1 Samwele 16:21 - Livulu lya Shukulu Kalunga

²¹ Ngecivene, Ndaviti wetele kuli Saulu, co wakovelele ku vipangi vyendi. Saulu wazemene manene Ndaviti, co wamwangwile kupwa muka-kwambata vitwa vyendi vya nzita.

1 Samwele 16:21 Iomraidhean Croise

Kushangumuka 41:46

Yosefa wakele na myaka makumi atatu omo washangumukile kupangela mwene wa Ingito. Watuukile mu lipela lya mwene, co waile nakwitangana mu lifuti lyoshe lya Ingito.

1 Vimyene 10:8

Kuvezika kwa vanakazi vove kunapu kwakama manene! Co lalo na vangamba vove vakuvezika, ava simbu yoshe vali ku mesho ove nakuziva vyendeka vyove vyakunyanyama!

Myaso 118:9

Cinapu cuma cacivwa kutewela kuli Shukulu Kalunga, kutuvakana kukulaela vantwama va ano asi.

Myaso 146:3

Kesi ukulaele vantwama va ano asi embwe, munu naumo wai asa kukwamena.

Myaso 62:9

Vanu voshe vanapu ngwe muku, naumo wai napu wa seo. Kuvapeselesa voshe kuvesi na vulemu, vanapu vavehu ngwe muku.

Visimo 22:29

Nga upanga vipangi vyove mwamuvwa, co ukapangela vimyene, kuukapangela vanu vangoco embwe.

Kwituluka mu Mashiko 1:38

kuvanga lika mukwasi wove Yoshwa muna Nune, ikeye akakovelamo. Co mukolese ngeci akatwamenene vanu va Isalele kushwana lifuti lije.’

Kwituluka mu Mashiko 10:8

A simbu ije Shukulu Kalunga waangunwine muyati wa Levi kupwa vaka-kwambata Cikasa ca Cikumiiyo ca Shukulu Kalunga, nakwimana ku mesho a Shukulu Kalunga nakumupangela nakuvezikisa vanu mu lizina lya Shukulu Kalunga, ngwe muvali nakulinga na lelo lino.

Maako 9:54

Asinoni Avimeleke wasanene vwasi mukwenje uje wambatele vitwa vyendi wamulekele ngwendi, “Shomona mukwale wove unjitsiye. Kesi vakendeke ngwavo munakazi nanjitsii embwe.” Ngecivene, mukwenje wamutivile mukwale, co watsile.

1 Samwele 16:22

Asinoni Saulu watumine majwi kuli Njesi ngwendi, “Njimuzema Ndaviti. Akale ku vipangi vyange.”

1 Samwele 17:15

Ndaviti wakele nakuyayaya ku Mbetelehema a simbu na simbu, nakunyunga vimanga va ishe.

1 Samwele 17:55

Omo Saulu wamwene Ndaviti aya nakulwa na Ngolyata, wehwile Avinele, muka-kushika wa nzita yendi ngwendi, “Avinele, kuma uje mukwenje muna iya?” Avinele wamukumbulwile ngwendi, “Shukulu, nange kunjimuzivuka mwamuvwa.”

1 Samwele 19:7

Ngecivene, Yonatana wasanene Ndaviti, co wamulekele vyuma vyoshe. Asinoni wamutwalele kuli Saulu, co Ndaviti wapangelele mwene ngwe mwalingile akulivanga.