1 Samwele 17:24 - Livulu lya Shukulu Kalunga

²⁴ Omo vaIsalele vamwene Ngolyata, co vazivile lyova lyakama, vatewele.

1 Samwele 17:24 Iomraidhean Croise

Isaya 30:17

Vanu vakupwa 1,000 vakatewa omo vakamona citozi wa lishwalale umo, co mashwalale vatanu vasa kumisheka yeni voshe. Nacimo cai ca nzita yeni cikasalao kuvanga citi ca pandelo lika cije cikasala akamwa ya lilundu.

Isaya 7:2

Omo lijwi lyetele kuli mwene wa mu Yunda ngwavo mashwalale va Silya vanete laja mu lifuti lya Isalele, ikeye na vanu vendi voshe vakele na lyova, co valijajelele ngwe miti ilinakuninganga na lihunzi.

VaLevi 26:36

“Co njikalingisa cova-ova kuli vaje vanasalamo. Eli likapwa lyova lyakama manene, co vakatewa nameme cililimo ca liputa lije lilinakulipekumukila ngoco na lihunzi. Vakatewa ngwe vanu vatewa nzita, co vakaliwila-wila ngoco, nambe vitozi vavo kuvavashwenyele.

Kulava 13:33

Twamwene lalo makisi-kisi kuje, vatekulwila va Anake. Co twalimwene vundondo ngwe tu vimbimba ku mesho avo.”

Kwituluka mu Mashiko 32:30

Omwo vikajo vanu 1,000 vafungulukile kuli munu umo? Na vanu 10,000 vafungulukile kuli vanu vavali lika? Omwo Shukulu Kalunga Njambi yavo wavakengesele nima, omwo Njambi yavo muka-nzili wavakundikile mu mavoko avo.

1 Samwele 17:11

Omo Saulu na vanu vendi vazivile ngacije, co vajujukile.

1 Samwele 17:23

Omo ikeye acili nakwendeka navo, Ngolyata wezile kulutwe nakusana vaIsalele ngwe mwalingile akulivanga. Co Ndaviti wamuzivile.

1 Samwele 17:25

Valyendekesele umo na mukwavo ngwavo, “Mukengeni! Tolilileni omo alinakusana! Mwene Saulu nakulaesa kwana cikandelela cakama kuli munu woshe uje atsiya Ngolyata, co lalo mwene akamwana munendi ngeci amwambate, co naanga yendi yoshe kuvakafwete lisimu nambe kumupangela.”