1 Samwele 14:5 - Livulu lya Shukulu Kalunga

⁵ Limo lyakele ku mutambela wa kunto ya ngila, lyakengele ku Mikemashe, co limo lalo lyakele ku mutambela wa mu mbwela lyakengele ku Ngemba.

1 Samwele 14:5 Iomraidhean Croise

1 Mizimbu 3:6

Co wakele na vana vakwavo vatanu na vawana mazina avo, Imbehale, na Elishwa, na Elepelete,

Isaya 10:28

Mbunga ya mashwalale va vitozi vanafungulula nganda ya Ai! Vaneti ku Mingelone! Co vanaseza vivala vyavo ku Mikemashe!

Isaya 10:29

Vanajomboka ngila, co vanakalalela ku Ngemba! Vanu va mu nganda ya Lama vali na lyova, co vanu va mu nganda ya Ngimbeya ya Mwene Saulu vanatewe.

1 Samwele 13:11

oloni Samwele wendekele kuli ikeye ngwendi, “Vika unalingi?” Co Saulu wamukumbulwile ngwendi, “Vanu vakele nakunjiseza, co yove lalo kuwezile vwasi ngwe muwendekele, co kuwezelelako lalo, vaFilisitiya valinakulikungulwila ku Mikemashe.

1 Samwele 13:2

Saulu waangwile vanalume 3,000 mu Isalele. Vanalume 2,000 vakele amo na Saulu ku Mikemashe mu lifuti lya malundu a ku Mbetele, co watumine vanalume 1,000 vaile na munendi Yonatana ku Ngimbeya, mu lifuti lya muyati wa Mbenjemani. Co vaje vasaleleo Saulu wavatumine munu na munu kuya ku mbalaka yendi.

1 Samwele 13:23

Co vaFilisitiya vatumine mbunga ya mashwalale kukemana ku ngila ya ku Mikemashe.

1 Samwele 13:3

Yonatana watsiile muka-kushika nzita ya Filisitiya mu Ngemba, voshe vaFilisitiya vazivile vyuma evi. Co Saulu watumine miluwa kusana vaHevelu ku nzita akwimba lupembo mu lifuti mwoshe.

1 Samwele 14:31

A litangwa lije vaIsalele vafungulwile vaFilisitiya, vavalwisile ngila yoshe kutunda ku Mikemashe nakweta ku Ainjalone. A simbu ije vaIsalele vazeyele manene na njala.

1 Samwele 14:4

Yonatana wetile mukati ka ngila ya ku Mikemashe, co wetele ku cilombo ca vaFilisitiya, kuje kwakele mamanya avali akushongomoka, limanya limo valyakele sambwa limo lya ngila, limanya likwavo valyakele sambwa likwavo lya ngila, valitumbwile ngwavo Mbozeze, co likwavo ngwavo Sene.

1 Samwele 14:6

Yonatana wendekele kuli uje mukwenje wambatele vitwa vyendi vya nzita ngwendi, “Tujavuke tuye musambwa mu cilombo ca vaFilisitiya vaje vaka- kuli kukulaela Shukulu Kalunga. Amo Shukulu Kalunga akatukwasa, omwo kukwesi vimuvindika kutuhyanesa, nambe tunapu tuvavandondo lika.”