1 Samwele 16:18 - Livulu lya Shukulu Kalunga

¹⁸ Co umo wavo wendekele ngwendi, “Njesi wa mu limbo lya Mbetelehema, ali na mwana wa munalume azivuka kwimba mwamuvwa. Ikeye wapwa lalo wakusimpa, munalume wamuvwa manene, lishwalale wamuvwa, muka-lwashu lwa kwendeka. Co lalo Shukulu Kalunga ali amo nendi.”

1 Samwele 16:18 Iomraidhean Croise

Kushangumuka 39:2

Shukulu Kalunga wakele amo na Yosefa, co wamuvezikisile mu vyoshe, ngecivene, ikeye wakele mu njuvo ya shukulu yendi kaIngito.

Kushangumuka 39:23

Muka-kunyunga kamenga kakengele ku cuma nacimo cai, cije cakele ku mavoko a Yosefa, omwo Shukulu Kalunga wakele amo nendi, co mu vyuma vyoshe vije vyalingile Yosefa, Shukulu Kalunga wavivezikisile.

2 Samwele 14:20

Oloni ikeye nalingi evi ngeci vyuma vyoshe vishungame. Omwo yove shukulu wakala na mana ngwe mana a kangelo ka Njambi nakuzivuka vyuma vyoshe vije vilingiwa.”

2 Samwele 17:10

Co nameme vanalume vakusimpa, vaje kuvesi na lyova ngwe vindumba, vakakala na lyova omwo munu woshe mu Isalele nazivuka ngeci isho wapwa lishwalale wamukalu, na vanu vendi vaka-kulwa manene.

2 Samwele 17:8

Yove wazivuka ngeci isho Ndaviti na vanu vendi vapwa vaka-kulwa va nzili, co lalo vakevo vatewesa manene ngwe mbeya uvanevila vana vendi mu civulili. Isho wapwa lishwalale wamukalu, vutsiki kesi kukala amo na vanu vendi.

Visimo 12:8

Munu muka-mana vakamushangazala, oloni cilema vakamukenga na shwamwa.

Mateo 1:23

“Kengeni, mumbanda uje kanda alimone na munalume akakala na kafumba, co akakita mwana wa munalume, vakamutumbula Manuwele” (kulumbununa ngwavo, “Njambi ali netu”).

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

1 Samwele 10:7

Omo evi vikalingiwa, co yove linga vyoshe vije vyakutwamenena Njambi.

1 Samwele 16:12

Ngecivene, Njesi watumineko munu kukamushaka. Ikeye wapwile wamuvwa, mukwenje wakuvenga, mesho endi apwile amavwa. Co Shukulu Kalunga wendekele kuli Samwele ngwendi, “Katuka umuvwavese mazi, omwo ikeye vene ou!”

1 Samwele 16:17

Co Saulu wavashikile ngwendi, “Njishakezekeleni munu uje azivuka kwimba mwamuvwa, mumunene kuli yange.”

1 Samwele 16:19

Ngecivene, Saulu watumine miluwa kuli Njesi wamulekele ngwendi, “Njitumineko munove Ndaviti, uje muka-kunyunga vimanga.”

1 Samwele 17:12

Ndaviti wapwile muna Njesi, kaEfaleta ku Mbetelehema mu Yunda. Njesi wakele na vana vendi va vanalume vatanu na vatatu, co a simbu ije omo Saulu wapwile mwene, Njesi te nakuluvala laja.

1 Samwele 3:19

Omo Samwele wakolele, co Shukulu Kalunga wakele amo nendi nakulingisa vyoshe vije vyendekele Samwele ngeci vipwe vya vushunga.