1 Samwele 14:32 - Livulu lya Shukulu Kalunga

³² Co vashatukilile ku vije vapukwile kuli vitozi, vambatele vimanga, na vingombe, vavatsiilile aje vene, co valile situ na maninga ayo.

1 Samwele 14:32 Iomraidhean Croise

Kushangumuka 9:4

Oloni kumwapandele kulya situ na maninga ayo, omwo mwonyo wayo uli mu maninga.

Ezekiyele 33:25

“Valeke vije yange Kalunga wa Akamwa ya Vyoshe, njilinakwendeka ngwange, ‘Mulya situ oku ili na maninga. Mulinakulemesa tumponya. Mulinakutsiya. Cuma mukajo cimiyongwesa ngeci lifuti linapu lyeni?

VaLevi 19:26

“Kesi mukalye situ na maninga ayo. Kesi mukaye ku vaka-kutaa nambe vaka-manseno.

VaLevi 3:17

Kukwesi kaIsalele akalya mazi nambe maninga, eli likelyo lishiko limukanyunga ku myaka yoshe kuli vaIsalele voshe ku visemwa vyeni vyoshe vya kulutwe kwoshe kuje kumukakala.”

Vilinga vya Miluwa 15:20

Oloni tunapande kuvasonekela mukanda wakuvaleka ngwetu kesi valye vyakulya vyakujeneka kujela omwo vanavikombelela ku tumponya nakulitenga ku vupangala, co lalo kesi valye kasitu wakutikinya nameme kulya maninga.

Vilinga vya Miluwa 15:29

kesi mulye vyakulya vije vyakukombelela ku tumponya, kesi mulye maninga, kesi mulye kasitu wakutikinya, co litengeni ku vupangala. Mukakala mwamuvwa nga mulinyunga nakujeneka kulinga vyuma evi. Viindu vyeni.”

Kwituluka mu Mashiko 12:16

Oloni kesi mukalye maninga avo embwe, munapande kuwetila asi ngwe mumuketila mema.

1 Samwele 15:19

Co omwo vikajo kuwononokele majwi a Shukulu Kalunga? Omwo vikajo washatukilile ku vyakupukula, co walingile vije kuvyavwaelelesele Shukulu Kalunga?”