1 Samwele 15:11 - Livulu lya Shukulu Kalunga

¹¹ “Njalisimoka omo njaakele Saulu a vumwene, ikeye nanjikengesa nima, navyana mashiko ange.” Co Samwele waluvalele, walililile kuli Shukulu Kalunga vutsiki vwoshe.

1 Samwele 15:11 Iomraidhean Croise

Kushangumuka 6:6

co walisimokele omwo watangele vanu nakuvaka ano asi. Co camuzeyesele manene ku mbunge

Kushangumuka 6:7

ngeci wendekele ngwendi, “Njikanyongesa vanu voshe ava njatangele, amolika na tusitu na tuzila, njalisimoka omwo njavatangele.”

2 Samwele 24:16

Omo kangelo ka Shukulu Kalunga washakele ngeci anyongese Yelusalema, Shukulu Kalunga watengulwile viyongola vyendi vyakuhisa vanu, co wendekele kuli kangelo uje wakele nakuvatsiya ngwendi, “Likele! Wapwisamo!” Kangelo wakele ku mutambela wa lijungwilo lya Alauna, kaNjevushi.

1 Vimyene 11:9

Shukulu Kalunga waluvalele na Solomoni, omwo kononokele, co wakengesele nima kuli Shukulu Kalunga, Njambi ya Isalele, uje washolokele kuli ikeye visimbu vivali,

1 Mizimbu 10:13

Saulu watsile omwo kakulaelele kuli Shukulu Kalunga. Ikeye kononokele kushika kwa Shukulu Kalunga, ikeye wesekele kuwana kunangula akwihula ku minzinzime ya vaka-kutsa,

1 Mizimbu 21:15

Asinoni Shukulu Kalunga watumine kangelo ngeci anyongese Yelusalema, oloni watengulwile viyongola vyendi, co wendekele kuli kangelo ngwendi, “Likele! Wapwisamo!” Kangelo wakele ku mutambela wa lijungwilo lya Alauna, kaNjevushi.

Yombi 34:27

omwo vanalikela kumukava, nakuvyana lalo mashiko endi oshe.

Myaso 109:4

Nambe yange njivazema, oloni vakevo vanjiyeluwisa, oloni yange njikavalombelela.

Myaso 110:4

Shukulu Kalunga wakulaesele, co kakatengulula viyongola vyendi lalo, “Yove ukapwa muka-kukombelela ku myaka yoshe, ngwe vuka-kukombelela vwa Melekizendeki.”

Myaso 119:136

Mesho ange ali na misozi manene, omwo vanu kuvesi nakwononoka lishiko lyove.

Myaso 125:5

Oloni omo uhisa vaka-vuvi, hisa lalo na vaje vayoya yoyesi ya kupenga-penga. Kwoloka kukale na Isalele!

Myaso 36:3

Majwi avendeka anashulu na muuka na makuli, vanaseza vilinga vya mana na vilinga vyavivwa.

Myaso 78:41

Vatengulukile lalo nakweseka Njambi, co vashangumwine Njambi Wakujela wa Isalele.

Myaso 78:57

Oloni vapwile vaka-kujeneka kulongwa nakujeneka kukulaela ngwe vakukulwila vavo, kuvapwile va vushunga, vapwile ngwe mukili wa kupenga-penga.

Kutuuka 32:11

Oloni Mosesa walambelelele manene Shukulu Kalunga Njambi yendi wendekele ngwendi, “Ove Shukulu Kalunga, omwo vikajo unaluvalela manene ngeci na vanu vove, vaje wapatwile mu lifuti lya Ingito na livoko lyove lya nzili?

Kutuuka 32:14

Co Shukulu Kalunga watengulwile viyongola vyendi, kanenele vukalu ali vanu vendi ngwe mwalishungwiiye.

Njelemiya 11:10

Vanelukila ku vingila vyavivi vya vakukulwila vavo, co vanavyana kwononoka ku majwi ange, valinakukavangeya vinjambi veka nakuvalemesa. Miyati ya Isalele na Yunda vanavyana cikumiiyo cije njalikumiiye na vakukulwila vavo.

Njelemiya 13:17

Oloni nga kumutolilila, co njikalilila kwalikalyange omwo kulyalesa kweni, njikalila manene, co misozi yange ikolomoka omo vanu va Shukulu Kalunga vavatwala ku vunzinda.

Njelemiya 34:16

Oloni mwatengulwile lalo viyongola vyeni, co kumwanjisingimikile. Yeni voshe mwelwisile lalo vinzinda vaje mwecelele ngwe kukushaka kwavo, co mwavasindiiye lalo mu vunzinda.

Njelemiya 9:1

Tawee, ngwe mutwe wange wapwile lisima lya mema, co na mesho ange ngwe lisima lya misozi, ngeci njase kulila mutanya na vutsiki omwo vanu vange vaje vavanatsii.

Njelemiya 9:18

Vanu vendekele ngwavo, “Valekeni vazambule, ngeci vakwimbe mwaso wa vusiwa, noo mesho etu anashulu na misozi, ngeci vin̄apeyo vyetu vijule na misozi.”

Ezekiyele 18:24

“Oloni nga muka-vushunga alikela kulinga mwamuvwa, co ashangumuka kulinga vuvi, na vyuma vyoshe vya vunyengwe vije vivakalingi vaka-vuvi, munu ou napande kutwalao kuyoya ngacije ndi? Embwe! Nacimo cai cacivwa calingile civakanuka. Akatsa omwo akujeneka kulongwa kwendi na a vuvi vwendi.

Amose 7:3

Co Shukulu Kalunga watengulwile viyongola vyendi, co wendekele ngwendi, “Evi viwunamono kuvikalingiwa.”

Yona 3:10

Omo Njambi wamwene vije vivalingile vaka-Nenevayi, na muje lalo muvecelele vingila vyavo vyavivi, co wavazivilile mema ku mbunge, co kavanyanyamesele ngwe muje mwashakele kulinga.

Yona 4:2

Co walombelele kuli Shukulu Kalunga ngwendi, “Yove Shukulu Kalunga, kuma omu kesi mukemwo munjendekele omo njakele kwimbo lyetu? Evi vikevyo vinjatewelele vwasi-vwasi ku Tashishi! Omwo njazivukile ngeci yove wapwa u Njambi wa ngozi na mema ku mbunge, kuwesi kuluvala vwasi, visimbu vyoshe u muka-kutetela na cizemo cije kucesi kutenguluka, simbu yoshe watava kutengulula viyongola vyove kujeneka kunyanyamesa.

Zefaniya 1:6

Njikanyongesa lalo vaje vanalikela kunjipangela, vaje kuvesi kwija kuli yange nambe kunjilomba ngeci njivatwamenene.”

Mateo 24:13

Oloni woshe uje akakateya na ku shongo akovoka.

Mateo 5:44

Oloni yange njimileka ngwange, zemeni vitozi veni, co lombeleleni vaje valinakumiyandesa,

Luka 6:12

A simbu ije Yesu walamatele ku munkinda nakulombela, co wakele nakulombela vutsiki vwoshe kuli Njambi.

VaHevelu 10:38

Oloni vanu vange vaka-vushunga vakakulaela, co vakayoya, oloni nga umo wavo eluka munima, co kunjikavwaelela nendi.”

Yoshwa 22:16

“Omwo vikajo munalingila vuvi vwa ngacije kuli Njambi ya Isalele? Munatengulukila Shukulu Kalunga akuvyana kumukava akulitungila mutula ou yeni vavenya!

1 Samwele 12:23

Ngwe ali yange ni, cikale kulyala nange kesi njivulumune kuli Shukulu Kalunga, njilikele kumilombelela. Oloni, njikamilongesa vije vyavivwa vyakushungama.

1 Samwele 13:13

Co Samwele wamukumbulwile ngwendi, “Eci cinapu cuma cavulema ciwunalingi. Kuwononokele lishiko lije lyakwanene Shukulu Kalunga Njambi yove. Nga unononokele, nga nakwasesa yove na vatekulwila vove kushwana Isalele myaka yoshe.

1 Samwele 15:10

Shukulu Kalunga wendekele kuli Samwele ngwendi,

1 Samwele 15:3

Ngeci yeni mukalwise vaAmaleke, co mukanyongese vyuma vyoshe vije valinavyo. Kesi mukasezeo cuma cimo, oloni yeni mukatsiye vanalume voshe, na vanakazi, na vanike, na vimbututu, na vimanga, na tumelo, na vimulu.”

1 Samwele 15:35

Samwele mukuyoya kwendi kwoshe kamwene lalo Saulu, oloni walinyengele ali ikeye. Co Shukulu Kalunga walisimokele omwo wapwisile Saulu mwene mu Isalele.

1 Samwele 15:9

Oloni Saulu na vanu vendi vayoyesele Angange, co kuvatsiile lalo vimanga vavavwa, na vingombe, na vana va vingombe vavavwa, na vana va vimanga, na vyoshe vije vya seo.

1 Samwele 16:1

Shukulu Kalunga wendekele kuli Samwele ngwendi, “Visimbu vingai ukalinyenga ali Saulu? Yange njinamuvyana kupwa mwene wa mu Isalele. Oloni ambata mazi a olive uye ku Mbetelehema, ku munalume umo lizina lyendi Njesi, omwo njinalyangwila umo akati ka vana vendi kupwa mwene.”

1 Samwele 8:6

Samwele kavwaelelele a cihula cavo caali mwene, ngecivene, ikeye walombelele kuli Shukulu Kalunga,