1 Samwele 16:13 - Livulu lya Shukulu Kalunga

¹³ Co Samwele wambatele lilulu lya mazi a olive, wavwavesele Ndaviti ku mesho a vandolome vendi. Co aje vene Munzinzime wa Shukulu Kalunga wezile na nzili ali Ndaviti, wakele amo nendi kutunda ku litangwa lije. Asinoni Samwele welukile ku Lama.

1 Samwele 16:13 Iomraidhean Croise

2 Samwele 12:7

Co Natane wendekele kuli Ndaviti ngwendi,“Uje munalume wakufwa ngacije ni, napu yove vene. Omu mukemwo mwanendeka Shukulu Kalunga Njambi ya Isalele ngwendi, ‘Njakupwisile mwene wa mu Isalele nakukwamena kuli Saulu.

2 Samwele 2:4

Asinoni vanu va ku Yunda vezile ku Hevelone nakuvwavesa mazi Ndaviti kumupwisa mwene wa mu Yunda. Omo Ndaviti wazivile ngeci vanu va ku Njambeshe mu Ngilyande vanatsindi Saulu,

2 Samwele 23:1

Ndaviti muna Njesi wapwile munu uje Njambi wamupwisile wakama, uje Njambi ya Yakomba wamwangwile kupwa mwene, ikeye wapwile muka-kumanga myaso yaivwa ya Isalele. Awa akewo majwi a Ndaviti akumanesela.

2 Samwele 5:3

Ngecivene, vantwama voshe va Isalele vezile kuli Mwene Ndaviti ku Hevelone. Ngecivene, walikumiiye cikumiiyo cakujela navo, co vamuvwavesele, wapwile mwene wa mu Isalele.

2 Vimyene 9:6

Co muvuvali vwavo vakovelele mu njuvo, uje muka-kwimanena wa mukwenje wetilile mazi a olive a mutwe wa Yehu, co wamulekele ngwendi, “Shukulu Kalunga, Njambi ya Isalele, nendeka ngwendi, ‘Njinakuvwavesa mazi kupwa mwene wa vanu vange va Isalele.

1 Mizimbu 11:3

Ngecivene, vantwama voshe va Isalele vezile kuli Mwene Ndaviti ku Hevelone. Ngecivene, walikumiiye cikumiiyo cakujela navo, co vamuvwavesele, wapwile mwene wa mu Isalele, ngwe mwavakulaesele Shukulu Kalunga ali Samwele.

Myaso 89:20

Njinaangula ngamba yange Ndaviti kupwa mwene, njinamuvwavesa mazi ange akujela.

Myaso 89:21

Nzili yange ikakala nendi simbu yoshe, co ikamutakamesa.

Kulava 11:17

Co njikashelumuka nakwendeka nove kuje vene, njikavana moko ngeci mukalikwase kwendesa vanu vange kuukavanyungu ove lika embwe.

Kulava 27:18

Ngecivene, Shukulu Kalunga wendekele kuli Mosesa ngwendi, “Sana Yoshwa muna Nune, uje washula na Munzinzime wange, kambeka mavoko ove a mutwe wendi.

Yowano 3:34

Omwo woshe uje yanatumu Njambi endeka majwi a Njambi, omwo Njambi namwana Munzinzime Wakujela muvungi.

Vilinga vya Miluwa 13:22

Co omo wamutundisile, Njambi wapwisile Ndaviti mwene yavo. Eci cikeco cendekele Njambi ali ikeye ngwendi, ‘Njinawana Ndaviti muna Njesi ikeye munalume injazema, uje akalinga vyoshe vije njishaka ngeci avilinge.’

VaHevelu 1:9

Wazema vushunga, co wazinda vuvi. Ngecivene, Njambi, Njambi yove nakuvwavesa na mazi akujolela kuhyana vakweni.”

VaHevelu 11:32

Vikajo njinapande kwendeka lalo? Omwo kunjesi na simbu yakwendeka vya Ngilyoni na Mbalake na Samusoni na Njefeta na Ndaviti na Samwele na vaka-kwimanena.

Maako 11:29

Asinoni Munzinzime wa Shukulu Kalunga wezile ali Njefeta. Co Njefeta waile ku Ngilyande na Manase, welukile lalo ku Mizipa mu Ngilyande, co waile ku Amoni.

Maako 13:25

Co Munzinzime wa Shukulu Kalunga wezile na nzili ali ikeye omo wakele mukati ka Zola, na Eshetawole mu Cilombo ca Ndani.

Maako 14:6

Co vwasi-vwasi Munzinzime wa Shukulu Kalunga wezile na nzili ali Samusoni, co watavozwele ndumba na mavoko endi vipuka-vipuka, ngwe atavozola muna membe. Oloni kalekeleko visemi vyendi vije vyalingile.

Maako 3:10

Munzinzime wa Njambi wezile ali ikeye, co wapwile lyaako lya vaIsalele. Otenyele waile ku nzita, co Shukulu Kalunga wakundikile Mwene Kushane Lishataime wa ku Mesopotamya ku mavoko endi.

1 Samwele 1:19

Alikaki mutondo-tondo Elekana, na naanga yendi valemesele Shukulu Kalunga, co velukile kwimbo lyavo ku Lama. Elekana walimwene na munakazi wendi Hana, co Shukulu Kalunga wakumbulwile lilombelo lya Hana.

1 Samwele 10:1

Ngecivene, Samwele wanonele lilulu lya mazi a olive waetilile a mutwe wa Saulu, wamutsembele, co wendekele ngwendi, “Shukulu Kalunga nakuvwavesa mazi kupwa muka-kushwana vanu vendi va Isalele. Ukashwana vanu vendi nakuvanyunga ku vitozi vavo voshe. Co ovu vukevwo vukaleo vwove ngeci Shukulu Kalunga nakwangula kupwa muka-kushwana vanu vendi.

1 Samwele 10:6

Co Munzinzime wa Shukulu Kalunga ukaija na nzili ali yove, ukambulula vuka-kwimanena amo navo, co ukafwa ngwe munu weka.

1 Samwele 11:6

Omo Saulu wavizivile, co Munzinzime wa Njambi wezile na nzili ali ikeye, co waluvalele manene.

1 Samwele 16:18

Co umo wavo wendekele ngwendi, “Njesi wa mu limbo lya Mbetelehema, ali na mwana wa munalume azivuka kwimba mwamuvwa. Ikeye wapwa lalo wakusimpa, munalume wamuvwa manene, lishwalale wamuvwa, muka-lwashu lwa kwendeka. Co lalo Shukulu Kalunga ali amo nendi.”

1 Samwele 18:12

Saulu wakele na lyova ali Ndaviti, omwo Shukulu Kalunga wakele amo na Ndaviti, oloni ikeye Saulu Shukulu Kalunga wamujenjukile.

1 Samwele 2:35

Njikaangula muka-kukombelela wa kulongwa ku mesho ange, ikeye akalinga vyuma vyoshe vinjishaka ngeci avilinge. Co njikamwana vatekulwila vaje vakapanga simbu yoshe ku mesho a uje mwene injinalyangwila.