1 Samwele 14:33 - Livulu lya Shukulu Kalunga

³³ Saulu vamulekele ngwavo “Kenga, vanu vove vanalingi vuvi ku mesho a Shukulu Kalunga akulya situ na maninga ayo.” Saulu watambekele ngwendi, “Eni vaka-vungungu! Andumwineni limanya olyo lyakama kuno kuli yange.”

1 Samwele 14:33 Iomraidhean Croise

Kushangumuka 9:4

Oloni kumwapandele kulya situ na maninga ayo, omwo mwonyo wayo uli mu maninga.

VaLevi 17:10

“Nga kaIsalele, nambe muka-kwija uje alinakukala akati ka vanu, alya situ ili na maninga, nambe alya maninga, co Shukulu Kalunga akamutengulukila, co kakamulava lalo kupwa munu wendi embwe.

VaLevi 19:26

“Kesi mukalye situ na maninga ayo. Kesi mukaye ku vaka-kutaa nambe vaka-manseno.

VaLevi 7:26

Mukuyoya kwavo kwoshe, vaIsalele kuvapandele kulya maninga a tuzila, nambe a vimuna mu vyakulya vyavo embwe.

VaLevi 7:27

Munu woshe akapokola eli lishiko kuvakamulava lalo kupwa umo wa vanu va Njambi embwe.

Mateo 7:5

Ove muka-civembulu! Akulivanga tundisa mukambo uli mu lisho lyove, asinoni umone mwamuvwa akutundisa kacishoni kali a lisho lya mukweni.

Vilinga vya Miluwa 15:20

Oloni tunapande kuvasonekela mukanda wakuvaleka ngwetu kesi valye vyakulya vyakujeneka kujela omwo vanavikombelela ku tumponya nakulitenga ku vupangala, co lalo kesi valye kasitu wakutikinya nameme kulya maninga.

Loma 2:1

Ngecivene, yove musamba wange, kuma ukahisa vakweni ndi? Kuli yove kukwesi kusamba embwe, nameme vene yove iya. Omwo nga uhisa vakweni, co ulinga vyuma vije vivalinga vakevo, ulinakulihisa yove vavenya.

Kwituluka mu Mashiko 12:16

Oloni kesi mukalye maninga avo embwe, munapande kuwetila asi ngwe mumuketila mema.

Kwituluka mu Mashiko 12:23

Oloni kesi mukalye situ na maninga ayo, omwo mwonyo wakala mu maninga, co yeni kumwapandele kulila kumo mwonyo na situ.

Kwituluka mu Mashiko 15:23

Oloni kesi mukalye maninga avo, mukawetile asi ngwe mumuketila mema.

1 Samwele 14:34

Co Saulu wavalekele ngwendi, “Yeni kuli vanu voshe mukavaleke ngeci vanene vingombe, na vimanga vavo kuno. Vakuvatsiile kuno nakuvalilako, kuvapandele kulinga vuvi ku mesho a Shukulu Kalunga akulya situ na maninga ayo.” Ngecivene, ku vutsiki vuje, voshe vanenele vingombe vavo nakuvatsiila kuje.