1 Samwele 17:32 - Livulu lya Shukulu Kalunga

³² Ndaviti wendekele kuli Saulu ngwendi, “Yove shukulu, kucapandele munu atewe uje kaFilisitiya! Yange njiya njikalwa nendi.”

1 Samwele 17:32 Iomraidhean Croise

Myaso 3:6

Kunjesi na lyova lya vitozi vavangi-vangi vaje vananjizengeleka mukulwa nange.

Isaya 35:4

Endekeni kuli vaje vanalijujukila ngweni, “Koleseni kesi muzive lyova! Njambi yeni alinakwija. Aija nakulinga shambandinga vitozi veni.”

Isaya 7:4

Mulekeni ananguke, ngeci akale mu kwoloka, co kesi azive lyova nambe kujujuka a vukalu vwakama vwa Mwene Lezine wa ku Silya, na vukalu vwa Mwene Peka vuje vunapu ngwe vimbundi vivali vya tuhya vilinakukakama vwisi.

Kulava 13:30

Asinoni Kalembi wolwesele vanu vakele nakulinyenyetela kuli Mosesa, co wendekele ngwendi, “Tuyeni tujaluke ano tukatambule lifuti likapwe lyetu, omwo tuli na nzili yakuvafungulula.”

Kulava 14:9

Oloni kesi mutengulukile Shukulu Kalunga nambe kesi mutewe vanu vali muje. Tukavafungulula omwo Shukulu Kalunga ali netu, ikeye wafungulwile vinjambi vaje vavakulaelele, ngecivene, kesi muvazivile lyova embwe.”

VaHevelu 12:12

Ngecivene, junduleni mavoko eni aje anatepuka, co koleseni mavuli eni akuzeya!

Yoshwa 14:12

Ngeconi ololo, njane lifuti lya malundu lije lyanjikulaesele Shukulu Kalunga a litangwa lije omo yange na vanu vange twatwalele vukaleo. Co a simbu ije twakulekele ngeci uje muyati wa makisi-kisi uvatumbula ngwavo vaAnakime vakele kuje mu vinganda vya vivumbe vyavilaja. Nga Shukulu Kalunga akakala amo nange, co njikavasheka, ngwe muje mwendekele Shukulu Kalunga.”

1 Samwele 14:6

Yonatana wendekele kuli uje mukwenje wambatele vitwa vyendi vya nzita ngwendi, “Tujavuke tuye musambwa mu cilombo ca vaFilisitiya vaje vaka- kuli kukulaela Shukulu Kalunga. Amo Shukulu Kalunga akatukwasa, omwo kukwesi vimuvindika kutuhyanesa, nambe tunapu tuvavandondo lika.”

1 Samwele 16:18

Co umo wavo wendekele ngwendi, “Njesi wa mu limbo lya Mbetelehema, ali na mwana wa munalume azivuka kwimba mwamuvwa. Ikeye wapwa lalo wakusimpa, munalume wamuvwa manene, lishwalale wamuvwa, muka-lwashu lwa kwendeka. Co lalo Shukulu Kalunga ali amo nendi.”

1 Samwele 17:31

Co vanu vamo vazivile vije vyendekele Ndaviti, valekele Saulu, co Saulu wamusanene.