1 Samwele 17:34 - Livulu lya Shukulu Kalunga

³⁴ Ndaviti wendekele ngwendi, “Yove shukulu, yange ngamba yove nji muka-kunyunga vimanga va tate. Simbu yoshe ndumba nambe mbeya akwata muna manga a vutanga,

1 Samwele 17:34 Iomraidhean Croise

Kushangumuka 31:39

Co simbu yoshe nga cikashama nakwata manga, yange njakele nakwingisamo weka. Kunjamunenele kuli yove omwo yove wavakundikile kuli yange. Oloni yange njalitwikile citele cije, omwo yove washikile ngeci njinapande kufweta ndando ya cimuna nameme vikashama vamutsiile simbu ya mutanya nambe simbu ya vutsiki.

2 Samwele 17:8

Yove wazivuka ngeci isho Ndaviti na vanu vendi vapwa vaka-kulwa va nzili, co lalo vakevo vatewesa manene ngwe mbeya uvanevila vana vendi mu civulili. Isho wapwa lishwalale wamukalu, vutsiki kesi kukala amo na vanu vendi.

2 Samwele 23:20

Mbenaya muna Yehoyanda wa ku Kambizele wapwile lishwalale mukwavo wa lutsimo, walingile vilinga vyavingi vya nzili, watsiile vaMowavi vavali vakele na nzili ngwe vindumba. A simbu imo washelumukile mu mbulu, watsiile ndumba a litangwa lya mema akukonda.

1 Mizimbu 11:22

Mbenaya muna Yehoyanda wa ku Kambizele wapwile lishwalale mukwavo wa lutsimo, walingile vilinga vyavingi vya nzili, watsile vaMowavi vavali vakele na nzili. A litangwa lya mema akukonda washelumukile mu mbulu, wakatsiilemo ndumba.

Myaso 143:5

Njanuka matangwa a ku san̄ulu, nakuyongola a vipangi vyove vyoshe, nakuyongola vipangi viwalingile na mavoko ove.

Ezekiyele 34:12

mu ngila ije vene kanyungi akanyungu vimanga vendi vaje valishandokele, co avakungulwila amolika lalo. Njikavanena lalo nakuvelwisa kutunda ku mitambela kuje kuvalishandokelele a litangwa lije lya lisusulungu, na n̄avava.

Amose 3:12

Shukulu Kalunga alinakwendeka ngwendi, “Ngwe kanyungi acakununa mendi avali nambe litwi limo lya manga ku kanwa ka ndumba, mukemwo mwakamena Shukulu Kalunga vanu va Isalele vaje vali mu Samaliya, vaje vanatumbama a myela yaivwa, na a vitumbamo vyavivwa.

Zakaliya 11:16

Njinemika kanyungi mukunyunga vutanga vwange, oloni ikeye kakanyungu mwamuvwa vimanga vaje vashaka kutsa, nambe kushakezeka vaje vanazimbala, nambe kusaka vaje vanavulumuka, nambe kulisa vaje vanasalao. Oloni ikeye akali lika situ ya vaje vimanga vakununa nakuvatavozola lika vimbemba vyavo.

Zakaliya 9:7

Kuvakali lalo situ na maninga ayo, nambe vyakulya vyeka vya cizila. Vanu voshe vaje vasaleleo vakapwa vanu vange, co vakapwa naanga mu muyati wa Yunda. Ekelone vakapwa vanu vange, ngwe muvalingile vaNjevushi.

Luka 2:8

Co ku lifuti lije kwakele tunyungi mu cana, vakele nakunyunga vimanga vavo vutsiki.

Yowano 10:11

“Yange kanyungi wamuvwa, kanyungi wamuvwa ali na cizango cakutsila vimanga.

Loma 5:4

co lukakateya lulingisa ngeci Njambi atutambule, co eci kutambula ca Njambi cinena cinyangavili.

VaHevelu 11:33

Akukulaela vakevo valwisilile mafuti, co vahyanene. Valingile vya vushunga, co vatambwile vije vyavakulaesele Njambi. Vashokele tunwa twa vindumba,

Kujombolola 13:2

Co uje cikashama injamwene akumukenga wafwile ngwe ingwe na myanja yendi yalifwile ngwe ya mbeya na kanwa kendi ngwe kanwa ka ndumba. Co uje canza-ngombe waanene nzili yendi na litanda lyendi amo na vukama vwa moko yendi kuli uje cikashama.

Maako 14:6

Co vwasi-vwasi Munzinzime wa Shukulu Kalunga wezile na nzili ali Samusoni, co watavozwele ndumba na mavoko endi vipuka-vipuka, ngwe atavozola muna membe. Oloni kalekeleko visemi vyendi vije vyalingile.

1 Samwele 17:15

Ndaviti wakele nakuyayaya ku Mbetelehema a simbu na simbu, nakunyunga vimanga va ishe.

1 Samwele 17:33

Saulu wamukumbulwile ngwendi, “Embwe, vatijo ukalwa nendi? Kuma yove ucili u mwanike, ikeye wapwa lishwalale mukuyoya kwendi kwoshe!”

1 Samwele 17:35

yange njimukava munima, nakumulwisa, nakucakununa uje muna manga. Co nga uje ndumba nambe ingwe anjitengulukila, co yange njikamukwata ku munjezi nakumupupanga noo natsi.