1 Samwele 15:33 - Livulu lya Shukulu Kalunga

³³ Samwele wendekele ngwendi, “Ngwe omo mukwale wove unalingisa vanakazi kujeneka kukala na vana, ngeci na vanyoko lalo kuvakakala na mwana.” Co wavatozwele Angange vipuka-vipuka kulutwe lwa mutula mu Ngilingale.

1 Samwele 15:33 Iomraidhean Croise

Kushangumuka 9:6

Woshe uje akatsiya munu nendi lalo vakamutsiya kuli munu, omwo Njambi watangele munu mu cifwa cendi.

1 Vimyene 18:40

Elinja washikile ngwendi, “Kwateni vaka-kwimanena va Mbale, kesi mutave nambe umo wavo atewe!” Co vanu vavakwatele voshe, Elinja wavashelumwisile ku Ndonga ya Kishone, co wavatsiile.

Kutuuka 17:11

Omo Mosesa wolwele mavoko endi, co vaIsalele vahyanene, oloni omo wawisile mavoko endi, co vaAmaleke vashangumukile kuhyana.

Kutuuka 21:24

lisho na lisho, liyo na liyo, livoko na livoko, lindi na lindi,

Isaya 34:6

Mukwale wendi ukashula na maninga na mazi avo, ngwe maninga na mazi a vana va vimanga na vimembe vakukombelela. Shukulu Kalunga akatsiya vanu vavangi nakuvapwisa n̄ombelo mu nganda ya Mbozile, na mu mitambela yeka ya mu lifuti lya Endome.

Njelemiya 18:21

Oloni ololo Shukulu Kalunga tava vana vavo valanduke ku njala. Vecele vakavatsiile mu nzita. Vanakazi vajeneke vanalume vavo na vana vavo, vanalume vatse ku mushongo, co vakwenje vatsile mu nzita.

Njelemiya 48:10

(Apwe wakusinga munu uje kapanga vipangi vya Shukulu Kalunga na mbunge yendi yoshe! Apwe wakusinga munu uje katsii na mukwale wendi!)

Hoziya 6:5

Omu mukemwo njatumu vaka-kwimanena vange kuli yeni na majwi a kusompa na akunyongesa. Vinjishaka kuli yeni vinapu vyavyasi vinalumbunuka vikevyo evi.

Kulava 14:45

VaAmaleke na vaKanana vaje vakele mu lifuti lya malundu vashelumukile nakulwisa vaIsalele nakuvafungulula, co vavashekele na ku Holema.

Mateo 7:2

Omwo na cihiso cije vene muhisa naco vakweni, cikeco lalo akamihisa naco Njambi, co seteko ije museteka nayo vakweni, ikeyo lalo yakamiseteka nayo Njambi.

Yakomba 2:13

Omwo Njambi kakasholola kutetela kwendi omo asompa munu uje kesi kutetela vakwavo, oloni kutetela kukekwo kwakama kutuvakana kusompa.

Kujombolola 16:6

Vetilile maninga a vanu va Njambi naa a vaka-kwimanena, ngecivene, unavana maninga ngeci vanwe. Valinakutambula vije vinavapande.”

Kujombolola 18:6

Muyandeseni ngwe mwamiyandesele, mwilwisileni visimbu vivali ku vije vyalingile. Shuliseni nganja yendi na vyakunwa vyakulula ngwe vije vyamivwaeselele yeni.

Maako 1:7

Co Andonimbezeki wendekele ngwendi, “Vimyene vakupwa 70 njavavatozwele manyetete a ku mavoko na ku mendi, vakevo vakele nakunona-nona vungululu vwa vyakulya mwisi ya mesa yange. Co ololo Njambi nanjilingi ngwe muje munjavalingile yange.” Co vamutwalele ku Yelusalema kuje kwakatsililile.

1 Samwele 10:8

Ukatwama kulutwe ku Ngilingale, co njikaliwana nove nakukombelela vin̄ombelo vya kwenyeka, na vin̄ombelo vya kulitombola. Co ukanjivandamena kuje matangwa atanu na avali noo njikaija nakukuleka vika viwukalinga.”

1 Samwele 15:32

Ngecivene, Samwele washikile ngwendi, “Neneni Mwene Angange kuno.” Co Angange wezile kuli ikeye, nakujaja na lyova, co Angange walyendekesele ikeye vavenya ngwendi, “Kutsa capwa cuma cacikalu manene!”