1 Samwele 14:49 - Livulu lya Shukulu Kalunga

⁴⁹ Vana va Saulu vapwile, Yonatana, na Ishevi, na Malekishwa. Munendi wa mukulunu wa munakazi lizina lyendi Melambe, co mutinikila lizina lyendi Mikale.

1 Samwele 14:49 Iomraidhean Croise

1 Mizimbu 10:2

Oloni vaFilisitiya vavakwatele nakutsiya vana va Saulu vatatu, Yonatana, na Avinandave, na Malekishwa.

1 Mizimbu 8:33

Nele ikeye wapwile ishe ya Kishe, Kishe ikeye wapwile ishe ya Mwene Saulu, co Saulu wakele na vana vendi vawana mazina avo, Yonatana, na Melekishwa, na Avinandave, na Eshembale.

1 Mizimbu 9:39

Nele ikeye wapwile ishe ya Kishe, co Kishe ikeye wapwile ishe ya Mwene Saulu. Co Saulu wakele na vana vendi vawana, mazina avo, Yonatana, na Malekishwa, na Avinandave, na Eshembale.

1 Samwele 18:27

Ndaviti na vanu vendi vaile nakutsiya vaFilisitiya 200. Co Ndaviti watwalele vikonde vyavo kuli mwene, co wavilavele ku mesho a mwene, ngeci ikeye apwe ishemweno. Ngecivene, Saulu waanene munendi Mikale kuli Ndaviti apwe munakazi wendi.

1 Samwele 19:12

Co Mikale watuwisilile Ndaviti a njanena, co watewele nakukavanda.

1 Samwele 25:44

Saulu washombwesele munendi Mikale, uje wapwile munakazi wa Ndaviti, kuli Paliti muna Laishe, wa ku limbo lya Ngalime.

1 Samwele 31:2

Oloni vaFilisitiya vakwatele nakutsiya vana va Saulu vatatu, Yonatana, na Avinandave, na Malekishwa.