1 Samwele 17:10 - Livulu lya Shukulu Kalunga

¹⁰ Litangwa lya lelo njisana ku nzita mbunga ya mashwalale va vaIsalele. Anguleni munu umo akulwe nange!”

1 Samwele 17:10 Iomraidhean Croise

2 Samwele 21:21

Ikeye wayeluwisile vaIsalele, co Yonatana, muna Shamema, ndolome ya Ndaviti wamutsiile.

2 Samwele 23:9

Wamucivali wakutsimana kuli vaje vatatu wapwile Elyazale muna Ndondo, wa ku cikota ca Aho. Litangwa limo ikeye na Ndaviti valwisile vaFilisitiya vaje valikungulwile kulwa nzita. Co vaIsalele vonwele,

2 Vimyene 19:4

Mwene wa vaAsilya natumu Lambashake mwata wendi wakama kushaula Njambi wakuyoya. Shukulu Kalunga Njambi yove azive kushaula oku nakuhisa vaje vanendekelemo. Ngecivene, lombela kuli Njambi ali vanu vetu vaje vacili nakuyoya.”

Nehemiya 2:19

Omo Sanevalate, na Toviya, na kaAlavya umo lizina lyendi Ngesheme vazivile a vutumbe vuje vutwashakele kulinga, co vatujolele nakutushendumuna nakwendeka ngwavo, “Vikajo mulinakuyongola kulinga? Yeni mushaka kutengulukila mwene ndi?”

Visimo 16:18

Kulyalesa manene kutwala munu kukunyonga.

Njelemiya 9:23

Shukulu Kalunga alinakwendeka ngwendi, “Vaka-mana kesi valyalesele a mana avo, nambe vaka-nzili kesi valyalese a nzili yavo, nambe vaka-kufuka kulyalesela a vufuko vwavo,

Ndanyele 4:37

“Ngecivene, ololo, yange Nevukaneza njishangazala nakusingimika nakulemesa Njambi ikeye Mwene wa Lilu. Vyuma vyoshe vyakalingi vyapwa vya vushunga, co vingila vyendi vyapwa vya kulongwa, co akononwesa uje woshe alyalesa.”

1 Samwele 17:11

Omo Saulu na vanu vendi vazivile ngacije, co vajujukile.

1 Samwele 17:36

Njatsiya laja vindumba, na vaingwe, co njikalinga mumolika lalo na uje kaFilisitiya muka-kujeneka kukulaela, uje ayeluwisa mashwalale va Njambi wakuyoya.

1 Samwele 17:45

Ndaviti wamukumbulwile ngwendi, “Ulinakwija kuli yange na mukwale, na likunga, na cimbuya, oloni yange njilinakwija kuli yove mu lizina lya Shukulu Kalunga Muka-nzili yoshe, Njambi ya mashwalale va Isalele uje unashaula.