1 Samwele 16:5 - Livulu lya Shukulu Kalunga

⁵ Ikeye wavakumbulwile ngwendi, “Eyo, njinaija mu kwoloka, njinaija nakukombelela kuli Shukulu Kalunga. Lijeleseni ngeci tuye amo nange nakukombelela.” Walekele lalo Njesi na vana vendi ngeci valijelese, co wavalanyele kukukombelela.

1 Samwele 16:5 Iomraidhean Croise

Kushangumuka 35:2

Ngecivene, Yakomba wendekele ku naanga yendi na kuli voshe vaje wakele navo amo ngwendi, “Tundiseni vinjambi veka vaje vali akati keni. Lijeleseni nakuzala vuzalo vwakujela.

1 Vimyene 2:13

Andoniya, muna Hangite, waile kuli Mbateshemba, vaina ya Solomoni. Co Mbateshemba wamwihwile ngwendi, “Unaija mu kwoloka ndi?” Co wamukumbulwile ngwendi, “Eyo, njinaija mu kwoloka.”

1 Mizimbu 12:18

Co Munzinzime wa Njambi wezile ali Amasai, muka-kushika vaje “Makumi Atatu.” Co watambekele ngwendi, “Ndaviti muna Njesi, yetu tunapu tu vanu vove! Tunemana amo nove! Kwoloka, kukale amo nove! Kwoloka kukale kuli vaka-kukukwasa, omo Njambi akakukwasa.” Co Ndaviti wavatambwile, nakuvapwisa vakulunu va nzita yendi.

Yombi 1:5

Ku mutondo omo ciwano cinahu, Yombi wakele nakwinduka mutondo-tondo nakukombelela vin̄ombelo vya kwenyeka kupwisa ku umo na umo wa vana vendi mukuvajelesa. Ikeye wakele nakulinga eci simbu yoshe omwo wayongwele ngeci amo umo wa vana vendi nalingi vuvi nakushaula Njambi kwakujeneka kucizivuka.

Kutuuka 19:10

co Shukulu Kalunga wendekele kuli ikeye ngwendi, “Ya kuli vanu ukavaleke ngeci valivwaese lelo na imene. Vanapande kulijelesa nakulemesa. Co vanapande kukusha vuzalo vwavo

Njwele 2:16

Kungulwileni vanu amolika, vakungulwileni ku cikungulukilo cakujela, neneni tukulukazi, kungululeni vanike na vimbututu lalo. Nameme vaje vanashomboka ololo vaseze vinjuvo vyavo vaije.

Zefaniya 1:7

Litangwa lili muyehi omo Shukulu Kalunga akatumbama nakusompa vanu ngecivene, olokeni kuluu ku mesho endi. Shukulu Kalunga nalivwaesela cimweja kukombelela vanu vendi, nalanya vitozi mukupukula Yunda.

Kulava 11:8

Vanu vaile nakuwakungulula nakuwalola a mamanya, nambe kuwatwa mu vin̄unju, co vawatelekele mu vindeo, nambe kuwalinga makende a kuhima. Co kuwamakela alifwile ngwe makende a kuhima akukumbasana na mazi a olive.

1 Kolinte 11:28

Ngecivene, munu na munu aliilule ikeye vavenya akulivanga, asinoni alye likende nakunwa ku nganja.

Yoshwa 3:5

Yoshwa walekele vanu ngwendi, “Lijeleseni, omwo imene Shukulu Kalunga akalinga vikomoweso akati keni.”

Yoshwa 7:13

Katuka! Jelesa vanu va Isalele. Valeke vaije ku mesho ange, valeke valivwaesele litangwa lya imene, omwo yange Kalunga Njambi ya Isalele njili nevi vyakwendeka. Kuli vyuma vyakukundika vili akati keni yeni vaIsalele, vije vinjamishikile ngeci muvinyongese! Kumukasa kwimana ku mesho a vitozi veni kuvanga munatundisa vije vyakukundika vili akati keni.

1 Samwele 20:26

oloni Saulu kendekele cuma cimo ku litangwa lije, omwo wayongwele ngwendi, “Amo cuma cimo cinalingiwa kuli ikeye, co amo kajelele ku mashiko.”