1 Samwele 15:23 - Livulu lya Shukulu Kalunga

²³ Kumutengulukila kunapu ngwe vulozi, co kulyalesa kunapu ngwe vuvi vwakulemesa vinjambi veka. Omwo unavyana lishiko lya Shukulu Kalunga, co nendi lalo nakuvyana kupwa mwene wa mu Isalele.”

1 Samwele 15:23 Iomraidhean Croise

Kushangumuka 31:19

Oloni omo Lambani nailaja mukuteula vimanga vendi, co Lakele wevile tumponya twa ishe.

Kushangumuka 31:34

Lakele wambatele tumponya twa mu njuvo ya ishe nakutushweka mu njeke ya selei ya kamelo, co watumbameneo. Nameme ngoco, Lambani washakezekele mu mbalaka mwoshe, oloni katuwanene.

2 Samwele 12:9

Ngecivene, omwo vikajo kuwononokele kushika kwange? Omwo vikajo unalingi vuvi vwangacije? Yove unatsiisa Uliya mu nzita, unatava vaAmoni vamutsiye, ngeci unambata munakazi wendi!

2 Samwele 7:15

Oloni kunjikatundisa livoko lyange kuli ikeye ngwe munjalingile kuli Saulu, uje injatundisile ngeci yove upwe mwene.

1 Mizimbu 10:13

Saulu watsile omwo kakulaelele kuli Shukulu Kalunga. Ikeye kononokele kushika kwa Shukulu Kalunga, ikeye wesekele kuwana kunangula akwihula ku minzinzime ya vaka-kutsa,

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

Yombi 34:37

Co ku vuvi vwendi alinakukumbasanako kutengulukila, ku mesho etu voshe, ikeye alinakushendumuna Njambi.”

Myaso 107:11

omwo vatengulukilile mashiko a Njambi Muka-nzili yoshe, nakuvyana vilongesa vyendi.

Kutuuka 22:18

“Kesi mutave munakazi muka-manseno ngeci ayoye embwe.

Isaya 19:3

Njikatanganesa matumbe na viyongola vya vaka-Ingito, Vakehula tumponya twavo ngeci vavakwase, vakaya nakwihula kuli vaka-kwendeka na vakulu, nakwihula lalo ku minzinzime ya vatsi ngeci ivanangule.

Isaya 8:19

Oloni vanu vakamileka kwihula majwi kuli vaka-kulukiya na kuli vaka-kwendeka na vakulu, na vaka-kuningita. Vakendeka ngwavo, “Vanu vanapandele kwihula majwi akutunda ku minzinzime nakwihula vatsi kwimanenako vaka-kuyoya.”

Njelemiya 16:12

Oloni yeni mwalingi mwamuvi manene kutuvakana vakukulwila veni. Muvavoshe munapu vaka-kukaluwisa vimbunge vyeni na vuvi, co kumwesi kunjononoka.

Njelemiya 28:16

Co Shukulu Kalunga nendeka ngwendi akakutundisa. Ukatsa omo kanda mwaka uno ucihwe, omwo unaleke vanu kutengulukila Shukulu Kalunga nakumulwisa.”

Njelemiya 29:32

Njikanyanyamesa Shemaya kaNehelame, na vatekulwila vendi. Co kakakala na vatekulwila akati keni, nambe kumona vyuma vyavivwa vije vinjikalingila vanu vange, omwo wavalekele ngeci vanjitengulukile nakunjilwisa. Yange Kalunga, njinendekamo.”

Hoziya 13:11

Mukuluvala kwange njamyanene vimyene, co omo lalo njaluvalele manene njavatundisileko.

Hoziya 3:4

Mu cifwa cimolika vanu va Isalele vakakala simbu yakama kwakujeneka vimyene nambe vantwama, kwakujeneka kukombelela nambe kukala na vimanda vya mamanya vyakujela, kwakujeneka tumponya nambe vifwa vyakupangesa mukutaa.

VaLevi 20:27

“Munalume woshe-iwoshe nambe munakazi uje akendeka na minzinzime ya vatsi nambe kutaa vakamutsiye na mamanya. Omwo kutsa kwendi kwakulishakela ikeye vavenya.”

VaLevi 20:6

“Nga munu umo aya mukwihula kuli vanu vaje vakendeka na minzinzime ya vatsi, njikamukengesa nima, co kunjikamulava lalo kupwa munu wange.

Kulava 14:9

Oloni kesi mutengulukile Shukulu Kalunga nambe kesi mutewe vanu vali muje. Tukavafungulula omwo Shukulu Kalunga ali netu, ikeye wafungulwile vinjambi vaje vavakulaelele, ngecivene, kesi muvazivile lyova embwe.”

Vilinga vya Miluwa 13:22

Co omo wamutundisile, Njambi wapwisile Ndaviti mwene yavo. Eci cikeco cendekele Njambi ali ikeye ngwendi, ‘Njinawana Ndaviti muna Njesi ikeye munalume injazema, uje akalinga vyoshe vije njishaka ngeci avilinge.’

2 Kolinte 6:16

Vatijo Njuvo ya Shukulu Kalunga ilikumbasana na tumponya? Omwo yetu tunapu Njuvo ya Shukulu Kalunga wakuyoya! Ngwe mwanendeka vavenya Njambi ngwendi, “Njikatunga njuvo yange akati ka vanu vange, co njikayoya akati kavo. Njikapwa nji Njambi yavo, co vakevo vakapwa vanu vange.”

Ngalatiya 5:20

mukulemesa tumponya na mu vulozi. Co vanu vakapwa vitozi, vakalwa, co vakapwa vaka-cipululu, vaka-matoto, na vaka-kulyaka ku vukama. Co vakalyangunuka mu vimbunga na mu vimunga,

Kwituluka mu Mashiko 9:24

Tunde aje anjamizivukila, munakala nakutengulukila Shukulu Kalunga.

Kwituluka mu Mashiko 9:7

“Anukeni, co kesi mwivale muje mumwashangumwine Shukulu Kalunga Njambi yeni mu mambo. Tunde a litangwa lije mwatundile mu Ingito noo ku litangwa lya lelo munete kuno, yeni munakala nakutengulukila Shukulu Kalunga.

Yoshwa 22:15

Vezile ku lifuti lya Ngilyande, kuli vanu va Luvena, na Ngande, na litambelo lya Manase wa mu Ngangela, vendekeleleko mbunga yoshe ya Shukulu Kalunga ngwavo,

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.

1 Samwele 13:14

Oloni ololo kushwana kwove kukahwa. Omwo kuwamwononokele, Shukulu Kalunga akaliwanena munu wakumuya ku mbunge, co akamupwisa muka-kushwana vanu vendi.”

1 Samwele 16:1

Shukulu Kalunga wendekele kuli Samwele ngwendi, “Visimbu vingai ukalinyenga ali Saulu? Yange njinamuvyana kupwa mwene wa mu Isalele. Oloni ambata mazi a olive uye ku Mbetelehema, ku munalume umo lizina lyendi Njesi, omwo njinalyangwila umo akati ka vana vendi kupwa mwene.”

1 Samwele 2:30

Yange Kalunga Njambi ya Isalele, njakulaesele laja naanga yove na cikota cove ngeci vakanjipangela kupwa vaka-kukombelela. Oloni ololo njendeka ngwange kunjishaka lalo ngacije embwe! Oloni njikasingimika vaje vanjisingimika, co vaje vanjiyengula nange njikavashaula.

1 Samwele 28:3

Omo Samwele natsi laja, co vaIsalele voshe vamulilile, vamutsindile mu nganda yendi mu Lama. Saulu te nasheke laja vaka-kwendeka na vakulu voshe amolika na vaje vaka-kutaa mu Isalele.