1 Samwele 15:22 - Livulu lya Shukulu Kalunga

²² Samwele wendekele ngwendi, “Cuma muka nashaka Shukulu Kalunga? Vin̄ombelo vya kwenyeka indi kukombelela nakumwononoka? Mwamuvwa kumwononoka kutuvakana kumukombelela vimanga vavavwa. Cinapu cuma cacivwa kumwononoka kutuvakana kumukombelela mazi a majamba.

1 Samwele 15:22 Iomraidhean Croise

Kushangumuka 4:4

Avele watwalele muna manga wa ntwatwa wa ku vimanga vendi, wamutsiile, waangwileo vilyo vyavivwa, co wavikombelelele kupwa mulambu kuli Shukulu Kalunga. Co Shukulu Kalunga wavwaelelele na Avele na mulambu wendi,

Kutuuka 19:5

Ololo, nga munjononoka nakunyunga cikumiiyo cange, mukapwa vanu vange vavenya. Nameme asi oshe apwa ange, oloni yeni mukapwa vanu vange vakwanguka,

Visimo 21:3

Kulinga vushunga na vuvwa kuli na seo manene kuli Shukulu Kalunga, kutuvakana n̄ombelo.

Muka-kwambulula 5:1

Nyanyameni omo muya ku Njuvo ya Shukulu Kalunga, cinapu cacivwa kuya mukulilongesa kutuvakana kukombelela vin̄ombelo ngwe muvakalingi vilema, nameme vakevo kuvalingile vuvi.

Njelemiya 11:4

Cinapu cikumiiyo cije njalikumiiye na vakukulwila vavo omo njavatundisile mu Ingito, lifuti lije lyafwile kuli vakevo ngwe tuhya twa mu lutengo. Njavalekele ngeci vanjononoke nakulinga vyuma vyoshe vije njashikile. Njavalekele ngwange nga munjononoka, co mukapwa vanu vange, nange njikapwa Njambi yeni.

Njelemiya 11:7

Omo njatundisile vakukulwila vavo mu Ingito, njavanangwile ngeci vanjononoke, njavanangwile kushwakumo kweta na ku litangwa lya lelo.

Njelemiya 26:13

Munapande kutenguluka kutunda ku vingila vyeni vyavivi, na ku vyuma vimulinakulinga, co munapande kwononoka Shukulu Kalunga Njambi yeni. Nga mulingamo, co akatengulula viyongola vyendi vyakuminyongesa vije vyendekele ngwendi akavinena ali yeni.

Hoziya 6:6

Njishaka cizemo ceni cije kucesi kutenguluka, kesi vin̄ombelo vyeni vya tusitu embwe. Njishaka ngeci vanu vange vanjizivuke kutuvakana vanjikombelele vin̄ombelo vya kwenyeka.

Hoziya 8:13

Vakombelela vin̄ombelo kuli yange nakulya situ ya vin̄ombelo. Oloni yange Kalunga, kunjesi nakuvwaelela navo embwe, njikanuka vuvi vwavo nakuvanyanyamesa, co njikavelwisa lalo ku Ingito!

Mateo 12:7

Visoneka vyendeka ngwavyo, ‘Yange njishaka kutetela, kunjishaka n̄ombelo ya tusitu.’ Nga mwazivukile mwamuvwa muwalumbunukila majwi awa, nga kumuhisa vaje kuvesi na mulonga.

Mateo 23:23

“Tuyando tweni, valongisi va majwi a Lishiko na vaFaliseo! Eni vaka-civembulu! Yeni mukaana kuli Njambi camulikumi nameme vyuma mukatovesa vyakulya, ngwe visapa-sapa amo akunika, na vyuma vyakunika lalo, na vije vyakunika vikwavo, oloni kumwesi kwononoka majwi a Lishiko lya Njambi, ngwe vushunga, na mema ku mbunge, nakukulaela. Evi munapande kuvilinga, kesi mulikele kulinga vikwavo.

Mateo 5:24

seza n̄ombelo yove ku mutula, akulivanga ya ukalisambese na mukweni, asinoni wiluka nakukombelela n̄ombelo yove.

Mateo 9:13

Yeni mukalilongese mwaya majwi a visoneka vati endeka, ngwawo, ‘Yange njishaka kutetela, kunjishaka n̄ombelo ya tusitu,’ omwo yange kunjezile mukusana vanu vaje vanalimono vakevo vavenya ngwavo vaka-vushunga, oloni vanu vaje vaka-vuvi.”

Mako 12:33

Co munu napande kuzema Njambi na mbunge yendi yoshe, na mana endi oshe, na nzili yendi yoshe, co napande kuzema mundambo wendi ngwe mwalizema ikeye vavenya. Mwamuvwa kwononoka mashiko awa avali kutuvakana kunena tusitu va n̄ombelo nakukombelela lalo vin̄ombelo vikwavo kuli Njambi.”

1 Samwele 13:12

Ngecivene, njayongwele ngwange, ‘VaFilisitiya vaija nakunjilwisa kuno ku Ngilingale, co kunjalombele ngozi ya Shukulu Kalunga.’ Ngecivene, njakombelelele n̄ombelo ya kwenyeka.”

1 Samwele 13:13

Co Samwele wamukumbulwile ngwendi, “Eci cinapu cuma cavulema ciwunalingi. Kuwononokele lishiko lije lyakwanene Shukulu Kalunga Njambi yove. Nga unononokele, nga nakwasesa yove na vatekulwila vove kushwana Isalele myaka yoshe.