1 Samwele 15:13 - Livulu lya Shukulu Kalunga

¹³ Samwele walamatele waile kuli Saulu, co Saulu wamukandelelele, wendekele ngwendi, “Shukulu Kalunga akuvezikise, Samwele! Njinononoka lishiko lya Shukulu Kalunga.”

1 Samwele 15:13 Iomraidhean Croise

Kushangumuka 14:19

Co wavezikisile Avilama, nakwendeka ngwendi, “Njambi wa Akamwa ya Akamwa, uje watangele lilu na asi, avezikise Avilama!

Kushangumuka 3:12

Co munalume wamukumbulwile ngwendi, “Ou munakazi iwanjanene ngwove njikale nendi, ikeye nanjanene vuje vushuka, ngeci njinalile.”

2 Samwele 2:5

watumine vanu vamo ngwendi, “Shukulu Kalunga amivezikise omwo mwamwesa kalemeso keni kuli mwene yeni akumutsinda.

Visimo 27:2

Kesi ulishangazale yove vavenya embwe, vakushangazale vanu veka.

Visimo 28:13

Uje ashweka vuvi vwendi kakavezika, oloni uje alitavelavwo nakuvuseza Njambi akamuzivila mema ku mbunge.

Visimo 30:13

Kuli vanu vamo vakaliyongola ngeci vanapu vavavwa manene, eyo, valiyongola ngeci vanapu vavavwa!

Visimo 31:31

Mwaneni cikandelela a vije vyoshe vyakapanga. Vanu voshe vanapande kumusingimika.

Luka 17:10

Cinapu mumo neni lalo, omo munalingi vyoshe vije vamilekele kuvilinga, endekeni ngweni, ‘Tu vangamba vangoco, tunapanga vipangi vyetu!’ ”

Luka 18:11

KaFaliseo wemanene kwendi lika nakulombela ngwendi, ‘Njikukandelela Njambi, yange kunjafwile ngwe vakwetu voshe valukolotelo, vaka-kujeneka vushunga, vaka-vupangala. Njikukandelela ngeci yange kunjafwile ngwe uje muka-kutambula lisimu nemana kuje.

Maako 17:2

Ikeye walekele vaina ngwendi, “Omo munu wevile vije vimbongo vyeni 1,100 vya mavundungulu a siliva, yeni mwasingile uje mwizi. Co njazivileko omo mwamusingile. Kengeni, vimbongo vyeni evi. Yange njavinonele.” Co vaina vendekele ngwavo, “Shukulu Kalunga akuvezikise munange!”

Lute 3:10

Asinoni Mbowasi wendekele kuli Lute ngwendi, “Shukulu Kalunga akuvezikise munange. Eci ulinakulinga camwesa vukama vwa kasingimiko kakama mu naanga, kutuvakana vije viwalingile kuli vanyokomweno. Yove wapandele kuya nakushakezeka mukwenje, nambe wakufuka nambe kautu, oloni kuwalingilemo.

1 Samwele 13:10

co acimanese ngacije, Samwele wetele. Co Saulu waile mukuliwana nendi nakumutambula,

1 Samwele 15:11

“Njalisimoka omo njaakele Saulu a vumwene, ikeye nanjikengesa nima, navyana mashiko ange.” Co Samwele waluvalele, walililile kuli Shukulu Kalunga vutsiki vwoshe.

1 Samwele 15:20

Co Saulu wamukumbulwile ngwendi, “Njinononokele majwi a Shukulu Kalunga. Njinaile ngwe mwanjilekele, njinanena Mwene Angange, co njatsiile vaAmaleke voshe.

1 Samwele 15:9

Oloni Saulu na vanu vendi vayoyesele Angange, co kuvatsiile lalo vimanga vavavwa, na vingombe, na vana va vingombe vavavwa, na vana va vimanga, na vyoshe vije vya seo.

1 Samwele 23:21

Saulu wavakumbulwile ngwendi, “Shukulu Kalunga amivezikise omwo munanjizivila ngozi!

1 Samwele 25:14

Co umo wa akati ka vangamba va Navale wendekele kuli Avingaile munakazi wa Navale ngwendi, “Unazivi evi vinalingiwa ndi? Ndaviti natumine miluwa kutunda mu mambo kwija nakwindwisa shukulu yetu, oloni ikeye navashaula.