1 Samwele 14:19 - Livulu lya Shukulu Kalunga

¹⁹ Omo Saulu wacikele nakwendeka na muka-kukombelela, kuuya-uya kuje kwakele mu cilombo ca vaFilisitiya anga kwasholokele manene, co Saulu wendekele kuli ikeye ngwendi, “Ololo kukwesi simbu yakwihula Shukulu Kalunga!”

1 Samwele 14:19 Iomraidhean Croise

Myaso 106:13

Oloni vwasi-vwasi vanu vevalele vipangi vya Shukulu Kalunga, vavyanene kunangula kwendi.

Isaya 28:16

Ngecivene, Shukulu Kalunga wa Akamwa ya Vyoshe nendeka ngwendi, “Kengeni, njikajala luvula lwakukola mu Siyone. Lukelwo vene limanya lya mu mbango lije vaneseka kupwa lya vushunga, naumo wai uje akulaela mulikelyo ivakazivisa shwamwa.

Kulava 27:21

Ikeye akemana ku mesho a Elyazale muka-kukombelela, co Elyazale akalilongesa kuwana cizango cange akupangesa Ulime na Tumime, co mu ngila eyi akatwamenena Yoshwa na mbunga yoshe ya vanu va Isalele mu vipangi vyavo vyoshe.”

Yoshwa 9:14

Co vanalume va vaIsalele vatambwile vyakulya vyavo vimo, oloni kuvehwile cizango ca Shukulu Kalunga.

1 Samwele 13:11

oloni Samwele wendekele kuli ikeye ngwendi, “Vika unalingi?” Co Saulu wamukumbulwile ngwendi, “Vanu vakele nakunjiseza, co yove lalo kuwezile vwasi ngwe muwendekele, co kuwezelelako lalo, vaFilisitiya valinakulikungulwila ku Mikemashe.

1 Samwele 14:20

Co Saulu na vanu vendi vakovelele mu nzita nakulwisa vaFilisitiya, vaje vakele nakulilwisa vakevo vavenya na kuuya-uya.

1 Samwele 14:24

A litangwa lije vaIsalele vazeyele na njala, omwo Saulu walisingile cisingo, co washikile ngwendi, “Cisingo cikale ali munu woshe uje alya vyakulya lelo simbu kanda njilinge shambandinga vitozi vange.” Ngecivene, naumo wai walile cuma litangwa lyoshe.

1 Samwele 30:7

Ndaviti wendekele kuli Aviyatale muka-kukombelela muna Ahimeleki ngwendi, “Njinenele kangamuna.” Co Aviyatale wamuneneleleko.