1 Samwele 16:4 - Livulu lya Shukulu Kalunga

⁴ Samwele walingile vije vyamulekele Shukulu Kalunga, waile ku Mbetelehema, co vantwama va mu nganda vazivile lyova akuliwana nendi, co vamwihwile ngwavo, “Unaija mu kwoloka ndi?”

1 Samwele 16:4 Iomraidhean Croise

Kushangumuka 35:19

Ngecivene, Lakele watsile, vamutsindile kumukulo wa ngila ya Efaleta, ikeyo Mbetelehema ololo.

Kushangumuka 48:7

Omo njatundile ku Mesopotamya, Lakele watsililile mu lifuti lya Kanana muyehi na Efaleta, njakele na vusiwa vwakama, co njamutsindile kumukulo wa ngila ya ku Efaleta.” (Ololo Efaleta inapu Mbetelehema.)

2 Samwele 6:9

Ngecivene, Ndaviti wakele na lyova lya Shukulu Kalunga, co wendekele ngwendi, “Vati njambata Cikasa ca Cikumiiyo?”

1 Vimyene 17:18

Uje fwile wendekele kuli Elinja ngwendi, “Yove munu wa Njambi, omwo vikajo unalingila eci kuli yange? Kuma yove unaija kuno mukwanukisa Njambi a vuvi vwange ngeci munange atse?”

1 Vimyene 2:13

Andoniya, muna Hangite, waile kuli Mbateshemba, vaina ya Solomoni. Co Mbateshemba wamwihwile ngwendi, “Unaija mu kwoloka ndi?” Co wamukumbulwile ngwendi, “Eyo, njinaija mu kwoloka.”

2 Vimyene 9:22

Co Njolame wamwihwile ngwendi, “Ulinakwija mu kwoloka ndi?” Yehu wamukumbulwile ngwendi, “Vatijo njija mu kwoloka oku anga tucili na vulozi na tumponya vije vivashangumukile vanyoko Njezevele?”

Hoziya 11:10

“Vanu vange vakanjikava omo njikaana ngwe ndumba. Co vakazambula kwija kuli yange kutunda ku kangombe ka yambi.

Hoziya 6:5

Omu mukemwo njatumu vaka-kwimanena vange kuli yeni na majwi a kusompa na akunyongesa. Vinjishaka kuli yeni vinapu vyavyasi vinalumbunuka vikevyo evi.

Luka 2:4

Na Yosefa lalo watundile ku nganda ya Nazaleta mu Ngalileya, waile ku nganda ya Mbetelehema mu Yundeya kwimbo lya Ndaviti. Yosefa waile kuje omwo wapwile wa ku muyati wa Ndaviti.

Luka 5:8

Omo Simoni Petulu wamwene vije vyalingiwile, watsikamene a mavuli ku mesho a Yesu wendekele ngwendi, “Mwene tunda kuli yange, omwo yange nji muka-vuvi!”

Luka 8:37

Asinoni vanu voshe va ku mutambela uje valombele Yesu atunde mu lifuti lyavo, omwo vazivile lyova lyakama. Co Yesu wakovelele mu vwato wavasezele.

1 Samwele 21:1

Ndaviti waile ku Nombe kuli Ahimeleki muka-kukombelela. Co Ahimeleki wajajele, akuliwana nendi, co wehwile Ndaviti ngwendi, “Vikajo unezila kuno ove lika?”