1 Samwele 18:10 - Livulu lya Shukulu Kalunga

¹⁰ Alikaki, munzinzime wauvi wakutunda kuli Njambi wakovelele muli Saulu, co ikeye wayambanganene mu njuvo yendi ngwe munu wakuzaluka, Ndaviti wakele nakwimba kalyalya, ngwe mwakele nakulinga a litangwa na litangwa, co Saulu wakwatele likunga mu livoko lyendi.

1 Samwele 18:10 Iomraidhean Croise

1 Vimyene 18:29

Co vatwaleleo nakulitavozola nakuyambangela noo kuteuka kwa litangwa, oloni Mbale kavakumbulwile, nambe lijwi lyai vazivile.

1 Vimyene 22:12

Co vaka-kwimanena voshe vendekele cuma cimo ngwavo, “Ya ukalwise Lamote, co ukahyana. Shukulu Kalunga akakwana nzili yakuvafungulula.”

Njelemiya 28:11

co wendekele ku mesho a vanu voshe ngwendi, “Shukulu Kalunga nendeka ngwendi omu mukemwo mwakatavula mandauluwa ya Mwene Nevukaneza ije yanaaka mu mikoshi ya vanu voshe, co akalinga eci mu myaka ivali lika.” Co njaile.

Vilinga vya Miluwa 16:16

Omo twakele nakuya ku mutambela wakulombelela, twaliwanene na mumbanda wa ndungo uje wakele na munzinzime wakujwala wakuumikiya vyuma vya kulutwe. Co wavafukisile manene vakuku yendi vaje vamufukile mukuumikiya kwendi.

2 Tesalonika 2:11

Ngecivene, Njambi natumu nzili yakuvasevwisa mukupanga muli vakevo ngeci vakulaele vije vinapu vya makuli,

Maako 16:20

Asinoni watambekele ngwendi, “Samusoni! VaFilisitiya vanaija!” Co ikeye wendukile wayongwele ngwendi, “Njikacakunuka nakupatuka ngwe visimbu vyoshe.” Co Samusoni kazivukile ngeci Shukulu Kalunga namuseze embwe.

1 Samwele 16:23

Kutunda aje, omo munzinzime wauvi uje watumine Njambi wezile ali Saulu, co Ndaviti wanonele kalyalya kendi nakukemba. Co munzinzime wauvi watundile ali Saulu, Co Saulu wakele mwamuvwa.

1 Samwele 18:9

Co tunde aje vene Saulu wakele na lifuwa ali Ndaviti.

1 Samwele 19:10

Saulu washakele kupulyasanena Ndaviti na likunga a civumbe, oloni lyamulojele, likunga lyakwatele mu civumbe, co Ndaviti watewele wakavandele.

1 Samwele 19:7

Ngecivene, Yonatana wasanene Ndaviti, co wamulekele vyuma vyoshe. Asinoni wamutwalele kuli Saulu, co Ndaviti wapangelele mwene ngwe mwalingile akulivanga.

1 Samwele 19:9

A litangwa limo, munzinzime wauvi wakutunda kuli Shukulu Kalunga wakovelele muli Saulu. Ikeye watumbamene mu njuvo yendi na likunga lyendi mu livoko, co na Ndaviti mwakele, wakele nakwimba kalyalya kendi.

1 Samwele 26:19

Shukulu, tolilila evi njendeka. Nga cili Shukulu Kalunga ikeye nakuyongwesa ngeci unjilwise, co n̄ombelo injikamwana ikatengulwisa viyongola vyendi, oloni nga vanu valinakulinga eci, co cisingo ca Shukulu Kalunga ciije ali vakevo. Omwo vakevo vananjishekela anja kunjitundisa ku lifuti lya Shukulu Kalunga, kunjitwala ku lifuti kuje kunjikalemesela lika vinjambi veka.