1 Samwele 17:52 - Livulu lya Shukulu Kalunga

⁵² Co vanalume va Isalele na Yunda vatambekele nakuvasheka, co vavashekele ngila yoshe, noo vavetesele ku Ngate, na ku vikolo vya Ekelone. VaFilisitiya vaje vavetwele, vaile nakuliwila-wila mu ngila yoshe yakuya ku Shalaime, kweta ku Ngate na ku Ekelone.

1 Samwele 17:52 Iomraidhean Croise

2 Samwele 23:10

oloni ikeye wasalele, co walwile na vaFilisitiya noo livoko lyendi lyakele na cingole, co kasele kupangesa mukwale wendi. Co a litangwa lije Shukulu Kalunga wahyanene nzita yakama. Omo nzita yahwile, co vaIsalele velukile kuje kwakele Elyazale, co wambatele vintelo vya vaje vatsile.

1 Vimyene 20:21

Mwene Ahave na ikeye wakovelele mu nzita, co watsiile vaka-kulonda a tuvalu na matemba, co wahyanene manene kutsiya vaSilya.

Yoshwa 15:11

Co nginga yakengeselele ku vushelumukilo vwa lilundu lya Ekelone ku kunto, co yakengeselele ku Shikelone, yetile ku Munkinda wa Mbala, yetile ku Njameniya, co yahwililile ku Lishali lya Menditelenyani.

Maako 7:23

Asinoni vanalume vatundile ku miyati ya vanu va Nafetali, na Ashele, na Manase valikungulwile amo, co vashekele vaMindyani.

1 Samwele 17:53

Omo vaIsalele velukile kukusheka vaFilisitiya, vakupukwile vya mu cilombo cavo vyoshe.

1 Samwele 5:10

Ngecivene, vatumine Cikasa ca Cikumiiyo ku Ekelone, nganda ikwavo ya vaFilisitiya, oloni omo Cikasa cetele kuje, co vanu vatambekele ngwavo, “Vananena Cikasa ca Cikumiiyo ca Njambi ya Isalele kuno, ngeci vakututsiise yetu voshe!”

1 Samwele 5:8

Ngecivene, vatumine miluwa, co vasanene vimyene voshe vatanu va vaFilisitiya, vavehwile ngwavo, “Vatijo tulinga na Cikasa ca Cikumiiyo ca Njambi ya Isalele?” Co vakumbulwile ngwavo, “Citwaleni ku Ngate.” Ngecivene, vacitwalele ku Ngate, nganda ikwavo ya vaFilisitiya.