1 Samwele 16:12 - Livulu lya Shukulu Kalunga

¹² Ngecivene, Njesi watumineko munu kukamushaka. Ikeye wapwile wamuvwa, mukwenje wakuvenga, mesho endi apwile amavwa. Co Shukulu Kalunga wendekele kuli Samwele ngwendi, “Katuka umuvwavese mazi, omwo ikeye vene ou!”

1 Samwele 16:12 Iomraidhean Croise

Kushangumuka 39:6

Potifalo waakele vyuma vyendi vyoshe a mavoko a Yosefa ngeci avinyunge, ku vyoshe vije vyakele navyo kaakeleko mbunge kuvanga vyakulya vyendi lika. Yosefa wapwile wamuvwa na muvila wendi na cihanga cendi.

2 Samwele 23:1

Ndaviti muna Njesi wapwile munu uje Njambi wamupwisile wakama, uje Njambi ya Yakomba wamwangwile kupwa mwene, ikeye wapwile muka-kumanga myaso yaivwa ya Isalele. Awa akewo majwi a Ndaviti akumanesela.

2 Samwele 7:8

“Ngecivene, leka ngamba yange Ndaviti ngwove, yange, Kalunga Muka-nzili yoshe, njendeka kuli ikeye ngwange, ‘Njakutundisile mukulisa vimanga mu shwata, co njakupwisile muka-kushwana vanu vange va Isalele.

1 Vimyene 1:34

co kuje vene Zandoke muka-kukombelela, na Natane muka-kwimanena, vakamuvwavese mazi kupwa mwene wa mu Isalele. Co imbeni lupembo nakutambeka ngweni, ‘Mwene Solomoni ayoye!’

Myaso 2:2

Vimyene va ano asi vanaangunuka, vaka-kushwana vanalikungulwila amo, nakutumba matumbe amavi akulwisa Shukulu Kalunga, na wakuvwavesa wendi, co vendeka ngwavo,

Myaso 2:6

“Njinaka mwene yange a Siyone, lilundu lyange lyakujela.”

Myaso 78:70

Waangwile ngamba yendi Ndaviti, co wamutundisile kukunyunga matanga a vimanga,

Kutuuka 2:2

Co uje munakazi wakele na kafumba, wakitile mwana wa munalume. Omo wamwene vuvwa vwa uje mbututu, co wamushwekele vingonde vitatu.

Myaso ya Solomoni 5:10

Muka-cizemo cange wapwa wamuvwa manene, lalo muvila wendi wapwa wa nzili, endi lika akati ka vanalume 10,000.

Mbimbi 4:7

Vana va vimyene vetu va vanalume kuvapwile vaka-kujwala embwe, oloni vapwile vakutoka to ngwe mavele, vakele na nzili, co lalo vapwile vakutakama, nakuvyazima navukangule.

Zakaliya 4:14

Co wanjilekele ngwendi, “Ava vakevo vanalume vavali vaje vanaangula Njambi nakuvavwavesa ngeci vamupangele, ikeye Shukulu Kalunga wa ano asi oshe.”

Vilinga vya Miluwa 4:27

“Omwo mwa vushunga vene Helonde na Pontiyu Pilato valikungulwile amo mu nganda ino amo na ava kesi vaYunda na vanu va Isalele nakulwisa Yesu, Ngamba yove wakujela uje iwavwavesele.

Vilinga vya Miluwa 7:20

A simbu eyi vene Mosesa wasemukile, wapwile mwanike wamuvwa manene. Co vamulelele mu njuvo vingonde vitatu,

VaHevelu 11:23

Akukulaela, visemi va Mosesa vamushwekele vingonde vitatu kutunda akusemuka kwendi. Vamwene ngeci wapwile mwanike wamuvwa manene, co kuvazivile lyova, valeulwile mashiko a mwene.

1 Samwele 16:18

Co umo wavo wendekele ngwendi, “Njesi wa mu limbo lya Mbetelehema, ali na mwana wa munalume azivuka kwimba mwamuvwa. Ikeye wapwa lalo wakusimpa, munalume wamuvwa manene, lishwalale wamuvwa, muka-lwashu lwa kwendeka. Co lalo Shukulu Kalunga ali amo nendi.”

1 Samwele 17:42

co omo uje kaFilisitiya wakengele, wamwene Ndaviti, co wamushawile, omo Ndaviti wapwile mukwenje wamuvwa, wa citso cacivwa.

1 Samwele 17:55

Omo Saulu wamwene Ndaviti aya nakulwa na Ngolyata, wehwile Avinele, muka-kushika wa nzita yendi ngwendi, “Avinele, kuma uje mukwenje muna iya?” Avinele wamukumbulwile ngwendi, “Shukulu, nange kunjimuzivuka mwamuvwa.”

1 Samwele 9:17

Omo Samwele wamwene Saulu, co Shukulu Kalunga wendekele kuli ikeye ngwendi, “Kenga, ou ikeye munu uje injinakulekele. Ikeye akashwana vanu vange.”