1 Samwele 15:20 - Livulu lya Shukulu Kalunga

²⁰ Co Saulu wamukumbulwile ngwendi, “Njinononokele majwi a Shukulu Kalunga. Njinaile ngwe mwanjilekele, njinanena Mwene Angange, co njatsiile vaAmaleke voshe.

1 Samwele 15:20 Iomraidhean Croise

Yombi 33:9

‘Yange njinajele, kunjesi na mulonga. Kumwesi vuvi muli yange.

Yombi 34:5

Yombi nendeka ngwendi ikeye napu wakujeneka mulonga, ngeci Njambi natundisa vushunga muli ikeye.

Yombi 35:2

“Yombi kesi mwamuvwa kuli yove kwendeka ngwove yove unapu u wa kulongwa ku mesho a Njambi,

Yombi 40:8

Kuma yove ulinakweseka kunjiwanena mulonga ngeci yange njihye yove usambe ndi?

Mateo 19:20

Uje mukwenje wendekele ngwendi, “Mashiko oshe awa njawononoka laja, cuma mukajo lalo cinasalako?”

Luka 10:29

Oloni uje mulongisi wa majwi a Lishiko washakele kulisambesa, wendekele kuli Yesu ngwendi, “Mukwetu iya?”

Luka 18:11

KaFaliseo wemanene kwendi lika nakulombela ngwendi, ‘Njikukandelela Njambi, yange kunjafwile ngwe vakwetu voshe valukolotelo, vaka-kujeneka vushunga, vaka-vupangala. Njikukandelela ngeci yange kunjafwile ngwe uje muka-kutambula lisimu nemana kuje.

Loma 10:3

Omwo kuvazivukile ngila ije yakapwisa Njambi vanu ngeci vapwe vaka-vushunga ku mesho endi, oloni vakevo vaneseka kupangesa ngila yavo vavenya, ngecivene, kuvasele kulyana vakevo vavenya ku ngila ya Njambi ije yakapwisa vanu ngeci vapwe vaka-vushunga.

1 Samwele 15:13

Samwele walamatele waile kuli Saulu, co Saulu wamukandelelele, wendekele ngwendi, “Shukulu Kalunga akuvezikise, Samwele! Njinononoka lishiko lya Shukulu Kalunga.”

1 Samwele 15:3

Ngeci yeni mukalwise vaAmaleke, co mukanyongese vyuma vyoshe vije valinavyo. Kesi mukasezeo cuma cimo, oloni yeni mukatsiye vanalume voshe, na vanakazi, na vanike, na vimbututu, na vimanga, na tumelo, na vimulu.”

1 Samwele 15:8

Ngecivene, wakwatele Mwene Angange wa Amaleke, co watsiile vanu voshe.

1 Samwele 28:18

Kuwononokele lishiko lya Shukulu Kalunga, co kuwanyongesele vaAmaleke na vyoshe vije vakele navyo. Mukemwo Shukulu Kalunga nalingi eci kuli yove lelo.