1 Samwele 17:46 - Livulu lya Shukulu Kalunga

⁴⁶ Ku litangwa lya lelo vene, Shukulu Kalunga akakukundika mu livoko lyange, co njikakutsiya nakutapa mutwe wove, njikana mivila ya mashwalale va vaFilisitiya ku tuzila na ku tusitu. Co lifuti lyoshe likazivuka ngeci Njambi ali mu Isalele,

1 Samwele 17:46 Iomraidhean Croise

Kushangumuka 40:19

Kukaita matangwa atatu mwene akakutuwisa mu kamenga, co akatapa mutwe wove! Asinoni akashukika muvila wove a manda, co tuzila vakalya situ yove.”

2 Samwele 18:28

Co Ahimaza watambekele lijwi lyakukandelela mwene, walyumbilile asi ku mesho a mwene, wendekele ngwendi, “Shangazala Shukulu Kalunga Njambi yove, ou nakwana nzili yakufungulula vanu vaje vakutengulukilile shukulu nakukulwisa!”

2 Samwele 21:10

Asinoni Lizepa lishano lya Saulu lya mbanja, muna Aiya, wanonele cikeleya, co walilingilile munzinze ikeye vavenya a limanya kuje kwakele vivimbi, wakele kuje kutunda kukushangumuka kuteja noo nyonzi ya Kuhu yanyokele. Co a simbu ya mutanya wakele nakuvingila tuzila a vivimbi, co ku vutsiki wakele nakuvinyunga ku tusitu.

1 Vimyene 8:43

tolilila lilombelo lyendi. Mwilu, omo wakala, muzive, co mulingile vije vyakulomba, ngeci miyati yoshe ya muno mu kaye vakuzivuke nakukwononoka, ngwe muvakalingi vanu vove va Isalele. Ngeci vakazivuke ngwavo kuma eyi Njuvo injinatungu inapu mwela wakukulemesela.

1 Vimyene 8:60

Ngecivene, miyati yoshe ya mu kaye vakazivuke ngeci Shukulu Kalunga ikeye lika wapwa Njambi, kukwesi weka lalo embwe.

2 Vimyene 19:19

Ololo, Shukulu Kalunga Njambi yetu, twamene ku movoko a vaAsilya, ngeci miyati yoshe ya mu kaye vazivuke ngeci yove lika Shukulu Kalunga, wapwa Njambi.”

2 Vimyene 5:15

Co welukilile kuli Elisha amo na vanu vendi voshe wendekele ngwendi, “Ololo njazivuka ngwange mu kaye mwoshe kumwesi Njambi kuvanga lika Njambi ya Isalele, ngeci mwane, tambula vwana vwange ngamba yove.”

Myaso 31:8

Kuwatavele ngeci vitozi vange vanjifungulule, yove wanjitavesa kuya kwoshe kunjishaka.

Myaso 46:10

Njambi nendeka ngwendi, “Olokeni kuluu, zivukeni ngeci yange nji Njambi, nji wakama akati ka miyati yoshe, co nji wakama lalo ano asi oshe!”

Kutuuka 9:16

Oloni akukumwesa nzili yange, njakutavele kuyoya ngeci lizina lyange likatsimane mu kaye mwoshe.

Isaya 37:20

Ololo, Shukulu Kalunga Njambi yetu, twamene ku mavoko a vaAsilya, ngeci miyati yoshe ya mu kaye vakazivuke ngeci yove lika Shukulu Kalunga wapwa Njambi.”

Isaya 52:10

Shukulu Kalunga akapangesa nzili yendi yakama mukwamena vanu vendi, co vaka-kaye voshe vakamona kwamena kwa Njambi yetu.

Isaya 56:9

Shukulu Kalunga naleke miyati ya vangenzi kwija ngwe tusitu nakulya vanu vendi.

Njelemiya 19:7

Mu mutambela uje njikatanganesa matumbe oshe a vanu va mu Yunda na vanu va mu Yelusalema. Njikecela vitozi vavo kuvalyatangela nakuvatsiila mu nzita. Co njikana mivila yavo ku tuzila na ku tusitu kupwa vyakulya vyavo.

Njelemiya 34:20

Njikavakundika ku mavoko a vitozi vavo vaje vakavatsiya, co mivila yavo vakailya tuzila na tusitu.

Ndanyele 2:47

Mwene wendekele ngwendi, “Njambi yove wapwa wakama manene kutuvakana vinjambi voshe, ikeye wapwa Shukulu wa akamwa ya vimyene voshe, ikeye akajombolola mahungu. Njazivuka cuma eci omwo unasa kulumbununa lihungu eli.”

Ndanyele 3:29

“Ngecivene, njishika lishiko ngwange, munu woshe wa ku lifuti lika, nambe muyati uka, nambe endeka ndaka yeka vaje vakashaula Njambi ya Shandelaki, na Meshake, na Ambendenengo, vakamutetange vipuka-vipuka, co njuvo yendi vakayinyongese. Omwo kukwesi lalo njambi weka asa kwamena ngacije.”

Mateo 24:28

“Kwoshe kuje kuli civimbi kukekwo kukalingulwila makuvi.

Kwituluka mu Mashiko 28:26

Mitunu yeni ikapwa vyakulya vya tuzila na tusitu, co kukwesi umo akavasheka wai.

Kwituluka mu Mashiko 7:2

Omo Shukulu Kalunga Njambi yeni akavakundika mu mavoko eni, mukavanyongesa voshe njwa. Kesi mukalikumiiye navo, nambe kuvazivila mema ku mbunge embwe.

Kwituluka mu Mashiko 7:23

Oloni Shukulu Kalunga Njambi yeni akakundika vitozi veni mu mavoko eni, co akavaiya-yiisa noo voshe vananyongo njwa.

Yoshwa 10:8

Co Shukulu Kalunga wendekele kuli Yoshwa ngwendi, “Kesi uvazivile lyova embwe omwo njinavakundika laja ku mavoko ove. Naumo wai wa ali vakevo akasa kwimana nove nakukulwisa.”

Yoshwa 4:24

walingile eci ngeci vanu voshe va ano asi vakazivuke muvwapwa vukama na nzili ya Shukulu Kalunga, co mukasingimika Shukulu Kalunga Njambi yeni ku myaka yoshe.”

1 Samwele 14:6

Yonatana wendekele kuli uje mukwenje wambatele vitwa vyendi vya nzita ngwendi, “Tujavuke tuye musambwa mu cilombo ca vaFilisitiya vaje vaka- kuli kukulaela Shukulu Kalunga. Amo Shukulu Kalunga akatukwasa, omwo kukwesi vimuvindika kutuhyanesa, nambe tunapu tuvavandondo lika.”

1 Samwele 17:44

Co uje kaFilisitiya wendekele kuli Ndaviti ngwendi, “Ija kuno, njikana muvila wove ku tuzila na ku tusitu ngeci vakalye.”