yowano wapwile muka-vushunga, co wakujela, co wamunyungile mwamuvwa. Helonde wazemene manene kutolilila kuli Yowano, nameme ikeye wakele nakumuzivisa longoto ku mbunge simbu yoshe yamutolililile.

Luka 8:37

Asinoni vanu voshe va ku mutambela uje valombele Yesu atunde mu lifuti lyavo, omwo vazivile lyova lyakama. Co Yesu wakovelele mu vwato wavasezele.

Vilinga vya Miluwa 24:25

Oloni omo Paulu wakele nakusimutwiya a vuvwa na akulinyunga na akwija kwa Litangwa Lyakusompa, Felikisi wazivile lyova wendekele ngwendi, “Ololo wasa kuya. Njikusana lalo omo njiwana simbu.”

Vilinga vya Miluwa 7:9

“Co vana va Yakomba vazivilile cipululu shongo yavo Yosefa, vamulandesele ku vundungo ku Ingito. Oloni Njambi wakele amo nendi,

Maako 1:19

Shukulu Kalunga wakele amo na vanu va muyati wa Yunda, co vafungulwile lifuti lya malundu, oloni kuvashekelemo vanu vaje vakele mu vyana, omwo vakele na matemba a vikuvo.

Maako 16:20

Asinoni watambekele ngwendi, “Samusoni! VaFilisitiya vanaija!” Co ikeye wendukile wayongwele ngwendi, “Njikacakunuka nakupatuka ngwe visimbu vyoshe.” Co Samusoni kazivukile ngeci Shukulu Kalunga namuseze embwe.

1 Samwele 16:18

Co umo wavo wendekele ngwendi, “Njesi wa mu limbo lya Mbetelehema, ali na mwana wa munalume azivuka kwimba mwamuvwa. Ikeye wapwa lalo wakusimpa, munalume wamuvwa manene, lishwalale wamuvwa, muka-lwashu lwa kwendeka. Co lalo Shukulu Kalunga ali amo nendi.”

1 Samwele 16:4

Samwele walingile vije vyamulekele Shukulu Kalunga, waile ku Mbetelehema, co vantwama va mu nganda vazivile lyova akuliwana nendi, co vamwihwile ngwavo, “Unaija mu kwoloka ndi?”

1 Samwele 18:15

Omo Saulu wamwene ngeci Ndaviti wakele nakulinga vyuma vyoshe mwamuvwa, co wamutewele manene kutuvakana akulivanga.

1 Samwele 18:20

Oloni Mikale muna Saulu, wazemene manene Ndaviti, omo Saulu wazivile ngacije, wavwaelelele manene.

1 Samwele 18:29

Ngecivene, Saulu wazivile manene lyova ali Ndaviti. Co wapwile citozi cendi mukuyoya kwendi kwoshe.

1 Samwele 20:13

Nga ikeye nayongola kukuvulumuna, Shukulu Kalunga anjitsiye nga kunjikuleka nakukwamena ngeci utewe. Shukulu Kalunga akale amo nove ngwe mwakele amo na tate!

1 Samwele 22:13

Saulu wamwihwile ngwendi, “Omo vikajo yove na Ndaviti muli na vutumbe vwakunjilwisa? Vika wamwanenene vyakulya, na mukwale, nakumwihwila kuli Njambi? Ololo nanjitengulukila nakunjilwisa, navandamena simbu yakunjitsiya!”

1 Samwele 28:15

Co Samwele wendekele kuli Saulu ngwendi, “Omwo vikajo wanjiyandesela? Vikajo unanjituwisila?” Saulu wamukumbulwile ngwendi, “Njili mu vukalu vwakama manene! VaFilisitiya vanaija nakunjilwisa, co Njambi nanjikengesa nima. Shendi kunjikumbulula lalo, nambe ali vaka-kwimanena, nambe mu vinjozi. Ngeci njinakusana, unjileke vati njinapande kulinga.”

1 Samwele 3:19

Omo Samwele wakolele, co Shukulu Kalunga wakele amo nendi nakulingisa vyoshe vije vyendekele Samwele ngeci vipwe vya vushunga.