1 Samwele 14:6 - Livulu lya Shukulu Kalunga

⁶ Yonatana wendekele kuli uje mukwenje wambatele vitwa vyendi vya nzita ngwendi, “Tujavuke tuye musambwa mu cilombo ca vaFilisitiya vaje vaka- kuli kukulaela Shukulu Kalunga. Amo Shukulu Kalunga akatukwasa, omwo kukwesi vimuvindika kutuhyanesa, nambe tunapu tuvavandondo lika.”

1 Samwele 14:6 Iomraidhean Croise

2 Samwele 1:20

Kesi muvyambulule mu Ngate, nambe mu vitapalo vya Ashekelone. Kutewa vambanda va vaFilisitiya vavwaelela, kutewa vambanda va vaje vaka-kujeneka kukulaela vavwaelela.

2 Samwele 16:12

Amo Shukulu Kalunga akamona tuyando twange, co akanjana vivezikiso kwingisa mu cisingo cendi.”

2 Vimyene 19:4

Mwene wa vaAsilya natumu Lambashake mwata wendi wakama kushaula Njambi wakuyoya. Shukulu Kalunga Njambi yove azive kushaula oku nakuhisa vaje vanendekelemo. Ngecivene, lombela kuli Njambi ali vanu vetu vaje vacili nakuyoya.”

2 Mizimbu 14:10

Co Asa wamulwisile, vinzita vyoshe vivali vyalikwalalekele mu myela yavyo ku Cana ca Zefata kuyehi na Malesha.

2 Mizimbu 14:11

Ngecivene, Asa walombelele kuli Shukulu Kalunga Njambi yendi ngwendi, “Yove Shukulu Kalunga, kukwesi weka asa kukwasa vaka-kuzeya omo valwa na vaka-nzili kuvanga yove lika. Tukwase ololo, Shukulu Kalunga Njambi yetu, omwo yetu twajendamena ali yove, co mu lizina lyove tunaija nakulwa na mashwalale ava vavangi manene. Shukulu Kalunga, yove unapu u Njambi yetu, naumo wai asa kukuhyana.”

Myaso 135:6

Shukulu Kalunga akalingi vyoshe vije ashaka mwilu na ano asi, mu mema a kalunga na mu vinzinga vyoshe.

Njelemiya 9:23

Shukulu Kalunga alinakwendeka ngwendi, “Vaka-mana kesi valyalesele a mana avo, nambe vaka-nzili kesi valyalese a nzili yavo, nambe vaka-kufuka kulyalesela a vufuko vwavo,

Njelemiya 9:25

Shukulu Kalunga alinakwendeka ngwendi, “Matangwa alinakwija omo njikanyanyamesa voshe vaje vanatuuka lika ku situ, oloni kesi ku mbunge,

Njelemiya 9:26

ngwe vanu va mu Ingito, na Yunda, na Endome, na Amoni, na Mowavi, na vanu voshe vaje vakala mu mambo vaje vanaliteula vin̄ambu vyavo. Omwo miyati ya vanu voshe ava vanatuuka lika ku situ, oloni kuvanyungile cikumiiyo cije cilumbununa cuma eci. Naumo wai wa ava vanu nanyungu cikumiiyo cange, nameme vanu va Isalele kuvanyungile cikumiiyo cange.”

Amose 5:15

Zindeni vije vyavivi, co zemeni vije vyavivwa, vushunga vusholoke mu mbanja. Amo Shukulu Kalunga akazivilako mema ku mbunge vanu va lifuti eli vaje vacili nakuyoya.

Zefaniya 2:3

Ilukeni kuli Shukulu Kalunga yeni voshe vaka-kulilumbilisa va mu lifuti, vaje valinakwononoka mashiko endi. Lingeni vije vya vushunga, co lilumbiliseni ku mesho a Shukulu Kalunga. Amo mukaputumuka ku cihiso a litangwa lije omo Shukulu Kalunga akasholola vukalu vwendi.

Zakaliya 4:6

Co kangelo wanjilekele kwambulula majwi awa kuli Zelumbambele akutunda kuli Shukulu Kalunga ngwange Shukulu Kalunga nendeka ngwendi, “Yove ukahyana, kesi na nzili ya vushwalale nambe na nzili yove vavenya embwe, oloni na Munzinzime wange.

Kulava 10:32

Nga tuya nove, co tukalipangela vyuma vyoshe vyavivwa vije vyakatwana Shukulu Kalunga.”

Kulava 31:4

Ku muyati umo na umo wa Isalele kutunde vanalume 1,000 vaye ku nzita.”

Mateo 19:26

Oloni Yesu wavakengele shwii, co wavakumbulwile ngwendi, “Eci cinakaluwa lika kuli vanu, oloni kuli Njambi vyuma vyoshe vyavyasi.”

Loma 8:31

Co a vyuma vyoshe evi, twendeka vatijo? Nga Njambi napu wetu, co iyajo asa kutulwisa?

Kwituluka mu Mashiko 32:30

Omwo vikajo vanu 1,000 vafungulukile kuli munu umo? Na vanu 10,000 vafungulukile kuli vanu vavali lika? Omwo Shukulu Kalunga Njambi yavo wavakengesele nima, omwo Njambi yavo muka-nzili wavakundikile mu mavoko avo.

Filipu 3:3

Omwo yetu, kesi ngwe vakevo embwe, twatambula kutuuka kwa vushunga, omwo yetu tukalemesa Njambi a Munzinzime wendi, co tunavwaelela a mwonyo wetu ou muli Kilistu Yesu. Kutwasa kukulaela cisemwa ca vunu.

Yoshwa 14:12

Ngeconi ololo, njane lifuti lya malundu lije lyanjikulaesele Shukulu Kalunga a litangwa lije omo yange na vanu vange twatwalele vukaleo. Co a simbu ije twakulekele ngeci uje muyati wa makisi-kisi uvatumbula ngwavo vaAnakime vakele kuje mu vinganda vya vivumbe vyavilaja. Nga Shukulu Kalunga akakala amo nange, co njikavasheka, ngwe muje mwendekele Shukulu Kalunga.”

Maako 15:18

Asinoni Samusoni wazivile manene lihwila, co watambekele kuli Shukulu Kalunga wendekele ngwendi, “Unanjihyanesa a vyuma vyakama, kuma yange ololo njitsa nalihwila nakunjifungulula kuli vaFilisitiya ava vaka-kujeneka kukulaela ndi?”

1 Samwele 14:5

Limo lyakele ku mutambela wa kunto ya ngila, lyakengele ku Mikemashe, co limo lalo lyakele ku mutambela wa mu mbwela lyakengele ku Ngemba.

1 Samwele 14:7

Co mukwenje wamukumbulwile ngwendi, “Linga vyoshe vili mu mbunge yove, nange njili amo nove, vyoshe vili mu mbunge yove, vikevyo vili mu mbunge yange lalo.”

1 Samwele 17:26

Ndaviti wehwile vaje vanu vakele kuyehi nendi ngwendi, “Cuma muka civakana munu uje atsiya kaFilisitiya ou, nakupatula vaIsalele ku shwamwa eyi? KaFilisitiya iyajo ou wakujeneka kukulaela Kalunga ayeluwisa mbunga ya mashwalale va Njambi wakuyoya?”

1 Samwele 17:36

Njatsiya laja vindumba, na vaingwe, co njikalinga mumolika lalo na uje kaFilisitiya muka-kujeneka kukulaela, uje ayeluwisa mashwalale va Njambi wakuyoya.

1 Samwele 17:46

Ku litangwa lya lelo vene, Shukulu Kalunga akakukundika mu livoko lyange, co njikakutsiya nakutapa mutwe wove, njikana mivila ya mashwalale va vaFilisitiya ku tuzila na ku tusitu. Co lifuti lyoshe likazivuka ngeci Njambi ali mu Isalele,

1 Samwele 17:47

co munu na munu uje ali kuno akazivuka ngwendi Shukulu Kalunga kesi kulwa na mikwale nambe na makunga mukwamena vanu vendi. Omwo Shukulu Kalunga muka-kuhyana vinzita, co ikeye akamikundika mu mavoko etu.”

1 Samwele 31:4

Co Saulu wendekele kuli uje mukwenje wambatele vitwa vyendi ngwendi, “Shomona mukwale wove unjitsiye, ngeci ava vaFilisitiya vaka-kujeneka kukulaela kesi vanjishaule nakunjitsiya.” Oloni uje mukwenje katavele, omo wakele na lyova. Ngecivene, Saulu wambatele mukwale wendi, co wawililileko ikeye vavenya.