1 Samwele 15:24 - Livulu lya Shukulu Kalunga

²⁴ Co Saulu wamukumbulwile ngwendi, “Eyo, njinalingi vuvi. Kunjononokele lishiko lya Shukulu Kalunga na majwi ove. Omwo njakele na lyova na vanu vange, co njalingile vije vivashakele.

1 Samwele 15:24 Iomraidhean Croise

Kushangumuka 3:12

Co munalume wamukumbulwile ngwendi, “Ou munakazi iwanjanene ngwove njikale nendi, ikeye nanjanene vuje vushuka, ngeci njinalile.”

Kushangumuka 3:17

Ngecivene, Shukulu Kalunga Njambi wendekele kuli Andama ngwendi, “Omwo yove unatolilila ku lijwi lya munakazi wove, co unalile ku vushuka vuje njakushikile ngwange kesi ulyeko, co omwo unalingi eci, livu linasingiwa. Ukapanga nakuundangana mukuyoya kwove kwoshe, co ukalya vyakulya vyakutunda mu livu.

2 Samwele 12:13

Ndaviti wendekele ngwendi, “Njinalingi vuvi kuli Shukulu Kalunga.” Co Natane wamulekele ngwendi, “Shukulu Kalunga nakusambesa ku vuvi vwove, kuukatsi embwe.

Yombi 31:34

Omwo njazivile lyova lya mbunga yakama, co kayengu ka vavushoko kanjizivisile lyova, ngeci njolokele kuluu, co kunjatuukile anja.

Myaso 51:4

Njinavulumuna kuli yove, kuli yove lika njinavulumuna, co njinalingi vyavivi ku mesho ove. Ngeci yove ushungamese omo unjisompa nakwendeka ngeci njili na mulonga.

Kutuuka 10:16

Asinoni mwene wasanene vwasi-vwasi Mosesa na Alone wendekele ngwendi, “Njinalingi vuvi ku mesho a Shukulu Kalunga Njambi yeni na ku mesho eni.

Kutuuka 23:2

Kesi mulizivasane na vanu vavangi omo vakevo valinga mwamuvi nambe omo vendeka vukaleo vwakutengulula vushunga.

Kutuuka 9:27

Asinoni mwene wasanene Mosesa na Alone wendekele kuli vakevo ngwendi, “A simbu ino njinalingi vuvi, Shukulu Kalunga nalingi mwamuvwa, co yange na vanu vange tunaviisa.

Visimo 29:25

Kuzivila vanu lyova kunapu kulitela nganjo yove vavenya, oloni nga ukulaela kuli Shukulu Kalunga ukovoka.

Njelemiya 38:5

Ngecivene, Mwene Zendekiya wavakumbulwile ngwendi, “Lingeni mwoshe mumushakela kulinga nendi, yange kunjasa kumivindika embwe.”

Kulava 22:34

Asinoni Mbalame wakumbulwile kangelo ka Shukulu Kalunga ngwendi, “Njinalingi vuvi omwo kunjazivukile ngwange yove unemana mu ngila nakunjilwisa. Oloni nga eci njinalingi cacivi ku mesho ove, co njiluka kwimbo.”

Mateo 27:4

Wendekele ngwendi, “Njinalingi vuvi akwenda vungungu munu wakujeneka mulonga.” Vamukumbulwile ngwavo, “Ovyo vikajo kuli yetu? Owo mulonga wove!”

Ngalatiya 1:10

Kuma eci cimwesa ngwe njilinakushaka vanu ngeci vanjishangale ndi Njambi? Indi njishaka kuvwaelelesa vanu ku vimbunge? Nga yange njilinakushaka kuvwaelelesa vanu, kunjapandele kupwa ngamba ya Kilistu.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

1 Samwele 15:15

Saulu wamukumbulwile ngwendi, “Vanu vange vakevo vanavambatele kuli vaAmaleke. Vambateleko vimanga, na vingombe vavavwa ngeci vavikombelele kuli Shukulu Kalunga Njambi yove, co vaje vasaleleo twavanyongesele voshe njwa.”

1 Samwele 15:30

Saulu wamukumbulwile ngwendi, “Njinalingi vuvi. Oloni njisingimikeko lika ku mesho a vantwama vange na kuli Isalele yoshe. Iluka amo nange ngeci njikalemese Shukulu Kalunga Njambi yove.”

1 Samwele 15:9

Oloni Saulu na vanu vendi vayoyesele Angange, co kuvatsiile lalo vimanga vavavwa, na vingombe, na vana va vingombe vavavwa, na vana va vimanga, na vyoshe vije vya seo.

1 Samwele 2:29

Ngecivene, omwo vikajo muli na cipululu a vyakukombelela na vin̄ombelo vinjishaka kuli vanu vange? Omwo vikajo Eli, ulinakusingimika vana vove kutuvakana yange akuvecelela valinunise vakevo na matambelo oshe amavwa a vin̄ombelo vivakanjikombelela vanu vange?

1 Samwele 26:21

Co Saulu wamukumbulwile ngwendi, “Njalingi mwamuvi. Iluka, Ndaviti munange! Kunjikelukilamo lalo kukuvulumuna, omwo unamena mwonyo wange ku vutsiki vwa lelo. Njapwile nji cilema! Njinalingi cuma cacivi manene cakukomokesa!”