1 Samwele 17:47 - Livulu lya Shukulu Kalunga

⁴⁷ co munu na munu uje ali kuno akazivuka ngwendi Shukulu Kalunga kesi kulwa na mikwale nambe na makunga mukwamena vanu vendi. Omwo Shukulu Kalunga muka-kuhyana vinzita, co ikeye akamikundika mu mavoko etu.”

1 Samwele 17:47 Iomraidhean Croise

2 Vimyene 5:15

Co welukilile kuli Elisha amo na vanu vendi voshe wendekele ngwendi, “Ololo njazivuka ngwange mu kaye mwoshe kumwesi Njambi kuvanga lika Njambi ya Isalele, ngeci mwane, tambula vwana vwange ngamba yove.”

2 Mizimbu 14:11

Ngecivene, Asa walombelele kuli Shukulu Kalunga Njambi yendi ngwendi, “Yove Shukulu Kalunga, kukwesi weka asa kukwasa vaka-kuzeya omo valwa na vaka-nzili kuvanga yove lika. Tukwase ololo, Shukulu Kalunga Njambi yetu, omwo yetu twajendamena ali yove, co mu lizina lyove tunaija nakulwa na mashwalale ava vavangi manene. Shukulu Kalunga, yove unapu u Njambi yetu, naumo wai asa kukuhyana.”

Myaso 46:11

Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

Hoziya 1:7

Oloni njikamwesa cizemo ku vanu va mu Yunda. Yange Kalunga Njambi yavo, njikavamena, oloni kunjikavamena nakulwa embwe, nambe na mikwale, nambe na mata a lusipa na mikili, nambe na tuvalu na vaka-kulonda a tuvalu.”

Zakaliya 4:6

Co kangelo wanjilekele kwambulula majwi awa kuli Zelumbambele akutunda kuli Shukulu Kalunga ngwange Shukulu Kalunga nendeka ngwendi, “Yove ukahyana, kesi na nzili ya vushwalale nambe na nzili yove vavenya embwe, oloni na Munzinzime wange.

Loma 8:31

Co a vyuma vyoshe evi, twendeka vatijo? Nga Njambi napu wetu, co iyajo asa kutulwisa?

Loma 8:37

Embwe, mu vyuma vyoshe evi yetu tunahyana muli ikeye uje watuzemene!

Yoshwa 10:8

Co Shukulu Kalunga wendekele kuli Yoshwa ngwendi, “Kesi uvazivile lyova embwe omwo njinavakundika laja ku mavoko ove. Naumo wai wa ali vakevo akasa kwimana nove nakukulwisa.”

1 Samwele 14:6

Yonatana wendekele kuli uje mukwenje wambatele vitwa vyendi vya nzita ngwendi, “Tujavuke tuye musambwa mu cilombo ca vaFilisitiya vaje vaka- kuli kukulaela Shukulu Kalunga. Amo Shukulu Kalunga akatukwasa, omwo kukwesi vimuvindika kutuhyanesa, nambe tunapu tuvavandondo lika.”

1 Samwele 18:17

Asinoni Saulu wendekele kuli Ndaviti ngwendi, “Ambata munange wa mukulunu Melambe. Njikwanaye apwe munakazi wove, co yove ukapwa u lishwalale lyange wakusimpa na kulongwa, nakulwa vinzita vya Shukulu Kalunga.” (Saulu wayongwele ngwendi vaFilisitiya vakatsiya Ndaviti, omwo Saulu ikeye kasele kucilinga.)